ಮುಂಬೈ: ಬೆಂಗಳೂರಿನ ಕಚೇರಿಗಳಲ್ಲಿ ಇ.ಡಿ. (ಜಾರಿ ನಿರ್ದೇಶನಾಲಯ) ಹುಡುಕಾಟ ನಡೆಸುತ್ತಿದ್ದಂತೆ 3ಎಂ ಇಂಡಿಯಾ ಕಂಪನಿಯ ಷೇರುಗಳ ಬೆಲೆ ಕುಸಿತ ಕಂಡಿವೆ.
ಶುಕ್ರವಾರದ ವಹಿವಾಟಿನಲ್ಲಿ ಈ ಷೇರುಗಳ ಬೆಲೆ ಶೇಕಡಾ 2ರಷ್ಟು ಕುಸಿತ ಕಂಡು 29625 ರೂಪಾಯಿ ಮಟ್ಟ ಮುಟ್ಟಿತು. ಸಂಸ್ಥೆಯ ಮಾರುಕಟ್ಟೆ ಬಂಡವಾಳ ಮೌಲ್ಯ 33,546 ಕೋಟಿ ರೂ.ಗೆ ಕುಸಿದಿದೆ.
ಮಾರ್ಚ್ 14, 2024 ರಂದು ಬೆಂಗಳೂರಿನಲ್ಲಿರುವ ತನ್ನ ಕಚೇರಿಗಳಲ್ಲಿ ಜಾರಿ ನಿರ್ದೇಶನಾಲಯ (ED) ಹುಡುಕಾಟ ನಡೆಸಿದೆ ಎಂದು ಸಂಸ್ಥೆಯು ಹೇಳಿದ ನಂತರ 3M ಇಂಡಿಯಾ ಲಿಮಿಟೆಡ್ ಷೇರುಗಳು ಗುರುವಾರದ ಆರಂಭಿಕ ವ್ಯವಹಾರಗಳಲ್ಲಿ 2% ಕ್ಕಿಂತ ಹೆಚ್ಚು ಕುಸಿದವು.
ಶುಕ್ರವಾರ 139 ಷೇರುಗಳು ಬಿಎಸ್ಇಯಲ್ಲಿ ಕೈ ಬದಲಾಯಿಸುವುದರೊಂದಿಗೆ 41.23 ಲಕ್ಷ ರೂಪಾಯಿ ವಹಿವಾಟು ನಡೆಸಿದವು. ಡಿಸೆಂಬರ್ 29, 2023 ರಂದು ಸ್ಟಾಕ್ ತನ್ನ ದಾಖಲೆಯ ಗರಿಷ್ಠ ಬೆಲೆಯಅದ ರೂ 39,809.65 ಮುಟ್ಟಿತ್ತು. ಮಾರ್ಚ್ 24, 2023 ರಂದು ರೂ 21,740 ರ 52 ವಾರಗಳ ಕನಿಷ್ಠ ಮಟ್ಟಕ್ಕೆ ಕುಸಿದಿತ್ತು.
"ಮಾರ್ಚ್ 14, 2024 ರಂದು ಬೆಂಗಳೂರಿನಲ್ಲಿರುವ ನಮ್ಮ ಕಚೇರಿಗಳಲ್ಲಿ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ 1999 ರ ಅಡಿಯಲ್ಲಿ ಜಾರಿ ನಿರ್ದೇಶನಾಲಯದ ಕಚೇರಿಯು ಹುಡುಕಾಟ ನಡೆಸಿತು. ಕಂಪನಿಯು ಪ್ರಕ್ರಿಯೆಯ ಸಮಯದಲ್ಲಿ ಅಧಿಕಾರಿಗಳಿಗೆ ಸಂಪೂರ್ಣವಾಗಿ ಸಹಕರಿಸಿತು ಮತ್ತು ಅವರು ಕೇಳಿದ ಸ್ಪಷ್ಟೀಕರಣಗಳು ಮತ್ತು ವಿವರಗಳಿಗೆ ಪ್ರತಿಕ್ರಿಯಿಸಿತು" ಎಂದು ಕಂಪನಿಯು ತಿಳಿಸಿದೆ.
"ನಾವು ಅಗತ್ಯವಿರುವ ಯಾವುದೇ ಹೆಚ್ಚಿನ ಸ್ಪಷ್ಟೀಕರಣ/ಮಾಹಿತಿಯನ್ನು ನೀಡುವುದನ್ನು ಮುಂದುವರಿಸುತ್ತೇವೆ. ಕಂಪನಿಯ ವ್ಯವಹಾರ ಕಾರ್ಯಾಚರಣೆಗಳು ಎಂದಿನಂತೆ ಮುಂದುವರಿಯಿತು ಮತ್ತು ಹುಡುಕಾಟದ ಕಾರಣದಿಂದಾಗಿ ಯಾವುದೇ ಪರಿಣಾಮ ಬೀರಲಿಲ್ಲ. ಕಾಲಕಾಲಕ್ಕೆ ಬಹಿರಂಗಪಡಿಸುವ ನಮ್ಮ ಕಾನೂನು ಬಾಧ್ಯತೆಯನ್ನು ನಾವು ಅನುಸರಿಸುತ್ತೇವೆ," ಎಂದೂ ಕಂಪನಿ ಹೇಳಲಾಗಿದೆ.
3M ಇಂಡಿಯಾ ಲಿಮಿಟೆಡ್ ಕಂಪನಿಯು ವೈವಿಧ್ಯಮಯ ತಂತ್ರಜ್ಞಾನ ಮತ್ತು ವಿಜ್ಞಾನ ಕಂಪನಿಯಾಗಿದೆ. ಸುರಕ್ಷತೆ ಮತ್ತು ಕೈಗಾರಿಕೆ, ಸಾರಿಗೆ ಮತ್ತು ಎಲೆಕ್ಟ್ರಾನಿಕ್ಸ್; ಆರೋಗ್ಯ ರಕ್ಷಣೆ, ಮತ್ತು ಗ್ರಾಹಕ ಇವು ಕಂಪನಿಯು ಸೇವೆ ಒದಗಿಸುವ ವಿಭಾಗಗಳಾಗಿವೆ.