ನವದೆಹಲಿ: ಪ್ರಕೃತಿಯು ವಿಷ್ಮಯಗಳ ಆಗರ ಎಂಬುದಕ್ಕೆ ಮತ್ತೊಂದು ಉದಾಹರಣೆಯಂತಿದೆ ಈ ವಿಡಿಯೋ. ಜೇಡ ಎಂದಾದರೂ ತನಗಿಂತಲೂ ಗಾತ್ರದಲ್ಲಿ ದೊಡ್ಡದಾದ ಪಕ್ಷಿ ತಿನ್ನುವುದನ್ನು ನೀವು ನೋಡಿದ್ದೀರಾ? ಇಲ್ಲವಾದಲ್ಲಿ ಈ ರೋಮಾಂಚನಕಾರಿ ವಿಡಿಯೋ ನೋಡುವುದನ್ನು ಮರೆಯಲೇ ಬೇಡಿ.
ನೇಚರ್ ಇಸ್ ಸ್ಕ್ಯಾರಿ ಹೆಸರಿನ ಟ್ವಿಟರ್ ಖಾತೆಯಲ್ಲಿ ವಿಡಿಯೋ ಅಪ್ಲೋಡ ಮಾಡಲಾಗಿದ್ದು, ಅವಿಕುಲೇರಿಯಾ ಹೆಸರಿನ ಜೇಡವು ಪಕ್ಷಿಯನ್ನು ತಿನ್ನುತ್ತಿದೆ ಎಂದು ಅಡಿಬರಹ ಬರೆಯಲಾಗಿದೆ.
ಇದನ್ನೂ ಓದಿ: ನಿಮ್ಮ ಕಣ್ಣಿಗೊಂದು ಸವಾಲ್: ಈ ಚಿತ್ರದಲ್ಲಿ ಅಡಗಿ ಕುಳಿತಿರೋ ಬೆಕ್ಕನ್ನು ಗುರುತಿಸಿದ್ರೆ ನೀವೇ ಗ್ರೇಟ್!
ಮೈನವಿರೇಳಿಸುವ 54 ಸೆಕೆಂಡಿನ ವಿಡಿಯೋದಲ್ಲಿ ದೊಡ್ಡ ಗಾತ್ರದ ಜೇಡವೊಂದು ನಿಯಮಿತ ಗಾತ್ರದ ಪಕ್ಷಿಯನ್ನು ನಿಧಾನವಾಗಿ ತಿನ್ನುತ್ತಿದೆ. ಸದ್ಯ ವಿಡಿಯೋ ವೈರಲ್ ಆಗಿದ್ದು, ಈಗಾಗಲೇ 3 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಣೆ ಮಾಡಿದ್ದಾರೆ. ನಾವೆಂದಿಗೂ ಈ ಇಂತಹ ವಿಡಿಯೋ ನೋಡಿಯೇ ಇಲ್ಲವೆಂದು ಅನೇಕ ನೆಟ್ಟಿಗರು ಒಪ್ಪಿಕೊಂಡಿದ್ದಾರೆ. (ಏಜೆನ್ಸೀಸ್)