Murder: ವಿವಾಹಿತ ಮಗಳು ಮತ್ತು ಆಕೆಯ ಪ್ರಿಯಕರನನ್ನು ತಂದೆಯೇ ಕೊಲೆ ಮಾಡಿದ ಭಯಾನಕ ಘಟನೆ ಮಹಾರಾಷ್ಟ್ರದ ನಾಂದೇಡ್ ಜಿಲ್ಲೆಯ ಉಮ್ರಿ ತಾಲೂಕಿನಲ್ಲಿ ಮಂಗಳವಾರ(ಆ.26) ನಡೆದಿದೆ.
ಉಮ್ರಿ ತಾಲೂಕಿನ ಬೋರ್ಜುನ್ನಿ ಗ್ರಾಮದ ನಿವಾಸಿ ಸಂಜೀವಿನಿ ಮತ್ತು ಆಕೆಯ ಪ್ರಿಯಕರ ಲಖನ್ ಭಂಡಾರೆ ಮೃತರು. ಕೊಲೆ ಮಾಡಿದ ಬಳಿಕ ಆರೋಪಿ ಪೊಲೀಸ್ ಠಾಣೆಯಲ್ಲಿ ಶರಣಾಗಿದ್ದು, ನಾಂದೇಡ್ ಜಿಲ್ಲೆಯಲ್ಲಿ ಈ ಘಟನೆ ಬೆಚ್ಚಿಬೀಳಿಸಿದೆ.
ಕಳೆದ ಒಂದು ವರ್ಷದ ಹಿಂದೆ ಗೊಲೆಂಗಾವ್ನ ಸುಧಾಕರ್ ಕಮಲೆ ಎಂಬುವವರನ್ನು ಸಂಜೀವಿನಿ ಮದುವೆಯಾಗಿದ್ದಳು. ಮದುವೆಯನ್ನು ಆಕೆಯ ತಂದೆ ಬಹಳ ವಿಂಜೃಭಣೆಯಿಂದ ಮಾಡಿದ್ದನು. ಆದಾಗ್ಯೂ, ಆಕೆ ತನ್ನ ಊರಿನ ಯುವಕನೊಂದಿಗೆ ಫೋನ್ನಲ್ಲಿ ಮಾತನಾಡುತ್ತಿದ್ದಳು. ಮದುವೆಯಾದ ಬಳಿಕವೂ ಆ ಯುವಕನ ಜತೆ ಸಂಪರ್ಕ ಮುಂದುವರೆಸಿದ್ದಳು. ಈ ಇಬ್ಬರ ನಡುವೆ ಸಂಪರ್ಕದ ಬಗ್ಗೆ ಅನುಮಾನಗೊಂಡ ಅತ್ತೆ-ಮಾವ ಒಂದು ದಿನ ರೆಡ್ಹ್ಯಾಂಡ್ ಆಗಿ ಆಕೆಯನ್ನು ಹಿಡಿದು ಆಕೆಯ ಸಂಬಂಧದ ಬಗ್ಗೆ ತಂದೆಗೆ ಹೇಳಿದ್ದರು.
ತಂದೆ ಸಂಜಿವಿನಿ ಮತ್ತು ಆಕೆ ಪ್ರಿಯಕರನ್ನು ಕರೆಯಿಸಿ ಮಾತುಕತೆ ಮಾತನಾಡುವುದಾಗಿ ಹೇಳಿ ಹಳ್ಳಿಯೊಂದಕ್ಕೆ ಕರೆದೊಯ್ಯದಿದ್ದಾರೆ. ಇಬ್ಬರನ್ನು ಬಾವಿ ಹತ್ತಿರ ಕರೆದೊಯ್ಯುದು, ಬೆದರಿಕೆ ಹಾಕಿ ಕೈ-ಕಾಲು ಕಟ್ಟಿ ಬಾವಿಗೆ ಎಸೆದಿದ್ದಾನೆ. ಇಬ್ಬರು ಮೃತಪಟ್ಟ ಬಳಿಕ ಠಾಣೆ ಬಂದು ಆರೋಪಿ ಶರಣಾಗಿದ್ದಾನೆ.(ಏಜೆನ್ಸೀಸ್)