ವಾಷಿಂಗ್ಟನ್: ಕೃತಕ ಬುದ್ಧಿಮತ್ತೆ ಬಳಸಿ ಸದ್ಯದ ಡೇಟಾವನ್ನು ವಿಶ್ಲೇಷಿಸಿದ ಅಮೆರಿಕದ ಸಿಂಗಾಪುರದ ವಿಶ್ವವಿದ್ಯಾಲಯ ಪ್ರಕಟಿಸಿರುವ ವರದಿ ಪ್ರಕಾರ, ಭಾರತದಲ್ಲಿ ಜುಲೈ 25ರ ಹೊತ್ತಿಗೆ ಕರೊನಾ ವೈರಸ್ ಸಂಪೂರ್ಣ ನಿರ್ನಾಮವಾಗಲಿದೆ. ಭಾರತ ಕರೊನಾ ಮುಕ್ತವಾಗಲಿದೆ.
ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಬಳಸಿದ ಡೇಟಾ ಅನಾಲಿಸಿಸ್ ಮೆಥಡ್ ಮೂಲಕ ಈಗ ಸಂಗ್ರಹಿಸಿರುವ ದತ್ತಾಂಶವನ್ನು ವಿಶ್ಲೇಷಣೆಗೆ ಒಳಪಡಿಸಿದಾಗ ಸಿಕ್ಕ ಫಲಿತಾಂಶ ಇದು. ಮೇ ತಿಂಗಳ 22ನೇ ತಾರೀಕಿನೊಳಗೆ ಭಾರತದಲ್ಲಿ ಶೇಕ 97 ಪ್ರಮಾಣದಲ್ಲಿ ವೈರಸ್ ಸೋಂಕು ಕಡಿಮೆಯಾಗಲಿದೆ. ಇನ್ನುಳಿದ ಪ್ರಮಾಣ ಜೂನ್ 1ರಿಂದ ಜುಲೈ 25ರ ಒಳಗೆ ಸಂಪೂರ್ಣವಾಗಿ ನಿರ್ನಾಮವಾಗಲಿದೆ. ಅಂದರೆ ಭಾರತ ಶೇಕಡ 100ರಷ್ಟು ಕರೊನಾ ವೈರಸ್ ಮುಕ್ತರಾಷ್ಟ್ರವಾಗಲಿದೆ.
ಈ ವರದಿಯಲ್ಲಿ ಜಗತ್ತಿನ ಇತರೆ ರಾಷ್ಟ್ರಗಳ ಕುರಿತ ವಿವರವೂ ಇದೆ. ಇದರಂತೆ, ಈಗ ಅತಿಹೆಚ್ಚು ತಲ್ಲಣಗೊಂಡಿರುವ ಅಮೆರಿಕ, ಇಟಲಿ, ಫ್ರಾನ್ಸ್, ಸ್ಪೇನ್, ಬ್ರಿಟನ್ಗಳ ಡೇಟಾವನ್ನೂ ಈ ರೀತಿ ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ಇದರಂತೆ, ಆಗಸ್ಟ್ 27ರ ಹೊತ್ತಿಗೆ ಅಮೆರಿಕ ಕರೊನಾ ಮುಕ್ತವಾಗಲಿದೆ. ಜಗತ್ತಿನಿಂದ ಈ ಕರೊನಾ ವೈರಸ್ ಸೋಂಕು 2020ರ ಡಿಸೆಂಬರ್ 9ರ ಹೊತ್ತಿಗೆ ಸಂಪೂರ್ಣವಾಗಿ ದೂರವಾಗಲಿದೆ.
ಅಮೆರಿಕದ ಸಿಂಗಾಪುರ ಯೂನಿವರ್ಸಿಟಿ ಆಫ್ ಟೆಕ್ನಾಲಜಿ ಆ್ಯಂಡ್ ಡಿಸೈನ್ ರಿಸರ್ಚರ್ಸ್ ಈ ವರದಿಯನ್ನು ಸಿದ್ಧಪಡಿಸಿದ್ದು, ಒಟ್ಟಾರೆಯಾಗಿ ಮೇ 30ರ ಒಳಗೆ ಕರೊನಾ ವೈರಸ್ ಸೋಂಕು ಶೇಕಡ 97 ಕಡಿಮೆಯಾಗಲಿದೆ. ಅದೇ ರೀತಿ ಜೂನ್ 17ರ ಹೊತ್ತಿಗೆ ಶೇಕಡ 99, 2020ರ ಡಿಸೆಂಬರ್9ರ ವೇಳೆಗೆ ಶೇಕಡ 100 ಸೋಂಕು ನಿವಾರಣೆ ಆಗಲಿದೆ. (ಏಜೆನ್ಸೀಸ್)