ನವದೆಹಲಿ: ಇತ್ತಿಚೀಗೆ ನಡೆದ ಪ್ಯಾರೀಸ್ ಒಲಂಪಿಕ್ನಲ್ಲಿ ಅನರ್ಹಗೊಂಡ ಕ್ರೀಡಾಪಟು, ರಾಜಕಾರಣಿ ವಿನೇಶ್ ಫೋಗಟ್ 2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ ವ್ಯಕ್ತಿ ಎಂದು ವರದಿಯಾಗಿದೆ.
ವಿನೇಶ್ ಫೋಗಟ್
ಪ್ಯಾರೀಸ್ ಒಲಂಪಿಕ್ನಲ್ಲಿ ಫೈನಲ್ ಆಯ್ಕೆಯಾಗಿದ್ದ ವಿನೇಶ್ ಫೋಗಟ್ ಅಧಿಕ ತೂಕದ ಕಾರಣದಿಂದ ಅನರ್ಹಗೊಂಡು ಭಾರೀ ಸುದ್ದಿಯಾಗಿದ್ದರು. ಅಲ್ಲದೆ, ಈ ಸುದ್ದಿ ಕೇಳಿ ಪದಕ ನಿರೀಕ್ಷೆಯಲಿದ್ದ ಅನೇಕ ಭಾರತೀಯರು ಕೂಡ ನಿರಾಸೆಗೊಂಡಿದ್ದರು. ಬಳಿಕ ದೇಶಕ್ಕೆ ಆಗಮಿಸಿದ ಫೋಗಟ್ ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿ ಮತ್ತೊಮ್ಮೆ ಗಮನ ಸೆಳೆದಿದ್ದರು. ಎಲೆಕ್ಷನ್ನಲ್ಲಿ ಬಿಜೆಪಿ ಗೆದ್ದು ಅಧಿಕಾರ ಚುಕ್ಕಾಣಿ ಹಿಡಿದಿದ್ದರೂ, ಫೋಗಟ್ ಜೂಲನಾ ಕ್ಷೇತ್ರದಿಂದ ಗೆದ್ದು ಬಿಗಿದ್ದರು. ಇದೀಗ, 2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ ಮೊದಲನೇ ವ್ಯಕ್ತಿ ಎಂದು ಗುರುತಿಸಲಾಗಿದೆ.
ಈ ಹಿಂದೆ ರೆಸ್ಲಿಂಗ್(ಕುಸ್ತಿ) ಫೆಡರೇಷನ್ ಆಫ್ ಇಂಡಿಯಾದ ಅಧ್ಯಕ್ಷರಾಗಿದ್ದ ಬಿಜೆಪಿಯ ಬ್ರಿಜ್ ಭೂಷಣ್ ಸಿಂಗ್ ವಿರುದ್ಧ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆರೋಪಿಸಿ ಪ್ರತಿಭಟನೆ ನಡೆಸಿದ್ದರು. ಇವರ ಜತೆ ಒಲಂಪಿಕ್ ಕ್ರೀಡಾಪಟುಗಳಾದ ಸಾಕ್ಷಿ ಮಲ್ಲಿಕ್ ಮತ್ತು ಬಜರಂಗ್ ಪೂನಿಯಾ ಕೂಡ ಪ್ರತಿಭಟನೆಯಲ್ಲಿ ಭಾಗವಹಿಸುವ ಮೂಲಕ ದೇಶಾದ್ಯಂತ ಈ ಸುದ್ದಿ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು.
ಇದನ್ನೂ ಓದಿ: ವರದಕ್ಷಿಣೆ ಕಾನೂನಿನ ದುರುಪಯೋಗ ತಡೆಯಲು ಎಚ್ಚರವಹಿಸಿ; ಸುಪ್ರೀಂಕೋರ್ಟ್ ಹೀಗೆಳಿದ್ದೇಕೆ? | Supreme Court
ಬಿಹಾರ್ ಸಿಎಂ ನಿತೀಶ್ ಕುಮಾರ್
2024ರ ಲೋಕಸಭಾ ಚುನಾವಣೆಯಲ್ಲಿ ಎನ್ಡಿಎ ಸರ್ಕಾರ ಮೈತ್ರಿಕೂಟಕ್ಕೆ ಬರಲು ಪ್ರಮುಖ ಪಾತ್ರವಹಿಸಿದ್ದ ವ್ಯಕ್ತಿ ಸಿಎಂ ನಿತೀಶ್ 2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ 2ನೇ ವ್ಯಕ್ತಿ ಎಂದು ಗುರುತಿಸಲಾಗಿದೆ.
