ಪಾಕಿಸ್ತಾನದ ಅತ್ಯಂತ ಶ್ರೀಮಂತ ಹಿಂದೂ ಈತ! ಉದ್ಯಮಿ ಅಲ್ಲದಿದ್ರೂ ಆಸ್ತಿ ಮೌಲ್ಯ ಮಾತ್ರ ದುಪ್ಟಟ್ಟು

Deepak Perwani: ನಮ್ಮ ವೈರಿ ರಾಷ್ಟ್ರ ಬಹಳ ಚಿಕ್ಕ ದೇಶ. ಭಾರತಕ್ಕೆ ಹೋಲಿಸಿದ್ರೆ ಅದರ ಆರ್ಥಿಕತೆ ಇನ್ನೂ ಸಣ್ಣದೇ. ಮುಖೇಶ್ ಅಂಬಾನಿ, ಗೌತಮ್ ಅದಾನಿ, ಶಿವ ನಾದರ್, ಅಜೀಂ ಪ್ರೇಮ್‌ಜಿ, ನಾರಾಯಣ ಮೂರ್ತಿ ಸೇರಿ ಇತರ ಅತ್ಯಂತ ಶ್ರೀಮಂತ ವ್ಯಕ್ತಿಗಳಂತಹ ಬಿಲಿಯನೇರ್ ಉದ್ಯಮಿಗಳು ಈ ದೇಶದಲ್ಲಿಲ್ಲ.

1974ರಲ್ಲಿ ಮಿರ್ಪುರ್ ಖಾಸ್ ನಗರದ ಸಿಂಧಿ ಹಿಂದೂ ಕುಟುಂಬದಲ್ಲಿ ಜನಿಸಿದ ದೀಪಕ್ ಪೆರ್ವಾನಿ ಓರ್ವ ಪಾಕಿಸ್ತಾನಿ ನಟ. ಪ್ರಸಿದ್ಧ ಫ್ಯಾಷನ್ ಡಿಸೈನರ್ ಆಗಿರುವ ಇವರು, ಫ್ಯಾಷನ್ ಜಗತ್ತಿನಲ್ಲಿ ಅನೇಕ ಪ್ರಶಂಸೆಗಳಿಗೆ ಪಾತ್ರರಾಗಿದ್ದಾರೆ. 

2014ರ ಬಲ್ಗೇರಿಯನ್ ಫ್ಯಾಷನ್ ಪ್ರಶಸ್ತಿಗಳಲ್ಲಿ ಅವರು ಅತ್ಯುತ್ತಮ ಫ್ಯಾಷನ್ ಡಿಸೈನರ್ (6ನೇ ಸ್ಥಾನ) ಆಗಿ ಆಯ್ಕೆಯಾದರು. ಅವರು ಏಳು ಲಕ್ಸ್ ಸ್ಟೈಲ್ ಪ್ರಶಸ್ತಿ, ಐದು ಬಿಎಫ್ಎ ಪ್ರಶಸ್ತಿಗಳು ಮತ್ತು ಇಂಡಸ್ ಸ್ಟೈಲ್ ಗುರು ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ. ದೀಪಕ್ ಪೆರ್ವಾನಿ ವಿಶ್ವದ ಅತಿದೊಡ್ಡ ಕುರ್ತಾವನ್ನು ವಿನ್ಯಾಸಗೊಳಿಸಿದ್ದಕ್ಕಾಗಿ ಗಿನ್ನೆಸ್ ವಿಶ್ವ ದಾಖಲೆಯನ್ನು ಸಹ ಹೊಂದಿದ್ದಾರೆ.

ಪಾಕಿಸ್ತಾನಿ ವಿನ್ಯಾಸಕರಾದ ಈ ಡಿಸೈನರ್​ ಭಾರತೀಯ ಗೀತರಚನೆಕಾರ ಜಾವೇದ್ ಅಖ್ತರ್ ಮತ್ತು ಅವರ ಪತ್ನಿ ನಟಿ ಶಬಾನಾ ಅಜ್ಮಿ ಸೇರಿದಂತೆ ಖ್ಯಾತ ಸೆಲೆಬ್ರಿಟಿಗಳಿಗೆ ಉಡುಗೆಗಳನ್ನು ವಿನ್ಯಾಸಗೊಳಿಸಿದ್ದಾರೆ. ಅವರು ಚೀನಾ ಮತ್ತು ಮಲೇಷ್ಯಾಕ್ಕೆ ಪಾಕಿಸ್ತಾನದ ಸಾಂಸ್ಕೃತಿಕ ರಾಯಭಾರಿಯಾಗಿಯೂ ಸೇವೆ ಸಲ್ಲಿಸಿದ್ದಾರೆ.