ಬಾಲಿವುಡ್ ಮಂದಿಗೆ ಕರೊನಾ ವೈರಸ್ ಕಾಟ ಹೆಚ್ಚಾಗುತ್ತಿದೆ. ಎಷ್ಟೇ ಕಾಳಜಿ ವಹಿಸಿದರೂ, ಒಂದಲ್ಲ ಒಂದು ರೀತಿಯಲ್ಲಿ ಸೋಂಕಿನ ಪ್ರಮಾಣ ಹೆಚ್ಚಾಗುತ್ತಿದೆ. ಇದೀಗ ಬಾಲಿವುಡ್ನ ಹಾಟ್ ಬ್ಯೂಟಿ, ಅರ್ಜುನ್ ಕಪೂರ್ ಪ್ರೇಯಸಿ ಮಲೈಕಾ ಅರೋರ, ಕರೊನಾಕ್ಕೆ ಬೆಚ್ಚಿಬಿದ್ದಿದ್ದಾರೆ. ತಾವು ವಾಸವಿದ್ದ ಕಟ್ಟಡದಲ್ಲಿಯೇ ವ್ಯಕ್ತಿಯೊಬ್ಬರಲ್ಲಿ ಕರೊನಾ ಪಾಸಿಟಿವ್ ವರದಿ ದೃಢವಾಗಿದೆ!
ಹೌದು, ಲಾಕ್ಡೌನ್ ಘೋಷಣೆ ಆದಾಗಿನಿಂದ ಪುತ್ರ ಅರ್ಹಾನ್ ಜತೆಗೆ ಸೆಲ್ಫ್ ಐಸೋಲೇಷನ್ನಲ್ಲಿರುವ ಮಲೈಕಾ, ಬಾಂದ್ರಾದ ಕಟ್ಟಡದಲ್ಲಿ ವಾಸವಾಗಿದ್ದಾರೆ. ಆ ಬಿಲ್ಡಿಂಗ್ನಲ್ಲಿ ವಾಸವಿರುವ ವ್ಯಕ್ತಿಗೆ ಕೋವಿಡ್ ವರದಿ ಪಾಸಿಟಿವ್ ಬಂದ ಹಿನ್ನೆಲೆಯಲ್ಲಿ, ಇಡೀ ಕಟ್ಟಡವನ್ನು ಸೀಲ್ಡೌನ್ ಮಾಡಿ ಸ್ಯಾನಿಟೈಸ್ ಮಾಡಲಾಗುತ್ತಿದೆ. ಅಷ್ಟೇ ಅಲ್ಲ, ಬಾಂದ್ರಾಕ್ಕೆ ಸುತ್ತಮುತ್ತ ಸಂಪರ್ಕ ಕಲ್ಪಿಸುವ ಎಲ್ಲ ರಸ್ತೆಗಳನ್ನು ಮುಚ್ಚಲಾಗಿದ್ದು, ಇಡೀ ಏರಿಯಾವನ್ನು ನಿಷೇಧಿತ ಪ್ರದೇಶವೆಂದು ಬಾಂಬೆ ಮುನ್ಸಿಪಲ್ ಕಾರ್ಪೋರೇಷನ್ ಘೋಷಿಸಿದೆ.
ಇದನ್ನೂ ಓದಿ: VIDEO| ಸರಳವಾಗಿ ನಡೆಯಿತು ಮಯೂರಿ ಮದುವೆ …
ಇತ್ತೀಚೆಗಷ್ಟೇ ಬಾಲಿವುಡ್ ಫಿಲಂ ಮೇಕರ್ ಕರಣ್ ಜೋಹಾರ್ ಮನೆಯ ಕೆಲಸಗಾರರಲ್ಲಿಯೂ ಕರೊನಾ ಪಾಸಿಟಿವ್ ಬಂದ ಹಿನ್ನೆಲೆಯಲ್ಲಿ ಕಟ್ಟಡವನ್ನು ಸೀಲ್ ಮಾಡಲಾಗಿತ್ತು. ಅದಕ್ಕೂ ಮೊದಲು ಬೋನಿ ಕಪೂರ್ ಮತ್ತು ವಿಕ್ಕಿ ಕೌಶಲ್ ವಾಸವಿದ್ದ ಕಟ್ಟಡವನ್ನೂ ಸೀಲ್ಡೌನ್ ಮಾಡಿ, ಸ್ಯಾನಿಟೈಸ್ ಮಾಡಲಾಗಿತ್ತು.
ಸದ್ಯ ಇಡೀ ಮಹಾರಾಷ್ಟ್ರ ಕರೊನಾ ಪ್ರಕರಣಗಳಿಂದ ತುಂಬಿ ಹೋಗಿದೆ. ಅದರಲ್ಲೂ ಮುಂಬೈವೊಂದರಲ್ಲಿಯೇ 10 ಸಾವಿರ ಗಡಿ ಮುಟ್ಟಿದೆ. ಹಾಗಾಗಿ ಬಿಎಂಸಿ ಸಹ ಎಲ್ಲೆಡೆ ಕಟ್ಟುನಿಟ್ಟಿನ ಕ್ರಮಗಳನ್ನು ಜಾರಿಗೆ ತರುತ್ತಿದೆ. (ಏಜೆನ್ಸೀಸ್)