ಇರಾಕ್ ಮೇಲೆ ಇರಾನ್ ಡ್ರೋನ್ ದಾಳಿ
- ಇರಾಕ್ ಮೇಲೆ ಇರಾನ್ ಡ್ರೋನ್ ದಾಳಿ
- ಮೂರನೇ ಮಹಾಯುದ್ಧಕ್ಕೆ ಆಹ್ವಾನ?
- ಮಾತುಕತೆ ಮುರಿದು ಬಿದ್ದರೆ ಯುದ್ಧವೇ ಅಂತಿಮ ಪರಿಹಾರ ಎಂದು ಡೊನಾಲ್ಡ್ ಟ್ರಂಪ್
ಬಾಗ್ದಾದ್: ಕಳೆದ ಕೆಲ ತಿಂಗಳಿನಿಂದ ಶಾಂತವಾಗಿದ್ದ ಮಧ್ಯಪ್ರಾಚ್ಯದಲ್ಲಿ ಈಗ ಮತ್ತೆ ಯುದ್ಧದ ಕಾರ್ಮೋಡ ಕವಿದಿದೆ. ಇಷ್ಟು ದಿನ ಅಮೆರಿಕ ಮೇಲೆ ಕಿಡಿ ಕಾರುತ್ತಿದ್ದ ಇರಾನ್ ಈಗ ತಮ್ಮ ಸಾಂಪ್ರದಾಯಿಕ ವೈರಿ ಇರಾಕ್ (Iran Attack Iraq) ಮೇಲೆ ದಾಳಿ ಮಾಡಿರುವುದು ಮೂರನೇ ಮಹಾಯುದ್ಧಕ್ಕೆ ನೀಡಿದ ಆಹ್ವಾನವಾಗಿದೆ ಎಂದು ರಾಜಕೀಯ ವಿಶ್ಲೇಷಕರು ಬಣ್ಣಿಸುತ್ತಿದ್ದಾರೆ.
ಇಂದು (ಮಂಗಳವಾರ, ಜು.28) ಮುಂಜಾನೆ ಇರಾಕ್ನ ಅತ್ಯಂತ ದೊಡ್ಡದ ಅನಿಲ (ಗ್ಯಾಸ್) ಸಂರಕ್ಷಣಾ ಘಟಕದ ಮೇಲೆ ಇರಾನ್ ಡ್ರೋನ್ ದಾಳಿ ನಡೆಸಿದೆ ಎಂದು ಇರಾಕ್ನ ಮಾಧ್ಯಮಗಳು ವರದಿ ಮಾಡಿವೆ.
ಇರಾಕ್ ಮೇಲೆ ಹಾರಿದ ಇರಾನ್ ಡ್ರೋನ್ಗಳು!
ಎರ್ಬಿಲ್ ಪ್ರದೇಶದಲ್ಲಿ ತಡ ರಾತ್ರಿಯಿಂದ ಡ್ರೋನ್ ದಾಳಿ ಮುಂದುವರಿದಿದ್ದು, ದೇಶದಲಿದ್ದ ವಿದ್ಯುತ್ ಸ್ಥಾವರಗಳಿಗೆ ಅನಿಲವನ್ನು ಪೂರೈಕೆ ಮಾಡುತ್ತಿದ್ದ ಪ್ರದೇಶದ ಮೇಲೆ ನಡೆದಿರುವ ದಾಳಿಯನ್ನು ಇರಾಕ್ ಖಂಡಿಸಿದೆ.
ಇರಾನ್ ಜೊತೆ ರಾಜತಾಂತ್ರಿಕ ಮಾತುಕತೆ ವಿಫಲವಾದರೆ, ಮಿಲಿಟರಿ ಮಾರ್ಗದ ಮೂಲಕ ಪರಿಹಾರವನ್ನು ಕಂಡುಕೊಳ್ಳಲಾಗುವುದು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿಕೆ ಬೆನ್ನಲ್ಲೆ ಇರಾನ್, ಇರಾಕ್ ಮೇಲೆ ದಾಳಿ ನಡೆಸಿದೆ.
ಹೊರ್ಮುಜ್ ವಿವಾದವೇ ಇದಕ್ಕೆಲ್ಲಾ ಕಾರಣ!
ಅಮೆರಿಕ ಮತ್ತು ಇರಾನ್ ನಡುವೆ ಈ ಸಂಘರ್ಷ ಮತ್ತೆ ಆರಂಭವಾಗಲು ಹೊರ್ಮುಜ್ ಜಲಸಂಧಿ ವಿವಾದವೇ ಕಾರಣ ಎಂದು ಹೇಳಲಾಗುತ್ತಿದೆ. ಇರಾನ್ ಹೊರ್ಮುಜ್ನಲ್ಲಿ ಚಲಿಸುವ ಪ್ರತಿ ಹಡಗುಗಳ ಮೇಲೆ ತೆರಿಗೆ ವಿಧಿಸಲು ಮುಂದಾಗಿದ್ದರೆ, ಅಮೆರಿಕ ಇದಕ್ಕೆ ಒಪ್ಪಿಗೆ ಸುಚಿಸುತ್ತಿಲ್ಲ.
ಅಮೆರಿಕ ಹೊರ್ಮುಜ್ ಕುರಿತು ಒಪ್ಪಂದ ಮಾಡಿಕೊಳ್ಳದ ಹಿನ್ನಲೆ ಇರಾನ್ ಕೂಡ ಪರಮಾಣು ಅಸ್ತ್ರಹೊಂದುವುದಿಲ್ಲ ಎಂದು ಸಹಿ ಹಾಕಲು ಹಿಂದೇಟು ಹಾಕುತ್ತಿದೆ. ಈ ಹಿನ್ನಲೆಯಲ್ಲಿ ಅಮೆರಿಕ ಇರಾನ್ ಮೇಲೆ ದಾಳಿ ನಡೆಸಿದರೆ, ಇರಾನ್ ಮಧ್ಯಪ್ರಾಚ್ಯದಲ್ಲಿರುವ ಅಮೆರಿಕ ಸೈನ್ಯದ ನೆಲೆಗಳನ್ನು ಗುರಿಮಾಡಿ ಪ್ರತಿದಾಳಿ ನಡೆಸುತ್ತಿದೆ.
ಆದರೆ ಇಷ್ಟು ದಿನ, ದುಬೈ, ಒಮನ್, ಕತಾರ್ನಲ್ಲಿರುವ ಅಮೆರಿಕದ ನೆಲೆಗಳ ಮೇಲೆ ದಾಳಿ ನಡೆಸುತ್ತಿದ್ದ ಇರಾನ್ ಇಂದು ಇರಾಕ್ ಮೇಲೆ ದಾಳಿ ನಡೆಸಿರುವುದು ಒಂದು ಕೆಟ್ಟ ರಾಜತಾಂತ್ರಿಕ ನಿರ್ಧಾರವಾಗಿದೆ ಎನ್ನುವುದು ಜಾಗತಿಕ ರಾಜಕೀಯ ತಜ್ಞರ ಅಭಿಪ್ರಾಯವಾಗಿದೆ, (ಏಜನ್ಸೀಸ್).