ನವದೆಹಲಿ: ಚಾಟ್-ಜಿಪಿಟಿ ಅನೇಕರಿಗೆ ಪ್ರಯೋಜನಕಾರಿಯಾಗಿದೆ ಆದರೆ ಅದನ್ನು ಎಚ್ಚರಿಕೆಯಿಂದ ಬಳಸಬೇಕು. ಇಲ್ಲದಿದ್ದರೆ ಕೆಟ್ಟ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ದೆಹಲಿ ಮೂಲದ ಸಿಇಒ ಒಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಮಾಡಿರುವ ಪೋಸ್ಟ್ನಲ್ಲಿ ಚಾಟ್ ಜಿಪಿಟಿ ಸಹಾಯದಿಂದ ಬರೆದ ನಂತರವೂ ಪ್ರೂಫ್ ರೀಡಿಂಗ್ ತಪ್ಪಾಗಿರುವುದನ್ನು ಉದಾಹರಣೆಯೊಂದಿಗೆ ವಿವರಿಸಿದ್ದಾರೆ.(Job Application)
ಸಿಇಒ ಅನನ್ಯಾ ಎಂಬುವವರು ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಿದ್ದವರ ಕವರ್ ಲೆಟರ್ ಸ್ಕ್ರೀನ್ಶಾಟ್ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಜತೆಗೆ ಆ ಸ್ಕ್ರೀನ್ಶಾಟ್ನಲ್ಲಿ ತಪ್ಪನ್ನು ಹೈಲೈಟ್ ಮಾಡಿದ್ದಾರೆ. ಸ್ಕ್ರೀನ್ಶಾಟ್ ನೋಡಿದರೆ ಬಹುಶಃ ಅರ್ಜಿ ಕಳುಹಿಸಿರುವ ವ್ಯಕ್ತಿ ತರಾತುರಿಯಲ್ಲಿ ಕವರ್ ಲೆಟರ್ ಅನ್ನು ಸರಿಯಾಗಿ ಓದದೆ ಅದನ್ನು ನಿಖರವಾಗಿ ಕಾಪಿ ಪೇಸ್ಟ್ ಮಾಡಿರಬಹುದು ಎಂದು ತೋರುತ್ತದೆ.
ಕವರ್ ಲೆಟರ್ನಲ್ಲಿ ವೈಯಕ್ತಿಕ ಮಾಹಿತಿಯ ಸ್ಥಳದಲ್ಲಿ ಟೆಂಪ್ಲೇಟ್ ಪ್ಲೇಸ್ಹೋಲ್ಡರ್ಗಳಿವೆ ಎಂದು ಸ್ಕ್ರೀನ್ಶಾಟ್ನಲ್ಲಿ ನೀವು ನೋಡುತ್ತೀರಿ. ಅನೇಕ ಸ್ಥಳಗಳಲ್ಲಿ ವೈಯಕ್ತಿಕ ಮಾಹಿತಿಯ ಬದಲಿಗೆ ಟೆಂಪ್ಲೇಟ್ಗಳು ಮಾತ್ರ ಗೋಚರಿಸುತ್ತವೆ. ಇದನ್ನು ಹಂಚಿಕೊಳ್ಳುವಾಗ ಅನನ್ಯಾ 'ಮತ್ತೊಂದು ಉದ್ಯೋಗ ಅರ್ಜಿಯನ್ನು ಸ್ವೀಕರಿಸಲಾಗಿದೆ. ಇಷ್ಟೊಂದು ನಿರುದ್ಯೋಗ ಇರುವುದು ಆಶ್ಚರ್ಯವೇನಿಲ್ಲ ಎಂದು ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.
ಈ ವೈರಲ್ ಪೋಸ್ಟ್ ಅನ್ನು ಇದುವರೆಗೆ 1 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ಪ್ರತ್ಯುತ್ತರವನ್ನು ಸಹ ಟೆಂಪ್ಲೇಟ್ನೊಂದಿಗೆ ನೀಡಬೇಕು, ಚಾಟ್ಜಿಪಿಟಿ ