ನವದೆಹಲಿ: ಭಾರತೀಯ ಸೇನೆಯ ಹಿಮಚಿರತೆ ದಳದ ಕ್ಯಾ. ಗೀತಿಕಾ ಕೌಲ್ ಅವರು ವಿಶ್ವದ ಅತಿ ಎತ್ತರದ ಯುದ್ಧಭೂಮಿ ಸಿಯಾಚಿನ್ನಲ್ಲಿ ನಿಯೋಜನೆಗೊಂಡ ಮೊದಲ ಮಹಿಳಾ ವೈದ್ಯಕಿಯ ಅಧಿಕಾರಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಗೀತಿಕಾ ಸೇನೆಯ ಫೈರ್ ಆ್ಯಂಡ್ ಫ್ಯೂರಿ ಕೋರ್ ಮತ್ತು ಸ್ನೋ ಲೆಪರ್ಡ್ ಬ್ರಿಗೇಡ್ ಸದಸ್ಯೆ. ಸಿಯಾಚಿನ್ ಬ್ಯಾಟಲ್ ಸ್ಕೂಲ್ನಿಂದ ತರಬೇತಿ ಪಡೆದಿದ್ದಾರೆ. ದೈಹಿಕ&ಮಾನಸಿಕ ಸ್ಥೆರ್ಯ, ಸವಾಲು ಎದುರಿಸುವುದು, ಎತ್ತರದ ಪ್ರದೇಶಗಳಿಗೆ ಏರುವುದು, ಬದುಕುಳಿಯುವ ಕೌಶಲಗಳು, ಹವಾಮಾನ ವೈಪರೀತ್ಯದಲ್ಲಿ ಕಾರ್ಯನಿರ್ವಹಿಸಲು ಅಗತ್ಯವಾದ ಪ್ರಮುಖ ವಿಶೇಷ ವೈದ್ಯಕಿಯ ವಿಧಾನ ಸೇರಿದಂತೆ ಹಲವು ಅಂಶಗಳನ್ನು ಈ ತರಬೇತಿ ಒಳಗೊಂಡಿದೆ.
ಹಿಮಾಲಯದ ಉತ್ತರದಲ್ಲಿರುವ ಸಿಯಾಚಿನ್ ವಿಶ್ವದ ಅತಿ ಎತ್ತರದ ಯುದ್ಧಭೂಮಿ. ಇದು ಪ್ರತಿಕೂಲ ಹವಾಮಾನವಿರುವ ಭೂಪ್ರದೇಶ. ಈ ಅಪಾಯಕಾರಿ ಸ್ಥಳದಲ್ಲಿ ಕಾರ್ಯ ನಿರ್ವಹಿಸುವುದು ಸವಾಲಿನ ಕೆಲಸ.