ನಾಲ್ಕು ವರ್ಷ ಕಳೆದರು ಮಗಿಯದ ಯುದ್ಧ: ರಷ್ಯಾ ಮೇಲೆ ಉಕ್ರೇನ್ ಭೀಕರ ಡ್ರೋನ್ ದಾಳಿ: 13 ಮಂದಿ ಸಾವು, 75ಕ್ಕೂ ಹೆಚ್ಚು ಜನರಿಗೆ ಗಾಯ! Russia Ukraine War

ಮಾಸ್ಕೋ: ಕಳೆದ ನಾಲ್ಕು ವರ್ಷಗಳಿಂದ ಜಾಲ್ತಿಯಲ್ಲಿರುವ ರಷ್ಯಾ-ಉಕ್ರೇನ್​ ಯುದ್ಧ (Russia Ukraine War) ಸದ್ಯಕ್ಕೆ ನಿಲ್ಲುವಂತೆ ಕಾಣುತ್ತಿಲ್ಲ. ಇಂದು (ಸೋಮವಾರ, ಆ.10) ಉಕ್ರೇನ್​, ಟಾಟ್ರಸ್ತಾನ್​ದಲ್ಲಿರುವ ರಷ್ಯಾದ ತೈಲ ಸಂಸ್ಕರಣಾ ಘಟಕದ ಮೇಲೆ ಡ್ರೋನ್​ ದಾಳಿ ನಡೆಸಿದ್ದು, ಈ ದಾಳಿಯಲ್ಲಿ ಸುಮಾರು 13 ಜನ ಮೃತಪಟ್ಟಿದ್ದು, 75 ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆಂದು ವರೆದಿಯಾಗಿದೆ.

ನಿಜ್ನೆಕಾಮ್ಸ್ಕ್ (Nizhnekamsk) ತೈಲ ಸಂಸ್ಕಾರಣಾ ಘಟಕದ ಮೇಲೆ ನಡೆದಿರುವ ಈ ಭೀಕರ ಡ್ರೋನ್​ ದಾಳಿ, ಇಷ್ಟು ವರ್ಷಗಳಲ್ಲಿ ಉಕ್ರೇನ್​ ನಡೆಸಿರುವ ಅತ್ಯಂತ ರಣಭೀಕರ ದಾಳಿಗಳಲ್ಲಿ ಒಂದಾಗಿದೆ ಎಂದು ಬಣ್ಣಿಸಲಾಗುತ್ತಿದೆ.

ಇದನ್ನೂ ಓದಿ: ನ್ಯಾಯ ಸಿಗೋವರೆಗೂ ತಗ್ಗಲ್ಲ, ಬಗ್ಗಲ್ಲ: ಜಾರ್ಖಂಡ್​ ಹೋರಾಟಕ್ಕೆ 'ಪುಷ್ಪಾ' ಎಂಟ್ರಿ; ವಿಡಿಯೋ ವೈರಲ್! Pushpa in Jharkhand Protest

ರಷ್ಯಾದ ಕೇಂದ್ರ ತೈಲ ಸಂಸ್ಕರಣಾ ಘಟಕವನ್ನು ಗುರಿಯಾಗಿಸಿಕೊಂಡು ನಡೆದಿರುವ ಈ ದಾಳಿಯಲ್ಲಿ ಸುಮಾರು 13 ಜನ ಸಾವನ್ನಪ್ಪಿದ್ದು, 75 ಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ನಾಗರಿಕರು ಗಾಯಗೊಂಡಿದ್ದಾರೆಂದು ಹೇಳಲಾಗುತ್ತಿದೆ. ಗಾಯಗೊಂಡವರನ್ನು ಸ್ಥಳೀಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ರಷ್ಯಾ ಸರ್ಕಾರ ತಿಳಿಸಿದೆ.

ಈ ಘಟನೆಯ ಹಿಂದಿನ ದಿನ ರಷ್ಯಾ, ಉಕ್ರೇನ್​ ಗಡಿಯಲ್ಲಿ ಆರ್ಟಿಲರಿ ಗನ್​ ಮೂಲಕ ದಾಳಿ ನಡೆಸಿ ಸುಮಾರು 5 ಉಕ್ರೇನ್​ ನಾಗರಿಕರನ್ನು ಹತ್ಯೆಮಾಡಿದೆ ಎಂದು ವರದಿಯಾಗಿತ್ತು. ಈಗ ಈ ಘಟನೆ ನಡೆದ ಮಾರನೇ ದಿನ ಉಕ್ರೇನ್​ ರಷ್ಯಾ ಮೇಲೆ ಡ್ರೋನ್​ ದಾಳಿ ನಡೆಸಿದೆ, (ಏಜನ್ಸೀಸ್​).