ಕೇಂದ್ರ ಸಚಿವ ಚಿರಾಗ್ ಪಸ್ವಾನ್
ಬಿಜೆಪಿ ಮಿತ್ರ ಪಕ್ಷವಾಗಿರುವ ಲೋಕ ಜನಶಕ್ತಿ ಪಕ್ಷದ(ರಾಮ್ವಿಲಾಸ್) ಮುಖ್ಯಸ್ಥ ಚಿರಾಗ್ ಪಸ್ವಾನ್ 2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ 3ನೇ ವ್ಯಕ್ತಿ ಎಂದು ಗುರುತಿಸಲಾಗಿದೆ. ಪಸ್ವಾನ್ ಅವರು ಪ್ರಸ್ತುತ ಎನ್ಡಿಎ ನೇತೃದ ಕೇಂದ್ರ ಸರ್ಕಾರದಲ್ಲಿ ಕೇಂದ್ರ ಸಚಿವರಾಗಿದ್ದಾರೆ.
ರೋಹಿತ್ ಶರ್ಮಾ
ಭಾರತ ಕ್ರಿಕೆಟ್ ತಂಡದ ನಾಯಕ ಮತ್ತು ಮುಂಬೈ ಇಂಡಿಯನ್ಸ್ ತಂಡದ ಮಾಜಿ ನಾಯಕ ರೋಹಿತ್ ಶರ್ಮಾ 2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ 4ನೇ ವ್ಯಕ್ತಿ ಎಂದು ಗುರುತಿಸಲಾಗಿದೆ. ಜೂನ್ನಲ್ಲಿ ನಡೆದ ಟಿ-20 ವಿಶ್ವಕಪ್ನಲ್ಲಿ ಭಾರತ ತಂಡದ ನಾಯಕರಾಗಿದ್ದ ರೋಹಿತ್ ವಿಶ್ವಕಪ್ ಗೆಲ್ಲಿಸುವಲ್ಲಿ ಪ್ರಮುಖ ಪಾತ್ರವಹಿಸದ್ದರು. ಅಲ್ಲದೇ, ಕಪ್ ಗೆದ್ದ ಬಳಿಕ ಟಿ-20 ಕ್ಯಾಪ್ಟನ್ಸಿ ಮತ್ತು ಅಂತರಾಷ್ಟ್ರೀಯ ಟಿ-20 ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು.
ಪವನ್ ಕಲ್ಯಾಣ್
ಟಾಲಿವುಡ್ ಸ್ಟಾರ್ ಪವನ್ ಕಲ್ಯಾಣ ಈ ಬಾರಿಯ ಆಂಧ್ರದ ವಿಧಾನಸಭೆ ಚುನಾವಣೆಯಲ್ಲಿ 21 ಸ್ಥಾನ ಗೆಲ್ಲುವ ಮೂಲಕ ಆಂಧ್ರಪ್ರದೇಶ ಡಿಸಿಎಂ ಆಗಿದ್ದಾರೆ.2024ರ ಗೂಗಲ್ ಸರ್ಚ್ ಇಂಜಿನ್ನಲ್ಲಿ ಅತ್ಯಂತ ಹೆಚ್ಚುಬಾರಿ ಹುಡುಕಲ್ಪಟ್ಟ ಭಾರತೀಯ 5ನೇ ವ್ಯಕ್ತಿ ಎಂದು ಗುರುತಿಸಲಾಗಿದೆ.
ಇನ್ನು ಅದರಂತೆ ವಿವಿಧ ಕ್ಷೇತ್ರಗಳ ಉಳಿದ 5 ಸ್ಥಾನಗಳನ್ನು ಶಶಾಂಕ್ ಸಿಂಗ್(ಕ್ರಿಕೆಟ್), ಪೂನಂ ಪಾಂಡೆ(ಮಾಡೆಲ್), ರಾಧಿಕ ಮಾರ್ಚೆಂಟ್(ವ್ಯಾಪರಿ), ಅಭಿಷೇಕ್ ಶರ್ಮಾ(ಕ್ರಿಕೆಟ್) ಮತ್ತು ಲಕ್ಷ್ಯ ಸೇನ್ (ಬ್ಯಾಡ್ಮಿಂಟನ್) ಅವರನ್ನು ಗುರುತಿಸಲಾಗಿದೆ, (ಏಜೆನ್ಸಿಸ್).