ನವದೆಹಲಿ: ಆರ್ಟಿಫಿಶಿಯಲ್ ರಿಸರ್ಚ್ ಸಂಸ್ಥೆ ಓಪನ್ಎಐ 'ಜಿಪಿಟಿ-4' ಎಂಬ ಸುಧಾರಿತ ಮತ್ತು ಅತ್ಯಾಧುನಿಕ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಇದು ಆಳವಾದ ಯಂತ್ರ ಕಲಿಕೆಯನ್ನು ಮುಂದಿನ ಹಂತಕ್ಕೆ ತೆಗೆದುಕೊಳ್ಳುತ್ತದೆ. ಚಾಟ್ ಜಿಪಿಟಿಯ ಹೊಸ ಆವೃತ್ತಿಯು "ವಿವಿಧ ವೃತ್ತಿಪರ ಮತ್ತು ಶೈಕ್ಷಣಿಕ ಮಾನದಂಡಗಳಲ್ಲಿ ಮಾನವ-ಮಟ್ಟದ ಕಾರ್ಯಕ್ಷಮತೆಯನ್ನು ಪ್ರದರ್ಶಿಸುತ್ತದೆ. ಅದಷ್ಟೇ ಅಲ್ಲದೇ ಇದು ಚಿತ್ರ ಮತ್ತು ಪಠ್ಯ ರೂಪದ ಇನ್ಪುಟ್ಗಳನ್ನು ಅಥವಾ ಆದೇಶಗಳನ್ನೂ ಸ್ವೀಕರಿಸುತ್ತದೆ". ಇದು ಚಾಟ್ ಜಿಪಿಟಿ ಪ್ಲಸ್ ಚಂದಾದಾರರಿಗೆ ಮಾತ್ರ ಲಭ್ಯವಿರುತ್ತದೆ.
ಚಾಟ್ ಜಿಪಿಟಿಯ ಹಿಂದಿನ ಆವೃತ್ತಿ ಪಠ್ಯ ರೂಪದ ಇನ್ಪುಟ್ ಅಥವಾ ಆದೇಶಗಳನ್ನು ಮಾತ್ರ ಸ್ವೀಕರಿಸುತ್ತಿತ್ತು. ಅದು ಮನುಷ್ಯರಿಗೆ ಸಮಾನವಾಗಿ ಕೆಲಸ ಮಾಡುತ್ತಿರಲಿಲ್ಲ. ಅದರಲ್ಲಿ ಅನೇಕ ಎರರ್ಗಳಿದ್ದವು. ಸುಲಭವಾದ ಭಾಷೆಯಲ್ಲಿ ಹೇಳುವುದಾದರೆ, ಚಾಟ್ ಜಿಪಿಟಿ 4 ಹೆಚ್ಚು ವಿಶ್ವಾಸಾರ್ಹ, ಸೃಜನಶೀಲ ಮತ್ತು ಚಾಟ್ ಜಿಪಿಟಿ-3.5 ಗಿಂತ ಹೆಚ್ಚು ಸೂಕ್ಷ್ಮವಾದ ಸೂಚನೆಗಳನ್ನು ನಿರ್ವಹಿಸಲು ಸಮರ್ಥವಾಗಿದೆ.
“ಕ್ಯಾಷುವಲ್ ಟಾಕ್ ಅಥವಾ ಸಾಂದರ್ಭಿಕ ಸಂಭಾಷಣೆಯಲ್ಲಿ, ಚಾಟ್ ಜಿಪಿಟಿ -3.5 ಮತ್ತು ಚಾಟ್ ಜಿಪಿಟಿ-4 ನಡುವಿನ ವ್ಯತ್ಯಾಸವು ಸೂಕ್ಷ್ಮವಾಗಿರಬಹುದು. ಆದರೆ ಕೆಲಸದ ಸಂಕೀರ್ಣತೆಯು ಹೆಚ್ಚಾದಂರತೆ ಎರಡರ ನಡುವಿನ ವ್ಯತ್ಯಾಸವು ಎದ್ದು ಕಾಣುತ್ತದೆ. ಚಾಟ್ ಜಿಪಿಟಿ-4 ಹೆಚ್ಚು ವಿಶ್ವಾಸಾರ್ಹವಾಗಿದೆ, ಸೃಜನಶೀಲವಾಗಿದೆ. ಮತ್ತು ಚಾಟ್ ಜಿಪಿಟಿ 3.5ಗಿಂತ ಹೆಚ್ಚು ಸೂಕ್ಷ್ಮವಾದ ಸೂಚನೆಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ” ಎಂದು ಓಪನ್ ಎಐ ತನ್ನ ಬ್ಲಾಗ್ನಲ್ಲಿ ಮಾಹಿತಿ ನೀಡಿದೆ.
