ಬೆಂಗಳೂರು: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ರಾಜ್ಯದ ಚಳ್ಳಕೆರೆಯಲ್ಲಿರುವ ವೈಮಾನಿಕ ಪರೀಕ್ಷಾ ಕೇಂದ್ರದಲ್ಲಿ (ಎಟಿಆರ್) ಮರುಬಳಕೆ ಮಾಡಬಹುದಾದ ಉಡಾವಣಾ ವಾಹನ (ಆರ್ಎಲ್ವಿ)/ರಾಕೆಟ್ನ 'ಪುಷ್ಪಕ್' ಲ್ಯಾಂಡಿಂಗ್ ಮಿಷನ್ ಅನ್ನು ಯಶಸ್ವಿಯಾಗಿ ನಿರ್ವಹಿಸಿದೆ.
ಇಸ್ರೋ ಪ್ರಕಾರ, ಆರ್ಎಲ್ವಿ ಎಲ್ಇಎಕ್ಸ್-2 ಹೆಲಿಕಾಪ್ಟರ್ನಿಂದ ಬಿಡುಗಡೆಯ ಸಮಯದಲ್ಲಿ ಸ್ವಾಯತ್ತ ಲ್ಯಾಂಡಿಂಗ್ ಸಾಮರ್ಥ್ಯವನ್ನು ಪ್ರದರ್ಶಿಸಿತು.
ಇದನ್ನೂ ಓದಿ: ಮೇಡಮ್ ಟುಸ್ಸಾಡ್ಸ್ನಲ್ಲಿ ಅಲ್ಲು ಅರ್ಜುನ್ ಮೇಣದ ಪ್ರತಿಮೆ: ಅನಾವರಣ ಯಾವಾಗ ಗೊತ್ತಾ? ವಿವರ ಇಲ್ಲಿದೆ ನೋಡಿ..
'ಭಾರತೀಯ ಬಾಹ್ಯಾಕಾಶ ನೌಕೆ' ಪುಷ್ಪಕ್ ಅನ್ನು ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್ ಮೂಲಕ ಎತ್ತಲಾಯಿತು. ಬಳಿಕ 4.5 ಕಿಮೀ ಎತ್ತರದಿಂದ ಕೆಳಕ್ಕೆ ತಳ್ಳಲಾಯಿತು. ಆಗ ಪುಷ್ಪಕ್ ನಿಖರವಾಗಿ ರನ್ವೇ ಮೇಲಿಳಿಯಿತು.
ಪುಷ್ಪಕ್ ಬ್ರೇಕ್, ಪ್ಯಾರಾಚೂಟ್ ಲ್ಯಾಂಡಿಂಗ್ ಗೇರ್ ಬ್ರೇಕ್ಗಳು, ಮತ್ತು ನೋಸ್ ವೀಲ್ ಸ್ಟೀರಿಂಗ್ ಸಿಸ್ಟಮ್ ಅನ್ನು ಬಳಸಿಕೊಂಡು ನಿಲ್ಲಿಸಿತು ಎಂದು ಭಾರತೀಯ ಬಾಹ್ಯಾಕಾಶ ಸಂಸ್ಥೆ ತಿಳಿಸಿದೆ.
"ಮಿಷನ್ ಯಶಸ್ವಿಯಾಗಿದ್ದು, ಆರ್ಎಲ್ವಿ ಬಾಹ್ಯಾಕಾಶದಿಂದ ಹಿಂದಿರುಗುವ ವಿಧಾನ ಮತ್ತು ಹೆಚ್ಚಿನ ವೇಗದ ಲ್ಯಾಂಡಿಂಗ್ ಪರಿಸ್ಥಿತಿಗಳನ್ನು ಅನುಕರಿಸಿತು. ಈ ಎರಡನೇ ಮಿಷನ್ನೊಂದಿಗೆ, ಬಾಹ್ಯಾಕಾಶದಿಂದ ಹಿಂತಿರುಗುವ ವಾಹನದ ಹೆಚ್ಚಿನ ವೇಗದ ಸ್ವಾಯತ್ತ ಲ್ಯಾಂಡಿಂಗ್ ನಿರ್ವಹಿಸಲು ಅಗತ್ಯವಾದ ನ್ಯಾವಿಗೇಷನ್, ನಿಯಂತ್ರಣ ವ್ಯವಸ್ಥೆಗಳು, ಲ್ಯಾಂಡಿಂಗ್ ಗೇರ್ ಮತ್ತು ಡಿಸಲರೇಶನ್ ಸಿಸ್ಟಮ್ಗಳಲ್ಲಿ ತನ್ನ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ತಂತ್ರಜ್ಞಾನಗಳನ್ನು ಇಸ್ರೋ ಮರುಪರಿಶೀಲಿಸಿದೆ” ಎಂದು ಇಸ್ರೋ ಹೇಳಿದೆ.
