ಅಯೋಧ್ಯೆ: ನಾಳೆ ಅಂದರೆ ಮಂಗಳವಾರದಿಂದ ಚೈತ್ರ ನವರಾತ್ರಿ ಆರಂಭವಾಗುತ್ತಿದೆ. ಏಪ್ರಿಲ್ 17 ರಂದು ರಾಮ ನವಮಿ ಹಬ್ಬ. ಈ ಹಬ್ಬವನ್ನು ಆಚರಿಸಲು ರಾಮನಗರಿ ಅಯೋಧ್ಯೆಯಲ್ಲಿ ಭರದ ಸಿದ್ಧತೆಗಳು ನಡೆಯುತ್ತಿವೆ. ರಾಮ ನವಮಿಯಂದು, ಹೊಸದಾಗಿ ನಿರ್ಮಿಸಲಾದ ದೇವಾಲಯದಲ್ಲಿ ರಾಮಲಲ್ಲಾ ವಿಗ್ರಹವನ್ನು ವಿಶೇಷವಾಗಿ ಪೂಜಿಸಲಾಗುವುದು. ಇದಕ್ಕಾಗಿ ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ವಿಶೇಷ ವ್ಯವಸ್ಥೆ ಮಾಡಿದೆ.
ಟ್ರಸ್ಟ್ ರಾಮಲಲ್ಲಾಗೆ ವಿಶೇಷ ಬಟ್ಟೆಗಳನ್ನು ಮಾಡಿದ್ದು, ಚೈತ್ರ ನವರಾತ್ರಿಯ ಮೊದಲ ದಿನದಿಂದ ರಾಮನವಮಿ ಹಬ್ಬದವರೆಗೆ ರಾಮಲಲ್ಲಾ ಈ ವಿಶೇಷ ಬಟ್ಟೆಗಳನ್ನು ಧರಿಸುತ್ತಾನೆ ಎಂದು ಟ್ರಸ್ಟ್ ತಿಳಿಸಿದೆ. ಈ ವಿಶೇಷ ಬಟ್ಟೆಗಳು ಖಾದಿಯವು. ಅವುಗಳ ಮೇಲೆ ಬೆಳ್ಳಿ ಮತ್ತು ಚಿನ್ನವನ್ನು ಮುದ್ರಿಸಲಾಗಿದೆ. ಚೈತ್ರ ನವರಾತ್ರಿಯಲ್ಲಿ ರಾಮಲಲ್ಲಾ ಯಾವ ರೀತಿಯ ವಿಶೇಷ ಬಟ್ಟೆಗಳನ್ನು ಧರಿಸಲಿದ್ದಾನೆ ಇಲ್ಲಿದೆ ನೋಡಿ ವಿಡಿಯೋ...
ರಾಮ ಮಂದಿರದಲ್ಲಿ ರಾಮಲಲ್ಲಾನ ಸುಂದರವಾದ ಪ್ರತಿಮೆಯನ್ನು ಪ್ರತಿಷ್ಠಾಪಿಸಲಾಗಿದೆ. ಇದಲ್ಲದೇ ಹಳೆಯ ರಾಮ ಮಂದಿರದಲ್ಲಿದ್ದ ವಿಗ್ರಹಕ್ಕೂ ಸ್ಥಾನ ಸಿಕ್ಕಿದೆ. ಎರಡೂ ವಿಗ್ರಹಗಳೂ ರಾಮಮಂದಿರದಲ್ಲಿವೆ. ಮೂರ್ತಿಯ ದರ್ಶನ ಪಡೆಯಲು ಪ್ರತಿದಿನ ಸಾವಿರಾರು ಭಕ್ತರು ಅಯೋಧ್ಯೆಗೆ ಆಗಮಿಸುತ್ತಿದ್ದಾರೆ.
ರಾಮಮಂದಿರ ನಿರ್ಮಾಣ ಕಾರ್ಯ ಇನ್ನೂ ನಡೆಯುತ್ತಿದೆ. ಸದ್ಯ ಮೊದಲ ಮಹಡಿ ಕಾಮಗಾರಿ ಪೂರ್ಣಗೊಳ್ಳುತ್ತಿದೆ. ಅದರ ನಂತರ ಎರಡನೇ ಮಹಡಿಯ ನಿರ್ಮಾಣ ಪ್ರಾರಂಭವಾಗುತ್ತದೆ. ಈ ವರ್ಷದ ಡಿಸೆಂಬರ್ ವೇಳೆಗೆ ರಾಮಮಂದಿರ ಸಿದ್ಧವಾಗಲಿದೆ. ಹೊಸ ರಾಮಮಂದಿರದಲ್ಲಿ ಈ ಬಾರಿ ಮೊದಲ ರಾಮನವಮಿ. ರಾಮಲಲ್ಲಾ ನೋಡಲು ಸುಮಾರು 25 ಲಕ್ಷ ಭಕ್ತರು ಆಗಮಿಸುತ್ತಾರೆ ಎಂದು ನಿರೀಕ್ಷಿಸಲಾಗಿದೆ . ಈ ಕಾರಣಕ್ಕಾಗಿ ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಸಾಕಷ್ಟು ವ್ಯವಸ್ಥೆ ಮಾಡಿದೆ. ರಾಮನವಮಿಯಂದು ರಾಮಲಲ್ಲಾನನ್ನು 20 ಗಂಟೆಗಳ ಕಾಲ ನೋಡಬಹುದು. ಪ್ರಸ್ತುತ, ರಾಮಲಲ್ಲಾ ದರ್ಶನವು ಪ್ರತಿದಿನ 14 ಗಂಟೆಗಳ ಕಾಲ ಇರುತ್ತದೆ.