ಮುಂಬೈ: ನಟ ಎಜಾಜ್ ಖಾನ್ ಮತ್ತೊಮ್ಮೆ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಮಾದಕವಸ್ತು ಸಂಬಂಧಿತ ಪ್ರಕರಣದಲ್ಲಿ ಎಜಾಜ್ ಖಾನ್ ಕಚೇರಿ ಮೇಲೆ ಕಸ್ಟಮ್ಸ್ ಇಲಾಖೆ ದಾಳಿ ನಡೆಸಿದೆ. ಈ ಮೊದಲು ಡ್ರಗ್ಸ್ ಕೇಸ್(Drugs Case)ಗೆ ಸಂಬಂಧಿಸಿದಂತೆ ಬಂಧನವಾಗಿದ್ದ ಎಜಾಜ್ ಖಾನ್ ಕಳೆದ ವರ್ಷ (2023) ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದರು.
ಇದನ್ನು ಓದಿ: ಆ ಸಿನಿಮಾದ ಬಳಿಕ 1 ತಿಂಗಳು ಕಷ್ಟವಾಗಿತ್ತು; 2-3 ದಿನ ರೂಮ್ನಲ್ಲಿ ಕುಳಿತು ಅಳುತ್ತಿದೆ ಎಂದ Triptii Dimri
ಮುಂಬೈ ಕಸ್ಟಮ್ಸ್ನ ವಿಶೇಷ ಪೋಸ್ಟಲ್ ಇಂಟೆಲಿಜೆನ್ಸ್ ಬ್ರಾಂಚ್ ಯುರೋಪ್ ದೇಶದಿಂದ ಬರುತ್ತಿದ್ದ ಸರಕುಗಳನ್ನು ಪತ್ತೆಹಚ್ಚಿದೆ ಎಂದು ಹೇಳಲಾಗುತ್ತಿದೆ. ಆ ಸರಕು ವೀರ ದೇಸಾಯಿ ಇಂಡಸ್ಟ್ರಿಯಲ್ ಎಸ್ಟೇಟ್ನಲ್ಲಿರುವ ಎಜಾಜ್ ಖಾನ್ ಅವರ ಕಚೇರಿಗೆ ರವಾನೆಯಾಗಿರುವುದು ಬೆಳಕಿಗೆ ಬಂದಿದೆ. ಇದರಿಂದಾಗಿ ನಟ ಮತ್ತೆ ಡ್ರಗ್ಸ್ ವಿಚಾರದಲ್ಲಿ ಸಿಕ್ಕಿಹಾಕಿಕೊಂಡಿದ್ದಾರೆ.
<p>" class="alignnone size-full wp-image-2398345" height="400" src="https://www.vijayavani.net/wp-content/uploads/2024/10/Untitled-design-2024-10-09T185711.193.webp" width="600"/>
ಮುಂಬೈನ ಅಂಧೇರಿಯಲ್ಲಿರುವ ನಟ ಎಜಾಜ್ ಖಾನ್ ಅವರ ಕಚೇರಿಯಲ್ಲಿ ಕಸ್ಟಮ್ಸ್ ಇಲಾಖೆಯಿಂದ ಶೋಧ ನಡೆಸಲಾಗಿತ್ತು. ವಾಸ್ತವವಾಗಿ,ಎಜಾಜ್ ಖಾನ್ ಅವರ ಸಿಬ್ಬಂದಿಯನ್ನು ಎನ್ಡಿಪಿಎಸ್ ಕಾಯ್ದೆಯಡಿ ಬಂಧಿಸಲಾಗಿದೆ. ನಂತರ ಕಸ್ಟಮ್ ಇಲಾಖೆ ಈ ಹುಡುಕಾಟವನ್ನು ನಡೆಸಿತು. ಕಸ್ಟಮ್ಸ್ ಇಲಾಖೆ ಮೂಲಗಳಿಂದ ಬಂದ ಮಾಹಿತಿಯ ಪ್ರಕಾರ, ಸುಮಾರು 100 ಗ್ರಾಂ ಎಂಡಿಗೆ ಆರ್ಡರ್ ಮಾಡಿದ ಎಜಾಜ್ ಖಾನ್ ಸಿಬ್ಬಂದಿ ಅವರ ಕಚೇರಿ ವಿಳಾಸದಲ್ಲಿದ್ದರು. ಈ ಆರ್ಡರ್ ಅನ್ನು ಯುರೋಪ್ನಿಂದ ಆಮದು ಮಾಡಿಕೊಳ್ಳಲಾಗಿದೆ. ಅದರ ಬೆಲೆ ಸುಮಾರು 30 ರಿಂದ 35 ಲಕ್ಷ ಎಂದು ಹೇಳಲಾಗುತ್ತಿದೆ.
