ನವದೆಹಲಿ: ಸಿಮ್ ಕಾರ್ಡ್ ಕೆವೈಸಿ ಇನ್ನು ಮುಂದೆ ಸಂಪೂರ್ಣ ಡಿಜಿಟಲ್ ಆಗಲಿದ್ದು, ಈ ಬದಲಾವಣೆ ಜ. 1ರಂದೇ ಜಾರಿಗೆ ಬರಲಿದೆ ಎಂದು ದೂರಸಂಪರ್ಕ ಇಲಾಖೆ ತಿಳಿಸಿದೆ.
ಮೊಬೈಲ್ ಫೋನ್ ಬಳಕೆದಾರರ ದಾಖಲಾತಿಗಾಗಿ ಕಾಗದ ಆಧಾರಿತ ಕೆವೈಸಿ (ನಿಮ್ಮ ಗ್ರಾಹಕರನ್ನು ತಿಳಿಯಿರಿ) ಇದೇ ಡಿ. 31ಕ್ಕೆ ಕೊನೆಯಾಗಲಿದ್ದು, ಜ. 1ರಿಂದ ಇದು ಸಂಪೂರ್ಣವಾಗಿ ಡಿಜಿಟಲ್ ರೂಪದಲ್ಲಿ ನಡೆಯಲಿದೆ.
ಇದು ಟೆಲಿಕಾಂ ಆಪರೇಟರ್ಗಳ ಖರ್ಚು ತಗ್ಗಿಸುವ ಜತೆಗೆ, ಆನ್ಲೈನ್ ವಂಚನೆ ತಡೆದು, ಭದ್ರತೆ ಹೆಚ್ಚಿಸುವುದರಿಂದ ಈ ಕ್ರಮ ಜಾರಿಗೆ ತರಲಾಗುತ್ತಿದೆ. ಸದ್ಯದ ಪ್ರಕ್ರಿಯೆ ಕಾಗದದ ಅರ್ಜಿ, ಫೋಟೋ ಅಳವಡಿಕೆ, ಗುರುತು ಮತ್ತು ವಿಳಾಸದ ಕುರಿತು ಕಾಗದ ರೂಪದ ಪ್ರಮಾಣಪತ್ರಗಳನ್ನು ಒಳಗೊಂಡಿದೆ. ಆದರೆ ಹೊಸ ಬದಲಾವಣೆ ಬಳಿಕ ಇವೆಲ್ಲವೂ ಡಿಜಿಟಲ್ ರೂಪದಲ್ಲಿ ನಡೆಯಲಿವೆ.