ಲಂಡನ್: ಅನೇಕ ಜನರು ವಿಮಾನದಲ್ಲಿ ಪ್ರಯಾಣಿಸುವಾಗ ಇಯರ್ಫೋನ್ ಹಾಕಿಕೊಂಡು ಸಿನಿಮಾ ನೋಡುತ್ತಾ ಅಥವಾ ಹಾಡುಗಳನ್ನು ಕೇಳುತ್ತಾ ತಮ್ಮ ಸಮಯವನ್ನು ಕಳೆಯುತ್ತಾರೆ. ಇನ್ನು ಕೆಲವರು ನಿದ್ರೆಗೆ ಜಾರುತ್ತಾರೆ. ಇದಿಷ್ಟು ವಿಮಾನ ಪ್ರಯಾಣದಲ್ಲಿ ಕಂಡುಬರುವ ಸಾಮಾನ್ಯ ದೃಶ್ಯಗಳು. ಆದರೆ, ಲಂಡನ್ನಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದೆ.
ಜೋಡಿಯೊಂದು ವಿಮಾನದ ಟಾಯ್ಲೆಟ್ ಒಳಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿರುವಾಗ ಸಿಕ್ಕಿಬಿದ್ದಿದ್ದಾರೆ. ಇಬ್ಬರು ಒಂದೇ ಟಾಯ್ಲೆಟ್ ಒಳಗೆ ಹೋಗಿ ಸಾಕಷ್ಟು ಸಮಯದವರೆಗೂ ಹೊರಗೆ ಬರಲಿಲ್ಲ. ಟಾಯ್ಲೆಟ್ ಬಾಗಿಲು ಹೊರಗಡೆಯಿಂದ ತೆರೆದಿತ್ತು. ಇದನ್ನು ಗಮನಿಸಿ ವಿಮಾನದ ಸಿಬ್ಬಂದಿ ಹೊರಗೆ ಬರುವಂತೆ ಕರೆದರು. ಆದರೆ, ಇಬ್ಬರು ಕೂಡ ಕರೆಗೆ ಸ್ಪಂದಿಸಲಿಲ್ಲ. ಬಳಿಕ ಟಾಯ್ಲೆಟ್ ಬಾಗಿಲನ್ನು ಸಿಬ್ಬಂದಿ ಓಪನ್ ಮಾಡಿದಾಗ ಒಳಗಿನ ದೃಶ್ಯವನ್ನು ನೋಡಿ ವಿಮಾನದ ಸಿಬ್ಬಂದಿ ಸೇರಿದಂತೆ ವಿಮಾನ ಪ್ರಯಾಣಿಕರು ಶಾಕ್ ಆದರು.
ಟಾಯ್ಲೆಟ್ ಒಳಗೆ ಜೋಡಿ ಸೆಕ್ಸ್ನಲ್ಲಿ ಬಿಜಿಯಾಗಿದ್ದರು. ಬಾಗಿಲು ತೆರೆದಿರುವುದನ್ನು ನೋಡಿ ತಕ್ಷಣವೇ ಒಳಗಿದ್ದ ವ್ಯಕ್ತಿ ಬಾಗಿಲು ಹಾಕಿಕೊಂಡರು. ಆದರೂ ಇದೆಲ್ಲ ದೃಶ್ಯ ಪ್ರಯಾಣಿಕರೊಬ್ಬರ ಮೊಬೈಲ್ ಫೋನ್ನಲ್ಲಿ ರೆಕಾರ್ಡ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ. ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದ ಜೋಡಿಗೆ ನೆಟ್ಟಿಗರು ಹಿಗ್ಗಾಮುಗ್ಗಾ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಅಂದಹಾಗೆ ಈ ಘಟನೆ ಇದೇ ಸೆ. 8 ರಂದು ನಡೆದಿದೆ. ಲಂಡನ್ನ ಲುಟನ್ ಸಿಟಿಯಿಂದ ಲಿಬಿಜಾ ದ್ವೀಪಕ್ಕೆ ತೆರಳುತ್ತಿದ್ದ ವಿಮಾನದಲ್ಲಿ ಈ ಘಟನೆ ನಡೆದಿರುವುದಾಗಿ ಈಸಿಜೆಟ್ ಕಂಪನಿ ಬಹಿರಂಗಪಡಿಸಿದೆ. ಎರಡೂವರೆ ಗಂಟೆಗಳ ಈ ಪ್ರಯಾಣದಲ್ಲಿ ದಂಪತಿ ಅಸಭ್ಯವಾಗಿ ವರ್ತಿಸಿದ್ದಾರೆ ಎನ್ನಲಾಗಿದ್ದು, ಲಿಬಿಜಾ ದ್ವೀಪದಲ್ಲಿ ವಿಮಾನ ಲ್ಯಾಂಡ್ ಆದ ಬಳಿಕ ದಂಪತಿಯನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಆದರೆ, ದಂಪತಿಯನ್ನು ಪೊಲೀಸರು ಬಂಧಿಸಿದ್ದಾರೆಯೇ? ಅಥವಾ ಎಚ್ಚರಿಸಿ ಬಿಟ್ಟಿದ್ದಾರಾ? ಎಂಬುದನ್ನು ವಿಮಾನಯಾನ ಸಂಸ್ಥೆ ವಿವರಗಳನ್ನು ಬಹಿರಂಗಪಡಿಸಿಲ್ಲ. (ಏಜೆನ್ಸೀಸ್)