ರೋವನ್ ಚೆಯುಂಗ್ ಎಂಬ ಹೆಸರಿನ ಟ್ವಿಟ್ಟರ್ ಬಳಕೆದಾರರು ಚಾಟ್ ಜಿಪಿಟಿ-4 ಅನ್ನು 20 ಉದ್ಯೋಗಗಳನ್ನು ಹೆಸರಿಸಲು ಕೇಳಿದರು. ಆಗ ಚಾಟ್ ಜಿಪಿಟಿ-4 ಅನ್ನು ಬದಲಾಯಿಸಲು ಸಂಖ್ಯೆ, ಉದ್ಯೋಗ ಮತ್ತು ಮಾನವ ಗುಣಲಕ್ಷಣಗಳೊಂದಿಗೆ ಚಾರ್ಟ್ ಫಾರ್ಮ್ ಆಗಿ ಬದಲಾಯಿಸಬೇಕು.
ಡೇಟ್ ಎಂಟ್ರಿ ಕ್ಲರ್ಕ್, ಗ್ರಾಹಕ ಸೇವಾ ಪ್ರತಿನಿಧಿ, ಪ್ರೂಫ್ ರೀಡರ್, ಪ್ಯಾರಾಲೀಗಲ್, ಬುಕ್ಕೀಪರ್, ಅನುವಾದಕ, ಕಾಪಿರೈಟರ್, ಮಾರುಕಟ್ಟೆ ಸಂಶೋಧನಾ ವಿಶ್ಲೇಷಕ, ಸಾಮಾಜಿಕ ಮಾಧ್ಯಮ ವ್ಯವಸ್ಥಾಪಕ, ನೇಮಕಾತಿ ವೇಳಾಪಟ್ಟಿ, ಟೆಲಿಮಾರ್ಕೆಟರ್, ವರ್ಚುವಲ್ ಅಸಿಸ್ಟೆಂಟ್, ಟ್ರಾನ್ಸ್ಕ್ರಿಪ್ಷನಿಸ್ಟ್, ನ್ಯೂಸ್ ರಿಪೋರ್ಟರ್, ಟ್ರಾವೆಲ್ ಎಜೆಂಟ್ ಸೇರಿದಂತೆ 20 ಉದ್ಯೋಗಗಳನ್ನು ಇದು ಪಟ್ಟಿಮಾಡಿದೆ. ತಾಂತ್ರಿಕ ಬೆಂಬಲ ವಿಶ್ಲೇಷಕ, ಇಮೇಲ್ ಮಾರ್ಕೆಟರ್, ವಿಷಯ ಮಾಡರೇಟರ್ ಮತ್ತು ನೇಮಕಾತಿ ಮುಂತಾದ ಉದ್ಯೋಗಗಳನ್ನು ಚಾಟ್ ಜಿಪಿಟಿ ಮಾಡಬಲ್ಲದಾಗಿದೆ.
ಚಾಟ್ ಜಿಪಿಟಿ-4 ನಿಂದ ಬದಲಾಯಿಸಬಹುದಾದ ಕೆಲವು ಮಾನವ ಗುಣಲಕ್ಷಣಗಳೆಂದರೆ ಸಂಶೋಧನೆ ಮತ್ತು ಸಂಘಟನೆ, ಗಣಿತದ ಕೌಶಲ್ಯಗಳು, ಭಾಷಾ ಪ್ರಾವೀಣ್ಯತೆ, ಸೃಜನಶೀಲತೆ, ಬರವಣಿಗೆ, ವಿಶ್ಲೇಷಣಾತ್ಮಕ ಕೌಶಲ್ಯಗಳು, ವಿಷಯ ರಚನೆ ಮತ್ತು ಕ್ಯುರೇಶನ್, ಮನವೊಲಿಸುವುದು, ಸಂವಹನ, ಕೇಳುವ ಮತ್ತು ಟೈಪಿಂಗ್ ಕೌಶಲ್ಯಗಳು, ಫ್ಯಾಕ್ಟ್ ಚೆಕಿಂಗ್ ಮತ್ತು ಬರವಣಿಗೆ, ವಿಮರ್ಶಾತ್ಮಕ ಚಿಂತನೆ ಮತ್ತು ತೀರ್ಪು, ಸಂದರ್ಶನ ಮತ್ತು ಮೌಲ್ಯಮಾಪನ ಮತ್ತು ಹೀಗೆ ಮುಂತಾದವು.
ಟ್ರಾವೆಲ್ ಏಜೆಂಟ್ ಅನ್ನು ಚಾಟ್ ಜಿಪಿಟಿ -4 ರೀಪ್ಲೇಸ್ ಮಾಡುತ್ತದೆಯೇ ಎಂದು ಬಳಕೆದಾರ ಡೈಲಾನೊ ಜೂನಿಯರ್ ಡಿ ಬ್ರೋ ಪ್ರಶ್ನಿಸಿದ್ದಾರೆ. ಟ್ರಾವೆಲ್ ಏಜೆಂಟ್ ಬುಕ್ ಮಾಡಿದ ಜನರು ಸ್ಫೂರ್ತಿ ಮತ್ತು ವೈಯಕ್ತಿಕ ಕಥೆಗಳನ್ನು ಬಯಸುವುದಿಲ್ಲ ಎಂದು ಅವರು ಹೇಳಿದರು. (ಏಜೆನ್ಸೀಸ್)