ಬೆಂಗಳೂರು: 2023ರ ವರ್ಷದಲ್ಲಿ ಚಿತ್ರಮಂದಿರಗಳಲ್ಲಿ ತೆರೆಕಂಡ ಭಾರತೀಯ ಚಿತ್ರರಂಗದ ಹಲವು ಬ್ಲಾಕ್ಬಸ್ಟರ್ ಸಿನಿಮಾಗಳು ಸೇರಿದಂತೆ ಹಾಲಿವುಡ್ ಚಿತ್ರಗಳು ಕೂಡ ಸಿನಿಪ್ರೇಕ್ಷಕರನ್ನು ಮನರಂಜಿಸುವಲ್ಲಿ ಯಶಸ್ವಿಯಾಗಿದೆ. ಈ ಪೈಕಿ ಪ್ರತಿ ವಾರವೂ ಒಂದೊಂದು ಸಿನಿಮಾಗಳು ತಮ್ಮ ಡಿಜಿಟಲ್ ಹಕ್ಕುಗಳನ್ನು ಪಡೆದುಕೊಂಡ ಆಯಾ ಒಟಿಟಿ ಪ್ಲಾಟ್ಫಾರ್ಮ್ಗೆ ಲಗ್ಗೆಯಿಡಲಿದ್ದು, ನಿಗದಿತ ದಿನಾಂಕದಂದು ಲೈವ್ ಸ್ಟ್ರೀಮಿಂಗ್ ಆಗಲಿದೆ.
ಕಳೆದ ತಿಂಗಳು ಬಿಡುಗಡೆಗೊಂಡ ಎಷ್ಟೋ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುವ ಮೂಲಕ ಸಿನಿಪ್ರೇಕ್ಷಕರ ಗಮನ ಸೆಳೆದಿದ್ದು, ಬಾಕ್ಸ್ ಆಫೀಸ್ನಲ್ಲಿಯೂ ನಿರೀಕ್ಷೆ ಮೀರಿದ ಕಲೆಕ್ಷನ್ ಕಂಡಿದೆ. ತಮ್ಮಿಷ್ಟದ ಜಾನರ್, ಸ್ಟಾರ್ ನಟರ ಸಿನಿಮಾಗಳನ್ನು ಥಿಯೇಟರ್ನಲ್ಲೇ ನೋಡಬೇಕು ಎಂದು ಬಯಸುವ ಹಲವರು, ಕೆಲವು ಕಾರಣಗಳಿಂದ ಚಿತ್ರಮಂದಿರಗಳಲ್ಲಿ ನೋಡಲು ಆಗುವುದಿಲ್ಲ. ಇದರಿಂದ ಬೇಸರಗೊಂಡರು, ಒಟಿಟಿಯಲ್ಲಿ ವೀಕ್ಷಿಸಲು ರಿಲೀಸ್ ಡೇಟ್ಗಾಗಿ ಕಾತರದಿಂದ ಕಾಯುತ್ತಾರೆ.
ಸದ್ಯ ಪ್ರೇಕ್ಷಕರ ನಿರೀಕ್ಷೆಯಂತೆ ಐದು ಟಾಪ್ ಸಿನಿಮಾಗಳು ಈ ವರ್ಷದ ಕೊನೆಯ ವಾರದಂದು ಒಟಿಟಿ ಪ್ಲಾಟ್ಫಾರ್ಮ್ಗಳಿಗೆ ಎಂಟ್ರಿ ಕೊಟ್ಟಿದ್ದು, ಅದರ ಪಟ್ಟಿ ಹೀಗಿದೆ.
1. 12th ಫೇಲ್: ಡಿಸೆಂಬರ್ 29, ಡಿಸ್ನಿ ಪ್ಲಸ್ ಹಾಟ್ಸ್ಟಾರ್
2. ತ್ರೀ ಆಫ್ ಅಸ್: ಡಿಸೆಂಬರ್ 29, ನೆಟ್ಫ್ಲಿಕ್ಸ್
3. ಶಾಸ್ತ್ರಿ ವಿರುಧ್ ಶಾಸ್ತ್ರಿ: ಡಿಸೆಂಬರ್ 29, ನೆಟ್ಫ್ಲಿಕ್ಸ್
4. ಕೀಡಾ ಕೋಲಾ: ಡಿಸೆಂಬರ್ 29, ಆಹಾ
5. ಬರ್ಲಿನ್: ಡಿಸೆಂಬರ್ 29, ನೆಟ್ಫ್ಲಿಕ್ಸ್,(ಏಜೆನ್ಸೀಸ್).