ಹಮಾಸ್ ಮಿಲಿಟರಿ ಮುಖ್ಯಸ್ಥ ಮೊಹಮ್ಮದ್ ಒಡೆಹ್ ಸಾವು
- ಗಾಜಾ ಮೇಲೆ ಇಸ್ರೇಲ್ ದಾಳಿ
- ಹಮಾಸ್ ಮಿಲಿಟರಿ ಮುಖ್ಯಸ್ಥ ಮೊಹಮ್ಮದ್ ಒಡೆಹ್ ಸಾವು
- ಬೂದಿ ಮುಚ್ಚಿದ ಕೆಂಡವಾದ ಮಧ್ಯಪ್ರಾಚ್ಯ
ಇಸ್ರೇಲ್: ಮಂಗಳವಾರ (ಮೇ.26) ಗಾಜಾ ಪಟ್ಟಿ ಮೇಲೆ ಮತ್ತೊಮ್ಮೆ ಭೀಕರ ವಾಯುದಾಳಿ ನಡೆಸಿದ ಇಸ್ರೇಲ್ ಈ ದಾಳಿಯಲ್ಲಿ ಹಮಾಸ್ ಮಿಲಿಟರಿಯ ನೂತನ ಸೇನಾಧಿಕಾರಿಯಾಗಿ ಅಧಿಕಾರ ಸ್ವೀಕರಿಸಿದ್ದ ಮೊಹಮ್ಮದ್ ಒಡೆಹ್ (Mohammed Odeh Killed) ನನ್ನು ಬಲಿ ಪಡೆದಿದೆ ಎಂದು ವರದಿಯಾಗಿದೆ.
ಈ ಸಂಘಟಿತ ದಾಳಿಯಲ್ಲಿ ಹಮಾಸ್ನ ಮೂರು ಜನ ಸಾವನ್ನಪ್ಪಿದ್ದು, 12 ಕ್ಕೂ ಅಧಿಕ ಜನ ಗಾಯಗೊಂಡಿದ್ದಾರೆಂದು ಇಸ್ರೇಲ್ ತಿಳಿಸಿದೆ. ಈ ದಾಳಿಯ ಮುಖ್ಯ ಉದ್ದೇಶವು ಹಮಾಸ್ ಸಂಘಟನೆಯ ನೂತನ ಮುಖ್ಯಸ್ಥನನ್ನು ಕೊಲ್ಲುವುದಾಗಿತ್ತು, ನಾವು ಅದರಲ್ಲಿ ಯಶಸ್ವಿಯಾಗಿದ್ದೆ ಎಂದು ಇಸ್ರೇಲ್ನ ಗುಪ್ತಚರ ಸಂಘಟನೆಯಾದ ಶಿನ್ ಬೆತ್ ತಿಳಿಸಿದೆ.
ಬಿಲ್ಡಿಂಗ್ ಉಡಾಯಿಸಿದ ಇಸ್ರೇಲ್!
ಇಸ್ರೇಲ್ನ ರಕ್ಷಣಾ ಪಡೆ ಹಾಗೂ ಗುಪ್ತಚರ ಸಂಘಟನೆ ಶಿನ್ ಬೆತ್ ಮೂಲಗಳ ಪ್ರಕಾರ, ಹಲವು ತಿಂಗಳುಗಳಿಂದ ಮೊಹಮ್ಮದ್ ಒಡೆಹ್ ಚಲನ-ವಲನಗಳ ಮೇಲೆ ನಿಗಾ ಇಡಲಾಗಿತ್ತು. ಸರಿಯಾದ ಸಮಯ ನೋಡಿ, ದಾಳಿ ನಡೆಸಿದ ಪರಿಣಾಮ ನಮ್ಮ ಕಾರ್ಯಾಚರಣೆ ಯಶಸ್ವಿಯಾಗಿದೆ ಎಂದು ಹೇಳಿದೆ.
ಗಾಜಾದ ಹೃದಯ ಭಾಗದಲ್ಲಿರುವ ಮೊಹಮ್ಮದ್ ಒಡೆಹ್ನ ಅಪಾರ್ಟ್ಮೆಂಟ್ ಮೇಲೆ ದಾಳಿ ನಡೆಸಿದ ಪರಿಣಾಮ ಸಾವು ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ದಾಳಿಯಲ್ಲಿ ಒಡೆಹ್ ಮತ್ತು ಆತನ ಪತ್ನಿ ಸ್ಥಳದಲ್ಲೇ ಸಾವನ್ನಪ್ಪಿದ್ದರೆ, ಮಗ ಬುಧವಾರ (ಮೇ.27) ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾನೆ ಎಂದು ತಿಳಿದು ಬಂದಿದೆ.
ಇಸ್ರೇಲ್ ದಾಳಿಯ ಮಾಸ್ಟರ್ಮೈಂಡ್ ಒಡೆಹ್!
2023 ಅಕ್ಟೋಬರ್ 7 ರಂದು ಇಸ್ರೇಲ್ ಮೇಲೆ ಹಮಾಸ್ ಉಗ್ರರು ನಡೆಸಿದ್ದ ದಾಳಿಯ ಮಾಸ್ಟರ್ಮೈಂಡ್ ಈ ಮೊಹಮ್ಮದ್ ಒಡೆಹ್ ಎಂದು ಹೇಳಲಾಗಿದ್ದು, ಅದರ ಪ್ರತೀಕಾರವನ್ನು ಈಗ ಇಸ್ರೇಲ್ ತೆಗೆದುಕೊಂಡಿದೆ ಎಂದು ಹೇಳಲಾಗುತ್ತಿದೆ. ಹಾಗೆಯೇ ಇಸ್ರೇಲ್, ಇರಾನ್ ಜೊತೆ ಯುದ್ಧದಲ್ಲಿದ್ದಾಗ, ಹಮಾಸ್ ತೊಂದರೆ ನೀಡಿದ್ದಕ್ಕೆ ಈ ದಾಳಿ ನಡೆಸಲಾಗಿದೆ ಎನ್ನುವುದು ಅಂತಾರಾಷ್ಟ್ರೀಯ ಪರಿಣಿತರ ಅಭಿಪ್ರಾಯವಾಗಿದೆ, (ಏಜನ್ಸೀಸ್).