Isro| ಭಾರತವು ಇದೇ ಭಾನುವಾರ (ಮೇ 18) ರಂದು ಶ್ರೀಹರಿಕೋಟಾದ ಬಾಹ್ಯಾಕಾಶ ನಿಲ್ದಾಣದಿಂದ ಇಒಎಸ್-09 ಭೂ ವೀಕ್ಷಣಾ ಉಪಗ್ರಹವನ್ನು ಉಡಾವಣೆ ಮಾಡಲಿದೆ. ಇದು ಎಲ್ಲಾ ಹವಾಮಾನ ಪರಿಸ್ಥಿತಿಗಳಲ್ಲಿಯೂ ಬಾಹ್ಯಾಕಾಶದಿಂದ ತನ್ನ ಕಣ್ಗಾವಲು ಸಾಮರ್ಥ್ಯವನ್ನು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿರುವ ಉಪಗ್ರಹವಾಗಿದೆ.
ಇದನ್ನೂ ಓದಿ: S-400 ಯಶಸ್ಸಿ; S-500 ಖರೀದಿಸುತ್ತಾ ಭಾರತ? ಎರಡು ವಾಯು ರಕ್ಷಣಾ ಕ್ಷಿಪಣಿಗಳ ಸಾಮರ್ಥ್ಯ ಎಷ್ಟಿದೆ ಗೊತ್ತಾ| missile systems
ಈ ಉಪಗ್ರಹವು ಹಗಲು, ರಾತ್ರಿ ಹಾಗೂ ಯಾವುದೇ ಭೂಮಿಯ ಹವಾಮಾನದಲ್ಲಿಯೂ ಹೆಚ್ಚಿನ ರೆಸಲ್ಯುಷನ್ ಫೋಟೋ ತೆಗೆಯುವ ಸಾಮರ್ಥ್ಯ ಹೊಂದಿದೆ. ಇದು ರಾಷ್ಟ್ರೀಯ ಭದ್ರತೆ, ವಿಪತ್ತು ನಿರ್ವಹಣೆ, ಅರಣ್ಯ ಹಾಗೂ ಕೃಷಿ ಬಗ್ಗೆ ಮೇಲ್ವಿಚಾರಣೆ ನಡೆಸಲು ಸಹಕಾರಿಯಾಗಲಿದೆ.
ಹವಾಮಾನ ಪರಿಸ್ಥಿತಿಗಳಲ್ಲೂ ಬಾಹ್ಯಾಕಾಶದಿಂದ ಕಣ್ಣಾವಲು ನಡೆಸಲು ತನ್ನ ಸಾಮರ್ಥ್ಯ ಹೆಚ್ಚಿಸುವ ನಿಟ್ಟಿನಲ್ಲಿ ಭಾರತ ಈ ಭೂ ವೀಕ್ಷಣಾ ಉಪಗ್ರಹ ಉಡಾವಣೆ ಮಾಡಲಿದೆ. ಶ್ರೀಹರಿಕೋಟಾದಲ್ಲಿ ಇಒಎಸ್-09 ಉಪಗ್ರಹದ ಉಡಾವಣೆ ಮಾಡಲಾಗುತ್ತಿದೆ. ಇದಕ್ಕೆ ವಿಜ್ಞಾನ ಹಾಗೂ ತಂತ್ರಜ್ಞಾನದ ಸಂಸದೀಯ ಸ್ಥಾಯಿ ಸಮಿತಿಯಲ್ಲಿರುವ ಸಂಸದರು ಸಾಕ್ಷಿಯಾಗಲಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.