ಇಸ್ರೋದ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರ (ವಿಎಸ್ಎಸ್ಸಿ) ಜೊತೆಗೆ ಲಿಕ್ವಿಡ್ ಪ್ರೊಪಲ್ಷನ್ ಸಿಸ್ಟಮ್ ಸೆಂಟರ್ ಮತ್ತು ಇಸ್ರೋ ಇನರ್ಷಿಯಲ್ ಸಿಸ್ಟಮ್ಸ್ ಯುನಿಟ್ ಈ ಕಾರ್ಯಾಚರಣೆಯನ್ನು ನಡೆಸಿದೆ. ಭಾರತೀಯ ಬಾಹ್ಯಾಕಾಶ ಸಂಸ್ಥೆಯು ಭಾರತೀಯ ವಾಯುಪಡೆ (ಐಎಎಫ್) ಸೇರಿದಂತೆ ಹಲವಾರು ಇತರ ಸರ್ಕಾರಿ ಏಜೆನ್ಸಿಗಳು ಸಹಕರಿಸಿವೆ.
ಮರುಬಳಕೆ ಮಾಡಬಹುದಾದ ಲಾಂಚ್ ವೆಹಿಕಲ್ - ಟೆಕ್ನಾಲಜಿ ಡೆಮಾನ್ಸ್ಟ್ರೇಟರ್ (ಆರ್ಎಲ್ವಿ-ಟಿಡಿ) ಇಸ್ರೋದ ಅತ್ಯಂತ ತಾಂತ್ರಿಕವಾಗಿ ಬೇಡಿಕೆಯಿರುವ ಯೋಜನೆಗಳಲ್ಲಿ ಒಂದಾಗಿದೆ. ಆರ್ಎಲ್ವಿ-ಟಿಡಿ ಯ ಗುರಿಯು ಸಂಪೂರ್ಣ ಮರುಬಳಕೆ ಮಾಡಬಹುದಾದ ಉಡಾವಣಾ ವಾಹನಕ್ಕೆ ಅಗತ್ಯವಾದ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುವುದಾಗಿದೆ. ಹೀಗಾಗಿ ಬಾಹ್ಯಾಕಾಶ ಕಾರ್ಯಾಚರಣೆಗಳ ವೆಚ್ಚವನ್ನು ಕಡಿಮೆ ಮಾಡುತ್ತದೆ.
ಆರ್ಎಲ್ವಿ-ಟಿಡಿ ವಿನ್ಯಾಸವು ವಿಮಾನದಂತೆಯೇ ಇರುತ್ತದೆ, ಆದರೆ ಇದು ಉಡಾವಣಾ ವಾಹನ ಮತ್ತು ವಿಮಾನದ ಸಂಕೀರ್ಣತೆಯನ್ನು ಸಂಯೋಜಿಸುತ್ತದೆ. ಇದು ಹೈಪರ್ಸಾನಿಕ್ ಫ್ಲೈಟ್ ಮತ್ತು ಸ್ವಾಯತ್ತ ಲ್ಯಾಂಡಿಂಗ್, ಹಾಗೆಯೇ ಚಾಲಿತ ಕ್ರೂಸ್ ಫ್ಲೈಟ್ನಂತಹ ವಿವಿಧ ತಂತ್ರಜ್ಞಾನಗಳಿಗೆ ಹಾರುವ ಪರೀಕ್ಷಾ ಬೆಟ್ನಂತೆ ಕಾರ್ಯನಿರ್ವಹಿಸುತ್ತದೆ.
ಇಸ್ರೋದ ಇತ್ತೀಚಿನ ಸ್ವಾಯತ್ತ ಲ್ಯಾಂಡಿಂಗ್ ಮಿಷನ್ ಗೆ ರಾಮಾಯಣದ ಪೌರಾಣಿಕ ಪುಷ್ಪಕ್ ಹೆಸರನ್ನು ಇಡಲಾಗಿದೆ. ಇದು ಬಾಹ್ಯಾಕಾಶ ನೌಕೆಯ ನಂತರ ಆರ್ಎಲ್ವಿಯ ಮೂರನೇ ಲ್ಯಾಂಡಿಂಗ್ ಮಿಷನ್ ಆಗಿದೆ. ಇಸ್ರೋ 2016 ಮತ್ತು ಕಳೆದ ವರ್ಷ ಏಪ್ರಿಲ್ನಲ್ಲಿ ಹಿಂದಿನ ಕಾರ್ಯಾಚರಣೆಗಳನ್ನು ಯಶಸ್ವಿಯಾಗಿ ನಡೆಸಿತ್ತು.