ಲಖನೌ: ಉತ್ತರಪ್ರದೇಶದ ಅಮ್ರೋಹಾ ಎಂಬಲ್ಲಿ ಯುವಕನೋರ್ವನನ್ನು, ಮೇಲ್ವರ್ಗದ ನಾಲ್ಕು ಯುವಕರು ಸೇರಿ ಗುಂಡಿಟ್ಟು ಕೊಂದಿದ್ದಾರೆ.
17 ವರ್ಷದ ಯುವಕ ವಿಕಾಸ್ ಜಾತವ್ ರಾತ್ರಿ ಮನೆಯಲ್ಲಿ ಮಲಗಿದ್ದ. ಈ ವೇಳೆ ಡಾಮ್ಖೇಡಾ ಎಂಬ ಗ್ರಾಮದಿಂದ ಬಂದ ನಾಲ್ವರು ಯುವಕರು ಆತನಿಗೆ ಗುಂಡಿಕ್ಕಿದ್ದಾರೆ. ಇದನ್ನೂ ಓದಿ: ಪಶ್ಚಿಮ ಬಂಗಾಳದಲ್ಲಿ ಮಾಸ್ಕ್ ಮೂಲಕವೂ ರಾಜಕೀಯ ಪ್ರಚಾರ!
ವಿಕಾಸ್ ದೇವಸ್ಥಾನವೊಂದಕ್ಕೆ ಹೋಗಿ, ಅಲ್ಲಿ ಪ್ರಾರ್ಥನೆ ಸಲ್ಲಿಸಿದ್ದ ವಿಚಾರಕ್ಕಾಗಿ ಈ ಮೇಲ್ಜಾತಿಯ ಯುವಕರು ಗಲಾಟೆ ಮಾಡಿದ್ದರು. ಮಾ 31ರಂದು ಆರೋಪಿ ಯುವಕರು ಮತ್ತು ವಿಕಾಸ್ ನಡುವೆ ಜಗಳವಾಗಿತ್ತು. ಅದೇ ದ್ವೇಷದಿಂದ ಆತನನ್ನು ಹತ್ಯೆ ಮಾಡಿದ್ದಾರೆ ಎಂದು ವಿಕಾಸ್ ತಂದೆ ಹೇಳಿದ್ದಾರೆ. ಇದನ್ನೂ ಓದಿ: ಆನ್ಲೈನ್ ಶಿಕ್ಷಣ ಕುರಿತು ಸಭೆ ನಡೆಸಿದ ಸುರೇಶ್ಕುಮಾರ್; ಏನಾಯಿತು ನಿರ್ಧಾರ?
ಚೌಹಾಣ್ ಸಮುದಾಯಕ್ಕೆ ಸೇರಿದ ಒಂದಷ್ಟು ಯುವಕರು ಮಾ. 31ರಂದು ನನ್ನ ಮಗನನ್ನು ದೇವಸ್ಥಾನಕ್ಕೆ ಹೋಗದಂತೆ ತಡೆದಿದ್ದಾರೆ. ಯಾವ ಕಾರಣಕ್ಕೆ ತಡೆದರು ಎಂಬುದು ನಮಗೆ ಗೊತ್ತಾಗಲಿಲ್ಲ. ಈ ಮೊದಲು ಇಂಥ ತಾರತಮ್ಯವನ್ನೆಂದಿಗೂ ಎದುರಿಸಿರಲಿಲ್ಲ. ನನ್ನ ಮಗನನ್ನು ತಡೆದಿದ್ದಲ್ಲದೆ, ಅವನಿಗೆ ಥಳಿಸಿದ್ದಾರೆ. ಜಾತಿ ನಿಂದನೆ ಮಾಡಿದ್ದಾರೆ. ಆತನನ್ನು ಸ್ಥಳೀಯರು ಕೆಲವರು ರಕ್ಷಿಸಿದ್ದರು.
ಪೊಲೀಸರಿಗೂ ಈ ಗಲಾಟೆಯ ವಿಚಾರ ಗೊತ್ತಿತ್ತು. ಆದರೆ ಅವರು ಯಾವುದೇ ಕ್ರಮ ಕೈಗೊಂಡಿರಲಿಲ್ಲ. ಇದೇ ದ್ವೇಷದಿಂದ ಶನಿವಾರ ರಾತ್ರಿ ಚೌಹಾಣ್ ಸಮುದಾಯಕ್ಕೆ ಸೇರಿದ ನಾಲ್ವರು ನಮ್ಮ ಮನೆಗೆ ಬಂದು ಮಗನನ್ನು ಕೊಂದಿದ್ದಾರೆಂದು ತಂದೆ ಓಂ ಪ್ರಕಾಶ್ ಹೇಳಿದ್ದಾರೆ. ಇದನ್ನೂ ಓದಿ: ನಾಮಪತ್ರದ ಜತೆ ಸಲ್ಲಿಸಲು 10 ಸಾವಿರ ರೂ. ಯಾರು ಕೊಡ್ತೀರಿ ಎಂದು ಕೇಳಿದ ಖರ್ಗೆ!
ಮೃತನ ತಂದೆ ನೀಡಿದ ಹೇಳಿಕೆಯನ್ನಾಧರಿಸಿ ದೂರು ದಾಖಲಿಸಿಕೊಂಡಿದ್ದೇವೆ. ನಾಲ್ವರು ಯುವಕರ ವಿರುದ್ಧ ಪ್ರಕರಣ ದಾಖಲಾಗಿದೆ. ಅವರನ್ನು ಶೀಘ್ರವೇ ಬಂಧಿಸಿ ತನಿಖೆ ನಡೆಸುತ್ತೇವೆ ಎಂದು ಸ್ಥಳೀಯ ಎಸ್ಪಿ ಮಾಹಿತಿ ನೀಡಿದ್ದಾರೆ.