ಟೆಲ್ ಅವೀವ್: ಕರೊನಾ ಅಬ್ಬರಕ್ಕೆ ಭಾರತ ಅಕ್ಷರಶಃ ದಂಗಾಗಿದೆ. ಸಂಕಷ್ಟದಲ್ಲಿರುವ ಭಾರತದ ನೆರವಿಗೆ ಅನೇಕ ರಾಷ್ಟ್ರಗಳು ಮುಂದಾಗಿವೆ. ಹಲವಾರು ದೇಶಗಳಿಂದ ಆಕ್ಸಿಜನ್ ಭಾರತಕ್ಕೆ ಬಂದಿಳಿಯುತ್ತಿದೆ. ಇದೀಗ ಈ ಒಂದು ದೇಶದಲ್ಲಿ ಭಾರತಕ್ಕಾಗಿ ವಿಶೇಷ ರೀತಿಯ ನೆರವು ನೀಡಲಾಗುತ್ತಿದೆ.
ಇಸ್ರೇಲ್ ದೇಶವು ಇತ್ತೀಚೆಗೆ ಎರಡು ಹಡಗುಗಳಲ್ಲಿ ಆಕ್ಸಿಜನ್ ಅನ್ನು ಭಾರತಕ್ಕೆ ಕಳುಹಿಸಿಕೊಟ್ಟಿತ್ತು. ಇದೀದ ಅಲ್ಲಿನ ಜನರ ಮತ್ತೊಂದು ರೀತಿಯಲ್ಲಿ ಭಾರತಕ್ಕೆ ಬಲ ತುಂಬುವ ಪ್ರಯತ್ನ ಮಾಡುತ್ತಿದ್ದಾರೆ. ನೂರಾರು ಜನರು ಸೇರಿ, ಓಂ ನಮಃ ಶಿವಾಯ ಜಪಿಸಿದ್ದಾರೆ. ಭಾರತ ಆದಷ್ಟು ಬೇಗ ಈ ನೋವಿನಿಂದ ಎದ್ದು ಗಟ್ಟಿಯಾಗಿ ಬರಲಿ ಎಂದು ದೇವರಲ್ಲಿ ಪ್ರಾರ್ಥಿಸಿದ್ದಾರೆ.
ಇಸ್ರೇಲ್ ಜನರ ಈ ಪ್ರಾರ್ಥನೆಯ ವಿಡಿಯೋವನ್ನು ಇಸ್ರೇಲ್ನ ಭಾರತೀಯ ರಾಯಭಾರ ಕಚೇರಿಯ ಸಿಬ್ಬಂದಿ ಪವನ್ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಲ್ಲಿ ಭಾರೀ ವೈರಲ್ ಆಗಿದೆ.
ಕರೊನಾವನ್ನು ಗೆದ್ದಿರುವ ಇಸ್ರೇಲ್ನಲ್ಲಿ ಕಳೆದ ತಿಂಗಳು ಮಾಸ್ಕ್ ಕಡ್ಡಾಯ ನಿಯಮವನ್ನು ತೆಗೆದುಹಾಕಲಾಗಿದೆ. ಶೈಕ್ಷಣಿಕ ಸಂಸ್ಥೆಗಳನ್ನೂ ತೆರೆದು, ಇಸ್ರೇಲ್ನನ್ನು ಕರೊನಾದಿಂದ ಮುಕ್ತಗೊಳಿಸಲಾಗಿದೆ. (ಏಜೆನ್ಸೀಸ್)