ಭೋಪಾಲ್: ವಿಲಕ್ಷಣಕಾರಿ ಘಟನೆಯೊಂದರಲ್ಲಿ ವ್ಯಕ್ತಿಯೋರ್ವ ಎಮ್ಮೆ ಕರುವಿನ ಮೇಲೆ ಅತ್ಯಚಾರ ಎಸಗಿರುವ ಘಟನೆ ಮಧ್ಯಪ್ರದೇಶದ ಸತ್ನಾ ಜಿಲ್ಲೆಯಲ್ಲಿ ನಡೆದಿದೆ.
ಘಟನೆ ಸಂಬಂಧ ಎಮ್ಮೆಯ ಮಾಲೀಕ ಲಾಲ್ಮನ್ ಪಾಲ್(60) ನೀಡಿದ ದೂರಿನ ಮೇರೆಗೆ ಪೊಲೀಸರು ಶ್ಯಾಮ್ಬಿಹಾರಿ ಪಾಂಡೆ(50) ಎಂಬುವವರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ಧಾರೆ.
ಕೃತ್ಯದ ಕುರಿತು ಪ್ರತಿಕ್ರಿಯಿಸಿರುವ ಎಮ್ಮೆಯ ಮಾಲೀಕ ಲಾಲ್ಮನ್ ಕಳೆದ 4-5 ತಿಂಗಳಿನಿಂದ ಶ್ಯಾಮ್ಬಿಹಾರಿ ಎಂಬ ವ್ಯಕ್ತಿಯೂ ನನ್ನ ಒಂದೂವರೆ ವರ್ಷದ ಎಮ್ಮೆ ಕರುವಿನ ಮೇಲೆ ನಿರಂತರವಾಗಿ ಅತ್ಯಾಚಾರ ಎಸಗಿದ್ದಾನೆ.
ಅವನು ಕರುವಿನ ಕೈ-ಕಾಲುಗಳನ್ನು ಕಟ್ಟಿ ಕೃತ್ಯ ಎಸಗುತ್ತಿದ್ದ. ಕಳೆದ 4-5 ತಿಮಗಳಿನಿಂದ ಎಮ್ಮೆ ಕರುವಿನ ಆರೋಗ್ಯದಲ್ಲಿ ಏರುಪೇರಾಗುತ್ತಿದ್ದು, ಈ ಬಗ್ಗೆ ವೈದ್ಯರಿಗೆ ವಿಚಾರಿಸಿದಾಗ ಅವರು ಕೂಡ ಸರಿಯಾದ ಕಾರಣವನ್ನು ಹೇಳಲಿಲ್ಲ. ಬಳಿಕ ರಾತ್ರಿ ಹೊತ್ತು ನಾನೇ ಖುದ್ದು ಪರಿಶೀಲಿಸಿದಾಗ ಕೃತ್ಯ ಬೆಳಕಿಗೆ ಬಂದಿದೆ ಎಂದು ಮಾಲೀಕ ಲಾಲ್ಮನ್ ತಿಳಿಸಿದ್ದಾರೆ.
ಘಟನೆಯ ಕುರಿತು ಅಮರ್ಪತನ್ ಪೊಲೀಸ್ ಠಾಣಾಧಿಕಾರಿ ಪ್ರತಿಕ್ರಿಯಿಸಿದ್ದು, ಎಮ್ಮೆಯ ಮಾಲೀಕರು ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ. ಕರುವಿನ ಮಾದರಿಗಳನ್ನು ಪರೀಕ್ಷೆಗೆ ಕಳುಹಿಸಲಾಗಿದ್ದು, ಅದರ ವರದಿ ಬಂದ ನಂತರ FIR ದಾಖಲಿಸಿ ಮುಂದಿನ ಕ್ರಮವನ್ನು ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.
ಈ ಹಿಂದೆ ಮಧ್ಯಪ್ರದೇಶದ ಸೆಹೋರ್ ಜಿಲ್ಲೆಯಲ್ಲಿ ಮೇಕೆಯ ಮೇಲೆ ಅತ್ಯಾಚಾರ ಎಸಗಿ ವ್ಯಕ್ತಿಯೋರ್ವ ವಿಕೃತಿ ಮೆರೆದಿದ್ದ.