ಬೆಂಗಳೂರು: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಕೈಗೊಂಡಿರುವ ಮಹತ್ವಾಕಾಂಕ್ಷೆಯ ಯೋಜನೆ ಚಂದ್ರಯಾನ-3 ಸಾಫ್ಟ್ ಲ್ಯಾಂಡಿಂಗ್ನೊಂದಿಗೆ ಯಶಸ್ವಿಯಾಗಿದ್ದು, ರೋವರ್ಗೆ ವಹಿಸಿದ್ದ ಕೆಲಸಗಳನ್ನೂ ಅದು ಮುಗಿಸಿದೆ.
ಚಂದ್ರಯಾನ-3 ಯಶಸ್ಸಿನ ಬೆನ್ನಿಗೇ ಸೌರಯಾನಕ್ಕೂ ಮುಂದಾಗಿರುವ ಇಸ್ರೋ, ಈಗಾಗಲೇ ಆದಿತ್ಯ-ಎಲ್1 ಉಡಾವಣೆಯನ್ನೂ ಮಾಡಿದೆ. ಸೌರಯಾನ ಕೂಡ ಯಶಸ್ವಿಯಾಗುವ ಭರವಸೆ ಮೂಡಿದ್ದು, ದೇಶ ಆ ಕುರಿತು ಕುತೂಹಲದಿಂದ ನೋಡುತ್ತಿದೆ.
ಈ ಮಧ್ಯೆ ಚಂದ್ರಯಾನ-3 ಕುರಿತು ಮಹಾಕ್ವಿಜ್ ಆಯೋಜಿಸಲಾಗಿದ್ದು, ವಿಜೇತ ವ್ಯಕ್ತಿಗೆ ಒಂದು ಲಕ್ಷ ರೂ. ನಗದು ಬಹುಮಾನ ಗೆಲ್ಲುವ ಅವಕಾಶವಿದೆ. ದೇಶದ ಎಲ್ಲ ನಾಗರಿಕರೂ ಇದರಲ್ಲಿ ಭಾಗಿ ಆಗಬಹುದಾಗಿದೆ.