ಬೆಂಗಳೂರು: ಕಳೆದ ಒಂದೆರೆಡು ತಿಂಗಳಿಂದ ಭಾರತೀಯ ಚಿತ್ರೋದ್ಯಮ ಸಂಪೂರ್ಣ ಮಕಾಡೆ ಮಲಗಿದ್ದು, ಬಾಲಿವುಡ್, ಸ್ಯಾಂಡಲ್ವುಡ್, ಟಾಲಿವುಡ್, ಕಾಲಿವುಡ್ ಮತ್ತು ಮಾಲಿವುಡ್ ಚಿತ್ರರಂಗದ ಸಿನಿಮಾಗಳು ಬಾಕ್ಸ್ ಆಫೀಸ್ನಲ್ಲಿ ಕಮಾಲ್ ಮಾಡಿಲ್ಲ. ರಿಲೀಸ್ ಆಗುವ ವೇಳೆ ಭರ್ಜರಿ ಓಪನಿಂಗ್ ಪಡೆಯುವ ಸ್ಟಾರ್ ನಟರ ಚಿತ್ರಗಳು ತೆರಕಂಡ ಮೊದಲ ಒಂದು ವಾರದ ನಂತರ ಚಿತ್ರಮಂದಿರಗಳಲ್ಲಿ ಉಳಿಯಲು ತೀರ ಕಷ್ಟಪಡುತ್ತಿವೆ. ಆದ್ರೆ, ಆಗಸ್ಟ್ನಲ್ಲಿ ಬಿಡುಗಡೆಗೊಂಡ ಒಂದಷ್ಟು ಚಿತ್ರಗಳ ಪೈಕಿ ಕೆಲವೇ ಕೆಲವು ಸಿನಿಮಾಗಳು ಮತ್ತೆ ಪುಟಿದೇಳುವ ಭರವಸೆ ಕೊಟ್ಟಿದೆ.
ಇದನ್ನೂ ಓದಿ: 5 ರಂದು ಶ್ರೀ ಬಿಜಿಎಸ್ ಗ್ರಂಥಾಲಯ ಉದ್ಘಾಟನೆ
ದಕ್ಷಿಣ ಭಾರತದ ಸಿನಿಮಾಗಳು ಆಗಸ್ಟ್ನಲ್ಲಿ ಬಿಡುಗಡೆಗೊಂಡಿದ್ದು, ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಈ ಸಾಲಿನಲ್ಲಿ ಬಾಲಿವುಡ್ನ 'ಸ್ತ್ರೀ 2', ಸ್ಯಾಂಡಲ್ವುಡ್ನ 'ಕೃಷ್ಣ ಪ್ರಣಯಂ ಸಖಿ', 'ಭೀಮ' ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಕಲೆಕ್ಷನ್ ದಾಖಲಿಸಿವೆ. ಈ ಮೂಲಕ ಪುಟಿದೇಳುವ ಮುನ್ಸೂಚನೆ ನೀಡಿದೆ. ಒಂದೆಡೆ ಈ ಸಿನಿಮಾಗಳು ಥಿಯೇಟರ್ಗಳಲ್ಲಿ ಗೆಲುವಿನ ಓಟವನ್ನು ಮುಂದುವರೆಸಿದ್ದರೆ, 'ಇಸ್ಮಾರ್ಟ್ ಶಂಕರ್', 'ಮಿ. ಬಚ್ಚನ್' ಮತ್ತು 'ತಂಗಾಲಾನ್' ಚಿತ್ರಗಳು ಕಡಿಮೆ ಶೋಗಳನ್ನು ಪಡೆದು, ಅಬ್ಬರಿಸುವಲ್ಲಿ ವಿಫಲವಾಗಿದೆ.
ಇನ್ನು ತಿಂಗಳ ಕೊನೆಯಲ್ಲಿ ಬಿಡುಗಡೆಗೊಂಡಿರುವ ನ್ಯಾಚುರಲ್ ಸ್ಟಾರ್ ನಾನಿ ಅಭಿನಯದ 'ಸರಿಪೋದ ಶನಿವಾರಂ' ಚಿತ್ರ ಸದ್ಯ ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಪ್ರಾರಂಭ ಕಂಡಿದ್ದು, ಚಿತ್ರಮಂದಿರಗಳು ಪ್ರೇಕ್ಷಕರಿಂದ ತುಂಬುತ್ತಿದೆ. ಇದೀಗ ಇದೇ ಖುಷಿಯಲ್ಲಿ ಸೆಪ್ಟಂಬರ್ಗೆ ಕಾಲಿಟ್ಟಿರುವ ನಾನಿ ಸಿನಿಮಾ, ಮಿಂಚಿನ ಓಟ ಮುಂದುವರೆಯಲಿ ಎಂದು ಆಶಿಸಿದೆ. ಸದ್ಯ ಸೆ. ತಿಂಗಳು ಸಿನಿಪ್ರಿಯರಿಗೆ ಹಬ್ಬವಾಗಲಿದ್ದು, ಭರಪೂರ ಮನರಂಜನೆ ನೀಡಲು ಸಾಲು ಸಾಲು ಸಿನಿಮಾಗಳು ತೆರೆ ಕಾಣಲು ಸಜ್ಜಾಗಿ ನಿಂತಿವೆ.
ಇದನ್ನೂ ಓದಿ: ಪ್ರತಿ ವಾರ್ಡಿನಲ್ಲಿ ಜೆಡಿಎಸ್ ಸದಸ್ಯತ್ವ ಅಭಿಯಾನ