ಬೀಜಿಂಗ್: ಜಗತ್ತಿಗೇ ಕರೊನಾ ವೈರಸ್ ಹಬ್ಬಲು ಕಾರಣವಾದ ಚೀನಾ ದೇಶ ಇದೀಗ ಮತ್ತೊಂದು ವೈರಸ್ ನೆಪವೊಡ್ಡಿ ಜರ್ಮನಿಯಿಂದ ಆಮದು ಮಾಡಿಕೊಳ್ಳಲಾಗುತ್ತಿದ್ದ ಹಂದಿ ಉತ್ಪನ್ನಗಳನ್ನು ನಿಷೇಧಿಸಿದೆ.
ನಮ್ಮಲ್ಲಿ ಆಫ್ರಿಕನ್ ಹಂದಿ ಜ್ವರ ಕಾಣಿಸಿಕೊಂಡಿದೆ. ಕಾಡಾನೆಗಳಲ್ಲಿ ಪ್ರಕರಣ ಪತ್ತೆಯಾಗಿದೆ ಎಂದು ಕಳೆದವಾರ ಜರ್ಮನಿ ಹೇಳಿತ್ತು. ಇದೇ ಕಾರಣಕ್ಕೆ, ಬಹುದೊಡ್ಡ ಪ್ರಮಾಣದಲ್ಲಿ ಜರ್ಮನಿಯಿಂದ ಹಂದಿ ಮಾಂಸವನ್ನು ಆಮದು ಮಾಡಿಕೊಳ್ಳುತ್ತಿದ್ದ ಚೀನಾ ಅದನ್ನು ನಿಲ್ಲಿಸಿದೆ.
ಜರ್ಮನಿಯ ಹಂದಿ ಮಾಂಸ, ಉತ್ಪನ್ನಗಳನ್ನು ನಿಷೇಧಿಸಿದ್ದಾಗಿ ಚೀನಾದ ಕೃಷಿ ಸಚಿವಾಲಯ ಮತ್ತು ಕಸ್ಟಮ್ಸ್ ಏಜೆನ್ಸಿ ಘೋಷಣೆ ಮಾಡಿವೆ. ಇದನ್ನೂ ಓದಿ: ಪೊಲೀಸರಿಗೇ ಸವಾಲು ಹಾಕಿದ ವೀರೇನ್ ತಂದೆ; ನನ್ನ ಮಗ ಮುಗ್ಧ ಎಂದ ಶ್ರೀರಾಮ್ ಖನ್ನಾ
ಜಗತ್ತಿನಲ್ಲಿ ಹಂದಿ ಮಾಂಸ ಆಮದು ಮಾಡಿಕೊಳ್ಳುವ ರಾಷ್ಟ್ರಗಳಲ್ಲಿ ಚೀನಾಕ್ಕೆ ಮೊದಲ ಸ್ಥಾನ. ಈ ದೇಶ ಜರ್ಮನಿ, ಯುಎಸ್, ಸ್ಪೇನ್, ಕೆನಡಾ ಮತ್ತು ಬ್ರೆಜಿಲ್ಗಳಿಂದ ಆಮದು ಮಾಡಿಕೊಳ್ಳುತ್ತದೆ. ಜರ್ಮನಿಯ ಹಂದಿ ಮಾಂಸ ನಿಷೇಧಿಸಿದ್ದರಿಂದ ಉಳಿದ ರಾಷ್ಟ್ರಗಳಿಗೆ ಅನುಕೂಲವಾಗಲಿದೆ.
2020ರ ಜನವರಿಯಿಂದ ಏಪ್ರಿಲ್ವರೆಗೆ ಜರ್ಮನಿ ಸುಮಾರು,424 ಮಿಲಿಯನ್ ಯುರೋ ಮೌಲ್ಯದ 1,58,000 ಟನ್ಗಳಷ್ಟು ಹಂದಿ ಮಾಂಸವನ್ನು ಚೀನಾಕ್ಕೆ ರಫ್ತು ಮಾಡಿದೆ. ಈಗ ಏಕಾಏಕಿ ನಿಷೇಧ ವಿಧಿಸಿದ್ದನ್ನು ಜರ್ಮನ್ ವಿರೋಧಿಸುತ್ತಿದೆ. ಅಲ್ಲಿನ ಹಂದಿ ಸಾಕಣೆ ರೈತರು ಚೀನಾದ ಕ್ರಮವನ್ನು ಖಂಡಿಸುತ್ತಿದ್ದಾರೆ. (ಏಜೆನ್ಸೀಸ್)