ರಣಭೀಕರ ಪ್ರವಾಹದ ಆಘಾತದ ಬೆನ್ನಲ್ಲೇ ಭೂಕಂಪ: ಟಿಬೆಟ್-ನೇಪಾಳ ಗಡಿಯಲ್ಲಿ ಕಂಪಿಸಿದ ಭೂಮಿ! Earthquake in Tibet

ಟಿಬೆಟ್​: ಕಳೆದೊಂದು ವಾರದಿಂದ ನೇಪಾಳ ಹಾಗೂ ಟಿಬೆಟ್​ ಗಡಿ ಪ್ರದೇಶದಲ್ಲಿ ಭಾರಿ ಪ್ರವಾಹ ಉಂಟಾದ ಹಿನ್ನಲೆ ಸಾವಿರಾರು ಸಾವು-ನೋವು ಸಂಭವಿಸಿದ್ದು, ಈಗ ಟಿಬೆಟ್​ನಲ್ಲಿ ಭೂಕಂಪ (Earthquake in Tibet) ಕೂಡ ಸಂಭವಿಸಿದೆ ಎಂದು ವರದಿಯಾಗಿದೆ.

ಕಳೆದೊಂದು ವಾರದಿಂದ ನೇಪಾಳ ಹಾಗೂ ಟಿಬೆಟ್​ ಗಡಿ ಪ್ರದೇಶದಲ್ಲಿ ಹಿಮ ಪರ್ವತಗಳ ಕರಗುವಿಕೆಯಿಂದಾಗಿ ರಣ ಭೀಕರ ಪ್ರವಾಹ ಅಪ್ಪಳಿಸಿದ ಪರಿಣಾಮ ಇಲ್ಲಿವರೆಗೆ 1,200 ಕ್ಕಿಂತ ಹೆಚ್ಚಿನ ಜನರು ಸಾವಿಗೀಡಾಗಿದ್ದಾರೆಂದು ವರದಿಯಾಗಿದೆ. ಮಾಹಿತಿ ಪ್ರಕಾರ, ಪ್ರವಾಹದಲ್ಲಿ ಕಾಣೆಯಾದವರ ಸಂಖ್ಯೆ 6,000 ಕ್ಕೂ ಅಧಿಕವಿದೆ ಎಂಬ ಗುಮಾನಿಯಿದೆ ಎನ್ನಲಾಗಿದೆ.

ನೆರೆ ದೇಶ ನೇಪಾಳ ಪ್ರವಾಹಕ್ಕೆ ತುತ್ತಾದ ಹಿನ್ನಲೆ ಭಾರತ ಮಾನವೀಯ ದೃಷ್ಟಿಯಿಂದ ಮೂಲಭೂತ ಸೌಕರ್ಯ, ಆಹಾರ ಹಾಗೂ ತುರ್ತು ಚಿಕಿತ್ಸಾ ಸಾಮಾಗ್ರಿಗಳನ್ನು ನೇಪಾಳಕ್ಕೆ ರವಾನಿಸಿದೆ. ಭಾರತದ ಹಾಗೆ ಅಮೆರಿಕ, ಚೀನಾ, ದಕ್ಷಿಣ ಕೊರಿಯಾ, ಕೆನಡಾ, ಜಪಾನ್​, ಇಂಗ್ಲೆಂಡ್​ ಮೊದಲಾದ ದೇಶಗಳು ನೇಪಾಳಕ್ಕೆ ತುರ್ತಾಗಿ ಅಗತ್ಯವಿರುವ ಸಾಮಾಗ್ರಿಗಳನ್ನು ರವಾನೆ ಮಾಡಿದೆ ಎಂದು ವರದಿಯಾಗಿದೆ, (ಏಜನ್ಸೀಸ್​).