ವಾಷಿಂಗ್ಟನ್: ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಇನ್ನೆರಡು ವಾರಗಳಲ್ಲಿ ನಡೆಯಲಿದ್ದು, ಇದೀಗ ಆಸಕ್ತಿಕರ ವಿಷಯಗಳು ಹೊರಬರುತ್ತಿವೆ. ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಕಮಲಾಹ್ಯಾರಿಸ್ ಅವರ ಸಲಹಾ ತಂಡವು ಜನಪ್ರಿಯ ಸಾಮಾಜಿಕ ಮಾಧ್ಯಮ ಎಲೋನ್ ಮಸ್ಕ್(Elon Musk) ಅವರ ಎಕ್ಸ್('X') ಮುಚ್ಚಿಹಾಕಿಸುವ ತಂತ್ರಮಾಡಿದೆ ಎನ್ನಲಾಗಿದೆ.
ಈ ತಂಡದಲ್ಲಿ ಬ್ರಿಟನ್ನ ರಾಜಕೀಯ ಕಾರ್ಯಕರ್ತ ಮೋರ್ಗನ್ ಮೆಕ್ಸ್ವೀನಿ ಸಹ ಇದ್ದು, ಅವರು ಸೆಂಟರ್ ಫಾರ್ ಕೌಂಟರಿಂಗ್ಡಿಜಿಟಲ್ ಹೇಟ್ ಕೇಂದ್ರವನ್ನು ನಡೆಸುತ್ತಿದ್ದಾರೆ. ಇದು ಬ್ರಿಟಿಷ್ ಪ್ರಧಾನ ಮಂತ್ರಿ ಸ್ತ್ರೀಮರ್ ಅವರ ಲೇಬರ್ ಪಾರ್ಟಿಯೊಂದಿಗೆ ನಿಕಟ ಸಂಬಂಧವನ್ನು ಹೊಂದಿದೆ. ಈ ಸಿಸಿಡಿಎಚ್ ಸಂಸ್ಥೆಗೆ ಸೇರಿದ ದಾಖಲೆಗಳನ್ನು ದಿ ಡಿಸ್ ಇನ್ಫರ್ಮೇಶನ್ ಕ್ರಾನಿಕಲ್ ಬಹಿರಂಗಪಡಿಸಿದ್ದು, ಈ ವಿಷಯ ಅದರಲ್ಲಿ ಬಹಿರಂಗವಾಗಿದೆ.
ಈ ವರ್ಷದ ಮಾರ್ಚ್ನಲ್ಲಿ ಸಿದ್ಧಪಡಿಸಿದ ದಾಖಲೆಗಳಲ್ಲಿ, ಎಲೋನ್ ಮಸ್ಕ್ ಅವರ ಟ್ವಿಟರ್ ಅನ್ನು ಹೇಗೆ ಸಂಘಟಿತವಾಗಿ ನಿಗ್ರಹಿಸಬೇಕು ಎಂಬ ಯೋಜನೆ ಹಲವಾರು ಹಂತಗಳಲ್ಲಿ ಸ್ಪಷ್ಟವಾಗಿದೆ. 'ಕಿಲ್ ಮಸ್ಕ್
'ಸ್ ಟ್ವಿಟರ್' ಎಂಬ ಶೀರ್ಷಿಕೆಯಡಿ, ಇದು ಹಣಕಾಸಿನ ಅಸ್ಥಿರಗೊಳಿಸುವಿಕೆ ಮತ್ತು ಜಾಹೀರಾತುದಾರರನ್ನು ಹೆದರಿಸುವುದನ್ನು ಒಳಗೊಂಡಿದೆ.
ಈ ವಿಷಯವನ್ನು ಎಕ್ಸ್ ಗೆ ಸೇರಿದ ಡೈಲಿ ನ್ಯೂಸ್ ವೇದಿಕೆಯಲ್ಲಿ ಹಂಚಿಕೊಳ್ಳಲಾಗಿದೆ. ಈ ಬೆಳವಣಿಗೆಗಳಿಗೆ ಪ್ರತಿಕ್ರಿಯಿಸಿರುವ ಎಲೋನ್ ಮಸ್ಕ್, "ಇದು ಯುನೈಟೆಡ್ ಸ್ಟೇಟ್ಸ್ನಲ್ಲಿನ ಕ್ರಿಮಿನಲ್ ಕಾನೂನುಗಳನ್ನು ಉಲ್ಲಂಘಿಸುತ್ತ ಚುನಾವಣೆಯಲ್ಲಿ ಹಸ್ತಕ್ಷೇಪ ಮಾಡುವ ವಿಷಯವಾಗಿದೆ. ಸಿಸಿಡಿಎಚ್ ಮತ್ತು ಅದರ ನಿರ್ವಾಹಕರ ವಿರುದ್ಧ ಹೋರಾಡುತ್ತದೆ ಎಂದು ಹೇಳಿದ್ದಾರೆ.
ಟೆಸ್ಲಾ ಮುಖ್ಯಸ್ಥ ಎಲೋನ್ ಮಸ್ಕ್ ರಿಪಬ್ಲಿಕನ್ ಅಭ್ಯರ್ಥಿ ಟ್ರಂಪ್ ಅವರ ಪರವಾಗಿ ನಿಂತಿದ್ದಾರೆ. ಅವರನ್ನು ಬೆಂಬಲಿಸುವುದು ಮಾತ್ರವಲ್ಲದೆ ರಿಪಬ್ಲಿಕನ್ ಅಭ್ಯರ್ಥಿಗಳನ್ನು ಗೆಲ್ಲಿಸಿಕೊಂಡು ಬರಲು ಸಹಾಯ ಮಾಡುತ್ತಿದ್ದಾರೆ. ಕೆಲವು ರಾಜ್ಯಗಳಲ್ಲಿ ಮಸ್ಕ್ ಹಣವನ್ನೂ ಒದಗಿಸುತ್ತಿರುವ ವರದಿಗಳಿವೆ.
ಮತ್ತೊಂದೆಡೆ, ಅವರು ಡೆಮಾಕ್ರಟಿಕ್ ಪಕ್ಷದ ಆಡಳಿತದಲ್ಲಿನ ದೋಷಗಳನ್ನು ಎತ್ತಿ ತೋರಿಸುತ್ತಿದ್ದಾರೆ. ಪ್ರಸ್ತುತ ಅಧ್ಯಕ್ಷ ಬಿಡೆನ್ ಅವರ ಅಸಡ್ಡೆ ವರ್ತನೆಯಿಂದಾಗಿ ಮೆಕ್ಸಿಕೋದಿಂದ ಅಮೆರಿಕಕ್ಕೆ ಅಕ್ರಮ ವಲಸಿಗರ ಸಂಖ್ಯೆ ಹೆಚ್ಚುತ್ತಿದೆ ಎಂದು ಸಾರ್ವಜನಿಕವಾಗಿ ಮಸ್ಕ್ ಟೀಕಿಸಿದ್ದಾರೆ. ಅಷ್ಟೇ ಅಲ್ಲ, ಎಲೆಕ್ಟ್ರಿಕ್ ವಾಹನಗಳು ಮತ್ತು ಹಣಕಾಸು ನೀತಿಗಳಲ್ಲಿ ದೋಷಗಳಿವೆ ಎಂದು ದೂರಿದ್ದಾರೆ.
ಇನ್ನು ಟ್ರಂಪ್ ಅವರು ಗೆದ್ದರೆ ಮಸ್ಕ್ ಅವರನ್ನು ಸಲಹೆಗಾರರನ್ನಾಗಿ ನೇಮಿಸಿಕೊಳ್ಳಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.