ನಿಷೇಧಿತ ಔಷಧಿಗಳ ಪ್ಯಾಕೇಜ್ ವಿತರಣೆಗೆ ಸಂಬಂಧಿಸಿದಂತೆ ಬಂದ ಮಾಹಿತಿಯ ಆಧಾರದ ಮೇಲೆ, ಕಸ್ಟಮ್ಸ್ ಅದನ್ನು ಟ್ರ್ಯಾಕ್ ಮಾಡಲು ಪ್ರಾರಂಭಿಸಿತು. ಈ ಸರಕುಗಳನ್ನು ಬುಕ್ ಮಾಡಿದ ವ್ಯಕ್ತಿಯ ಮೇಲೆ ಅಧಿಕಾರಿಗಳು ನಿರಂತರವಾಗಿ ಕಣ್ಣಿಟ್ಟಿದ್ದರು ಮತ್ತು ಅದು ನಟನ ಕಚೇರಿಯಲ್ಲಿ ಕೆಲಸ ಮಾಡುವ ಸೂರಜ್ ಗೌರ್ ಎಂದು ತಿಳಿದುಬಂದಿದೆ. ಸೂರಜ್ ಗೌರ್ನನ್ನು ಬಂಧಿಸಲಾಗಿದೆ.
ಇಂಥದ್ದೆ ಪ್ರಕರಣದಲ್ಲಿ ಎಜಾಜ್ ಹೆಸರು ಕೇಳಿ ಬರುತ್ತಿರುವುದು ಇದೇ ಮೊದಲಲ್ಲ. ಎಜಾಜ್ನನ್ನು 2021ರಲ್ಲಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ಮಾದಕವಸ್ತು ಪ್ರಕರಣದಲ್ಲಿ ಬಂಧಿಸಲಾಗಿತ್ತು ಮತ್ತು 2023ರಲ್ಲಿ ಜಾಮೀನಿನ ಮೇಲೆ ಬಿಡುಗಡೆಯಾಗಿದೆ. ಇದು ಮಾತ್ರವಲ್ಲದೆ 2018ರಲ್ಲಿ ನವಿ ಮುಂಬೈ ಆಂಟಿ ನಾರ್ಕೋಟಿಕ್ಸ್ ಸೆಲ್ ಅವರನ್ನು ಹೋಟೆಲ್ನಲ್ಲಿ ಎಕ್ಸ್ಟಸಿ ಟ್ಯಾಬ್ಲೆಟ್ಗಳೊಂದಿಗೆ ಬಂಧಿಸಿತ್ತು.
ಅಂದ್ಹಾಗೆ ಈ ವರ್ಷದ ಆರಂಭದಲ್ಲಿ ಎಜಾಜ್ ಖಾನ್ ಅವರು ಸ್ವತಂತ್ರ ಅಭ್ಯರ್ಥಿಯಾಗಿ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದರು. ತನ್ನ ಅಫಿಡವಿಟ್ನಲ್ಲಿ ಎಜಾಜ್ ಅವರು 44.5 ಲಕ್ಷ ರೂಪಾಯಿ ಮೌಲ್ಯದ ನಿವ್ವಳ ಮೌಲ್ಯ ಹೊಂದಿರುವುದಾಗಿ ಘೋಷಿಸಿದ್ದಾರೆ. (ಏಜೆನ್ಸೀಸ್)