ಇತ್ತೀಚೆಗೆ ಕಂಗನಾ ರಣಾವತ್ ನೆಪೋಟಿಸಂ, ಸುಶಾಂತ್ ಸಿಂಗ್ ಆತ್ಮಹತ್ಯೆ ವಿಚಾರವಾಗಿ ಸಾಕಷ್ಟು ಚರ್ಚೆಯಲ್ಲಿದ್ದಾರೆ. ಬಾಲಿವುಡ್ನ ಘಟಾನುಘಟಿಗಳ ಬೆವರಿಳಿಸುತ್ತಿದ್ದಾರೆ. ನಿತ್ಯ ಒಂದಾದರೊಂದು ಹೇಳಿಕೆ ಮೂಲಕ ಸದ್ದು ಮಾಡುತ್ತಿರುತ್ತಾರೆ. ಇದೀಗ ತಾಪ್ಸೀ ಪನ್ನು ವಿರುದ್ಧ ಕಂಗನಾ ವಾಗ್ದಾಳಿ ಮಾಡಿದ್ದಾರೆ. ನೇರವಾಗಿ ತಾಪ್ಸೀ ಒಬ್ಬ ಬಿ ಗ್ರೇಡ್ ನಟಿ ಎಂದಿದ್ದಾರೆ!
ಇದನ್ನೂ ಓದಿ: ನಟಿ ಶ್ರುತಿ ಹಾಸನ್ಗೆ ಬಂದಿರೋ ಈ ಕಾಯಿಲೆಯೇ ವಿಚಿತ್ರ!!
ತಾಪ್ಸೀ ಪನ್ನು ಮತ್ತು ಸ್ವರಾ ಭಾಸ್ಕರಾ ಬಗ್ಗೆ ಮಾತನಾಡಿರುವ ಕಂಗನಾ, ‘ ಒಂದು ವೇಳೆ ತಾಪ್ಸೀ ಕರಣ್ ಅವರನ್ನು ಇಷ್ಟಪಡುತ್ತಾಳೆ ಎಂದಾದರೆ, ಯಾಕೆ ಇನ್ನೂ ಬಿ ಗ್ರೆಡ್ ಲೆವೆಲ್ ನಟಿಯಾಗಿದ್ದಾರೆ. ಸ್ವರಾ ಭಾಸ್ಕರಾ ಸಹಿತ ಯಾಕೆ ಇನ್ನೂ ಅಲ್ಲೇ ಇದ್ದಾರೆ. ಆಲಿಯಾ ಭಟ್ ಗಿಂತಲೂ ಅನನ್ಯಾ ಪಾಂಡೆಗಿಂತಲೂ ಈ ಇಬ್ಬರು ನೋಡಲು ಸುಂದರವಾಗಿದ್ದಾರೆ. ಅತ್ಯುತ್ತಮ ನಟಿಯರೆನಿಸಿಕೊಂಡಿದ್ದಾರೆ. ಇವರ್ಯಾರು ಕರಣ್ ಜೋಹರ್ ವಿರುದ್ಧ ಮಾತನಾಡುವುದಿಲ್ಲ. ಏಕೆಂದರೆ ಇವರೆಲ್ಲ ಕರಣ್ ಕ್ಯಾಂಪಿನವರು’ ಎಂದು ಹೇಳಿಕೆ ನೀಡಿದ್ದಾರೆ.
ಇತ್ತ ಕಂಗನಾ ಹೀಗೆ ಹೇಳಿಕೆ ನೀಡುತ್ತಿದ್ದಂತೆ, ತಾಪ್ಸೀ ಪನ್ನು ಸಹ ಟ್ವಿಟರ್ನಲ್ಲಿ ಪರೋಕ್ಷವಾಗಿ ಕಂಗನಾಗೆ ಟಾಂಗ್ ಕೊಟ್ಟಿದ್ದಾರೆ. ‘ಈಗ 10 ಮತ್ತು 12 ಕ್ಲಾಸ್ ರಿಸಲ್ಟ್ ಬಂದಿದೆ. ನಮ್ಮ ಫಲಿತಾಂಶವೂ ಬಂದಿದೆ. ಇಷ್ಟು ದಿನ ನಂಬರ್ ಸಿಸ್ಟಮ್ ಮೇಲೆ ಮೌಲ್ಯವನ್ನು ಅಳೆಯಲಾಗುತ್ತಿತ್ತು.. ಇದೀಗ ಗ್ರೇಡ್ ಸಿಸ್ಟಮ್ ಮೂಲಕ ಅಳೆಯಲಾಗುತ್ತಿದೆ’ ಎಂದಿದ್ದಾರೆ ಕಂಗನಾ.
ಇದೇ ಮೊದಲು ಕಂಗನಾ ಮತ್ತು ತಾಪ್ಸೀ ನಡುವೆ ಈ ರೀತಿಯ ಆರೋಪ ಪ್ರತ್ಯಾರೋಪ ನಡೆದಿಲ್ಲ. ಈ ಮೊದಲೂ ಹಲವು ಬಾರಿ ಸೋಷಿಯಲ್ ಮೀಡಿಯಾದಲ್ಲಿ ಮಾತಿನ ಮೂಲಕವೇ ಇಬ್ಬರು ಚಾಟಿ ಬಿಡಿದ್ದರು. (ಏಜೆನ್ಸೀಸ್)