inspirational story : ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವಿಡಿಯೋಗಳು ಸದ್ದು ಮಾಡುತ್ತವೆ. ಆದರೆ ಇಲ್ಲೊಬ್ಬ ಅಂಗವಿಕಲ ವ್ಯಕ್ತಿಗೆ ವ್ಲಾಗರ್ರೊಬ್ಬ ಹಣ ನೀಡಲು ಬಂದಾಗ ಕೋಟಿ ರೂಪಾಯಿ ಕೊಟ್ಟರು ಬೇಡ ಎಂದು ತೀರಸ್ಕಾರ ಮಾಡಿದ್ದಾರೆ. ಈತನ ಸ್ವಾಭಿಮಾನದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಏನಿದೆ? :
ಇನ್ಸ್ಟಾಗ್ರಾಮ್ ವ್ಲಾಗರ್ರೊಬ್ಬ ರಸ್ತೆಯಲ್ಲಿ ಒಬ್ಬ ಅಂಗವಿಕಲ ವ್ಯಕ್ತಿಯನ್ನು ನಿಲ್ಲಿಸಿ ತುಂಬಾ ವಿಚಿತ್ರವಾದ ರೀತಿಯಲ್ಲಿ ಕೇಳುತ್ತಾನೆ, ಇದು ನಿಮ್ಮ ಕಾಲು ಯಾವುದು, ಮತ್ತು ಈ ನಿಮ್ಮ ಕೈಗಳು ಯಾವುವು? ಇದಕ್ಕೆ, ಆ ವ್ಯಕ್ತಿ ನಗುತ್ತಾ ಶಾಂತವಾಗಿ ಉತ್ತರಿಸುತ್ತಾನೆ, ಸಹಾಯದ ನೆಪದಲ್ಲಿ ಐದು ಸಾವಿರ ರೂಪಾಯಿಗಳನ್ನು ನೀಡಿದ. ಅಂಗವಿಕಲ ವ್ಯಕ್ತಿ ಇದಕ್ಕೆ ಪ್ರತಿಕ್ರಿಯಿಸಿ "ನಾನು ಕಲಾವಿದ, ನಾನು ಈ ರೀತಿ ಹಣವನ್ನು ತೆಗೆದುಕೊಳ್ಳುವುದಿಲ್ಲ. ಮೊದಲು ನನ್ನ ಕಲೆಯನ್ನು ನೋಡಿ, ನಂತರ ನಿನಗೆ ಏನು ಬೇಕೋ ಅದನ್ನು ಕೊಡು ಎಂದು ಹೇಳಿದನು. ವ್ಲಾಗರ್ ತನ್ನ ಬಳಿ ಸಮಯವಿಲ್ಲ ಎಂದು ಹೇಳಿದಾಗ, ಅಂಗವಿಕಲ ವ್ಯಕ್ತಿ ತುಂಬಾ ಧೈರ್ಯದಿಂದ ಕೇಳಿದನು, ನಿನಗೆ 30 ಸೆಕೆಂಡುಗಳೂ ಇಲ್ಲವೇ?. ನೀವು ಒಂದು ಕೋಟಿ ಕೊಟ್ಟರೂ ನಾನು ಅದನ್ನು ಸ್ವೀಕರಿಸುವುದಿಲ್ಲ" ಎಂದು ಹೇಳುತ್ತಾ ನಗುತ್ತಾ ಅಲ್ಲಿಂದ ತೆರಳುತ್ತಾನೆ. ಅಂಗವಿಕಲ ವ್ಯಕ್ತಿಯ ಈ ಉತ್ತರವು ಆ ವ್ಯಕ್ತಿಯ ಸ್ವಾಭಿಮಾನ ಮತ್ತು ಕಠಿಣ ಪರಿಶ್ರಮದ ಮೇಲಿನ ನಂಬಿಕೆಗೆ ಪುರಾವೆಯಾಗಿದೆ.
@younickviral ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಿಂದ ಹಂಚಿಕೊಂಡಿರುವ ಈ ವೀಡಿಯೊಗೆ ಜನರು ಬಹಳಷ್ಟು ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ. ಜನರು ಈ ಶ್ರಮಶೀಲ ಕಲಾವಿದನನ್ನು ಬಹಳಷ್ಟು ಹೊಗಳುತ್ತಿದ್ದಾರೆ. ವೀಡಿಯೊಗಳನ್ನು ಮಾಡಲು ಸಮಯವಿದೆ, ಆದರೆ ಅವರ ಕಲೆಯನ್ನು ನೋಡಲು 30 ಸೆಕೆಂಡುಗಳು ಸಹ ಇಲ್ಲ ಎಂದು ಪ್ರಶ್ನೆ ಕೂಡ ಮಾಡಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಈ ಘಟನೆ ನಡೆದಿದ್ದು ಎಲ್ಲಿ? ಈ ವಿಡಿಯೋದಲ್ಲಿರುವ ವ್ಯಕ್ತಿ ಎಲ್ಲಿಯವರು? ಯಾರು? ಎನ್ನುವ ಕುರಿತಾಗಿ ಯಾವುದೇ ಮಾಹಿತಿ ಇಲ್ಲ.