Cigarettes:ಸಿಗರೇಟ್ ಸೇದುವುದು ಆರೋಗ್ಯಕ್ಕೆ ಮಾತ್ರ ಅಪಾಯಕಾರಿ ಅಲ್ಲ, ನಿಮ್ಮ ಜೀವನವೂ ಅಂತ್ಯವಾಗಬಹುದು. ಹೌದು, ನಿಧಾನವಾಗಿ ನಿಮ್ಮ ಜೀವಿತಾವಧಿ ಕೂಡ ಕಡಿಮೆ ಮಾಡುತ್ತದೆ ಎಂದು ಹೊಸ ಅಧ್ಯಯನವೊಂದು ಬಹಿರಂಗಪಡಿಸಿದೆ.
ದಿನಕ್ಕೆ ಒಂದು ಸಿಗರೇಟ್ ಸೇದಿದರೆ, ಜಾಗರೂಕರಾಗಿರಿ. ಹೊಸ ಅಧ್ಯಯನದಲ್ಲಿ ಭಯಾನಕ ಸಂಗತಿ ಬಹಿರಂಗವಾಗಿದೆ. ಲಂಡನ್ ವಿಶ್ವವಿದ್ಯಾಲಯದ ಕಾಲೇಜು ನಡೆಸಿದ ಸಂಶೋಧನೆಯ ಪ್ರಕಾರ, ದಿನಕ್ಕೆ ಒಂದು ಸಿಗರೇಟ್ ಸೇದುವುದರಿಂದ ಜೀವಿತಾವಧಿ ಸರಾಸರಿ 20 ನಿಮಿಷಗಳಷ್ಟು ಕಡಿಮೆಯಾಗುತ್ತದೆ. ಹೀಗಾಗಿ, ಕೂಡಲೇ ಸಿಗರೇಟ್ ಸೇದುವವರು ಬಿಡುವಂತೆ ಏಚ್ಚರಿಕೆ ಕೊಟ್ಟಿದ್ದಾರೆ.
ಒಂದು ಸಿಗರೇಟ್ನಿಂದ ಪುರುಷರ ಸರಾಸರಿ ಜೀವಿತಾವಧಿ 17 ನಿಮಿಷಗಳು ಕಡಿಮೆ ಮಾಡುತ್ತದೆ ಮತ್ತು ಮಹಿಳೆಯರ ಜೀವಿತಾವಧಿ 22 ನಿಮಿಷಗಳ ಕಾಲ ಕಡಿಮೆಯಾಗುತ್ತದೆ. ಇಟ್ಟಿನಲ್ಲಿ ಒಂದು ಪ್ಯಾಕ್ ಸಿಗರೇಟ್ನಿಂದ 7 ಗಂಟೆಗಳ ಜೀವಿತಾವಧಿ ಕಡಿಮೆಯಾಗಲಿದೆ ಎಂದು ಹೊಸ ಅಧ್ಯಯನವೊಂದು ಅಂತಕಕಾರಿ ಅಂಶವನ್ನು ಹೊರ ಹಾಕಿದೆ.
ಇದನ್ನೂ ಓದಿ:ಇಲ್ಲಿ ನಿಮ್ಮ ಇಷ್ಟಗಳು ನಡಿಯಲ್ಲ! ಪಾಕ್ ಆಯ್ಕೆ ಸಮಿತಿ ವಿರುದ್ಧ ವಾಸಿಮ್ ಆಕ್ರಮ್ ಕೆಂಡಾಮಂಡಲ | Champions Trophy
ಸಿಗರೇಟ್ ಸೇವನೆಯೂ ನಿಮ್ಮ ಜೀವಿತಾವಧಿನ್ನು ನಿಧಾನವಾಗಿ ಕಸಿದಿಕೊಳ್ಳಲಿದೆ ಎಂದು ಸಂಶೋಧಕರು ಹೇಳುತ್ತಾರೆ. ಧೂಮಪಾನಿಗಳು ಎಷ್ಟು ಬೇಗ ಧೂಮಪಾನ ಬಿಡುತ್ತಾರೊ ಅಷ್ಟು ಬೇಗ ಅವರಿಗೆ ಲಾಭ. ಇದರಿಂದ ಆರೋಗ್ಯದ ಲಾಭ ಮತ್ತು ದೀರ್ಘ ಆರೋಗ್ಯಕರ ಜೀವನವನ್ನು ಪಡೆಯುತ್ತೀರ. ಅಲ್ಲದೆ, ಧೂಮಪಾನವನ್ನು ಸಂಪೂರ್ಣವಾಗಿ ತ್ಯಜಿಸಿದರೆ ಮಾತ್ರ ಅದರಿಂದ ಲಾಭವಾಗಲಿದೆ ಎಂದು ಸಂಶೋಧಕರು ಹೇಳುತ್ತಾರೆ.(ಏಜೆನ್ಸೀಸ್)