ಹೈದರಾಬಾದ್: ಟಾಲಿವುಡ್ ಸೂಪರ್ಸ್ಟಾರ್ ಮಹೇಶ್ ಬಾಬು(Mahesh Babu) ಮತ್ತು ಟ್ಯಾಲೆಂಟೆಡ್ ನಿರ್ದೇಶಕ ರಾಜಮೌಳಿ ಅವರ ಕಾಂಬಿನೇಷನ್ನಲ್ಲಿ 'SSMB 29' ಸಿನಿಮಾ ಬರುತ್ತಿರುವುದು ಗೊತ್ತೆ ಇದೆ. ಈ ಚಿತ್ರದ ಮೊದಲ ವೇಳಾಪಟ್ಟಿ ಪೂರ್ಣಗೊಂಡ ನಂತರ ಮಹೇಶ್ ಬಾಬು ಇತ್ತೀಚೆಗೆ ತಮ್ಮ ಕುಟುಂಬದೊಂದಿಗೆ ಪ್ರವಾಶಕ್ಕೆ ಹೋಗತ್ತಿರುವುದು ಕಂಡುಬಂದಿದೆ. ಪಾಸ್ಪೋರ್ಟ್ ಹಿಡಿದು ಏರ್ಪೋರ್ಟ್ನಲ್ಲಿ ಹೋಗುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಇದನ್ನು ಓದಿ: 'SSMB29'ನಲ್ಲಿ ಮಹೇಶ್ ಬಾಬುಗೆ ಜೋಡಿ ಈ ಹಾಲಿವುಡ್ ನಟಿ?; ಹೈದರಾಬಾದ್ ಏರ್ಪೋರ್ಟ್ಗೆ ಬಂದಿಳಿದ ಬೆಡಗಿ ಇವರೇ..
ವಿಡಿಯೋದಲ್ಲಿ ರಾಜಮೌಳಿ ಅವರಿಂದ ಮಹೇಶ್ ಬಾಬು ಅವರು ತನ್ನ ಪಾಸ್ಪೋರ್ಟ್ ಹಿಂಪಡೆದಿರುವುದನ್ನು ತೋರಿಸುತ್ತಿದ್ದಾರೆ ಎಂದು ಹೇಳುತ್ತಿದ್ದಾರೆ. ಈಗಾಗಲೇ ಮಹೇಶ್ ಬಾಬು ಅವರು SSMB 29ರ ಮೊದಲ ವೇಳಾಪಟ್ಟಿಯನ್ನು ಮುಗಿಸಿದ್ದಾರೆಂದು ಹೇಳಲಾಗುತ್ತಿದೆ. ಪ್ರಸ್ತುತ ಈ ಶೂಟಿಂಗ್ ಒರಿಸ್ಸಾದಲ್ಲಿ ನಡೆಯುತ್ತಿದೆ. ಮೊದಲ ವೇಳಾಪಟ್ಟಿ ಪೂರ್ಣಗೊಂಡು ಎರಡನೇ ವೇಳಾಪಟ್ಟಿಗೆ ವಿರಾಮ ನೀಡಿರುವುದರಿಂದ ನಿರ್ದೇಶಕ ರಾಜಮೌಳಿ ಅವರು ಮಹೇಶ್ ಬಾಬುಗೆ ಸ್ವಲ್ಪ ಸ್ವಾತಂತ್ರ್ಯ ನೀಡಿದ್ದಾರೆ ಎಂದು ತೋರುತ್ತದೆ.
ಆದರೆ, ಅದಕ್ಕೂ ಮೊದಲು ಮಹೇಶ್ ಬಾಬು ವಾರಕ್ಕೊಮ್ಮೆ ವಿದೇಶ ಪ್ರವಾಸ ಮಾಡುತ್ತಿದ್ದರು ಮತ್ತು ಆಗಾಗ್ಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. SSMB 29 ಚಿತ್ರೀಕರಣಕ್ಕೂ ಮುನ್ನ ಜಕ್ಕಣ್ಣ ಅವರು ತಮ್ಮ ಪಾಸ್ಪೋರ್ಟ್ ಅನ್ನು ಅವರಿಂದ ಪಡೆದು ಕೊಂಡಿರುವುದಾಗಿ ಹೇಳಿ ಪೋಸ್ಟ್ವೊಂದನ್ನು ಹಂಚಿಕೊಂಡಿದ್ದರು. ಆ ಫೋಸ್ಟ್ ಪಂಜರದಲ್ಲಿ ಸಿಂಹವನ್ನು ಸೆರೆಹಿಡಿದಂತೆ ಫೋಟೋಗಳಿಗೆ ಪೋಸ್ ನೀಡಿದರು. ಇದರರ್ಥ ಪ್ರವಾಸಕ್ಕೆ ಹೋಗದಂತೆ ಮಹೇಶ್ ಬಾಬು ಅವರ ಪಾಸ್ಪೋರ್ಟ್ ಅನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗಿದೆ ಎಂಬರ್ಥ ನೀಡುವಂತಿತ್ತು.
ಮಹೇಶ್ ಬಾಬು ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು, ಅವರ ಪಾಸ್ಪೋರ್ಟ್ ಅನ್ನು ಅವರಿಗೆ ಹಸ್ತಾಂತರಿಸಲಾಗಿದೆ ಎಂಬಂತೆ ತೋರಿಸಿದರು. ಮಹೇಶ್ ಬಾಬು ರಜೆಗೆ ಎಲ್ಲಿಗೆ ಹೋಗುತ್ತಿದ್ದಾರೆ ಎಂಬುದು ಇನ್ನೂ ತಿಳಿದಿಲ್ಲ. ಆದರೆ ಗೌತಮ್ ಪ್ರಸ್ತುತ ವಿದೇಶದಲ್ಲಿ ಓದುತ್ತಿದ್ದಾನೆಂದು ತಿಳಿದುಬಂದಿದೆ. ಇಡೀ ಕುಟುಂಬ ಅಲ್ಲಿಗೆ ಹೋಗಿ ರಜೆಯನ್ನು ಆನಂದಿಸಲು ಯೋಜಿಸುತ್ತಿದೆ ಎಂಬ ಮಾತು ಕೇಳಿಬರುತ್ತಿದೆ.
ಎಸ್ಎಸ್ಎಮ್ಬಿ 29 ಸಿನಿಮಾದ ಎರಡನೇ ಶೆಡ್ಯೂಲ್ ಆರಂಭವಾಗುವ ಮುನ್ನ ಜಕ್ಕಣ್ಣ ಎರಡು ನಿಮಿಷಗಳ ವಿಡಿಯೋದೊಂದಿಗೆ ಅಪ್ಡೇಟ್ ನೀಡಲಿದ್ದಾರೆ ಎಂಬ ವದಂತಿಗಳಿವೆ.(ಏಜೆನ್ಸೀಸ್)