YSRCP alleges cop pushed Rajini: ಆಂಧ್ರಪ್ರದೇಶದ ಮಾಜಿ ಸಚಿವೆ ವಿಡದಲ ರಜಿನಿ ಅವರ ಮನೆ ಬಳಿ ಭಾರಿ ಹೈಡ್ರಾಮಾ ನಡೆದಿದೆ. ಪೊಲೀಸರೊಂದಿಗೆ ನಡೆದ ತಳ್ಳಾಟ ಮತ್ತು ವಾಗ್ವಾದದ ವೇಳೆ ರಜಿನಿ ಅವರು ಕೆಳಗೆ ಬಿದ್ದಿದ್ದು, ರಾಜ್ಯ ರಾಜಕೀಯದಲ್ಲಿ ಈಗ ಇದು ದೊಡ್ಡ ಬಿರುಗಾಳಿಯನ್ನೇ ಎಬ್ಬಿಸಿದೆ. ಈ ಘಟನೆಗೆ ಸಂಬಂಧಿಸಿದಂತೆ ವೈಎಸ್‌ಆರ್‌ಸಿಪಿ (YSRCP) ಆಡಳಿತ ಸರ್ಕಾರದ ವಿರುದ್ಧ ಮುಗಿಬಿದ್ದಿದೆ.
ಸ್ಥಳೀಯ ಚುನಾವಣೆಯ ಬಿ-ಫಾರ್ಮ್ ಹಂಚಿಕೆ ಮಾಡದಂತೆ ಚಿಲಕಲೂರಿಪೇಟೆಯಲ್ಲಿರುವ ವಿಡದಲ ರಜಿನಿ ಅವರ ನಿವಾಸದ ಬಳಿ ಪೊಲೀಸರು ಖಡಕ್ ಬಂದೋಬಸ್ತ್ ಏರ್ಪಡಿಸಿದ್ದರು. ಈ ವೇಳೆ ರಜಿನಿ ಅವರ ನಿವಾಸಕ್ಕೆ ಆಗಮಿಸಿದ ವೈಎಸ್‌ಆರ್‌ಸಿಪಿ ಮುಖಂಡ, ಯಡ್ಲಾಪಡು ಝಡ್‌ಪಿಟಿಸಿ (ZPTC) ಅಭ್ಯರ್ಥಿ ಪಂದುಲ ಬುಲ್ಲಾಬಯ್ಯ ಅವರನ್ನು ಪೊಲೀಸರು ಮನೆಯ ಮುಖ್ಯ ಗೇಟ್ ಬಳಿಯೇ ತಡೆದಿರುವುದು ವಾಗ್ವಾದಕ್ಕೆ ಕಾರಣವಾಯಿತು."
ಪೊಲೀಸರ ಈ ನಿರ್ಬಂಧವನ್ನು ನೇರವಾಗಿ ಪ್ರಶ್ನಿಸಲು ಮುಂದಾದ ವಿಡದಲ ರಜಿನಿ ಮತ್ತು ಪೊಲೀಸ್ ಸಿಬ್ಬಂದಿ ನಡುವೆ ತೀವ್ರ ವಾಗ್ವಾದ ನಡೆದಿದೆ. ಈ ಹಂತದಲ್ಲಿ ಚಿಲಕಲೂರಿಪೇಟೆ ರೂರಲ್ ಮಹಿಳಾ ಎಸ್‌ಐ ಪ್ರಿಯಾಂಕಾ ಸೇರಿದಂತೆ ಇತರ ಪೊಲೀಸರು ನಡೆಸಿದ ತಳ್ಳಾಟದಲ್ಲಿ ರಜಿನಿ ಅವರು ನೆಲಕ್ಕೆ ಬಿದ್ದಿದ್ದಾರೆ ಎಂದು ವೈಎಸ್‌ಆರ್‌ಸಿಪಿ ದೂರಿದೆ.
ಈ ಘಟನೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣ 'ಎಕ್ಸ್'ನಲ್ಲಿ ಪೋಸ್ಟ್ ಮಾಡಿರುವ ಝಡ್‌ಪಿಟಿಸಿ, 'ಸರ್ಕಾರದ ಹಿತಾಸಕ್ತಿಗೆ ತಕ್ಕಂತೆ ಪೊಲೀಸರು ದೌರ್ಜನ್ಯ ಎಸಗುತ್ತಿದ್ದಾರೆ' ಎಂದು ಆರೋಪಿಸಿದೆ. ಮಾಜಿ ಸಚಿವೆಗೆ ನಡೆದ ಈ ಅಮಾನವೀಯ ಘಟನೆಯ ಬಗ್ಗೆ ನಿಷ್ಪಕ್ಷಪಾತ ತನಿಖೆಯಾಗಬೇಕು ಹಾಗೂ ಸಂಬಂಧಪಟ್ಟ ಪೊಲೀಸ್ ಅಧಿಕಾರಿಯ ಮೇಲೆ ತಕ್ಷಣವೇ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಪಕ್ಷವು ಆಗ್ರಹಿಸಿದೆ. (ಏಜೆನ್ಸೀಸ್)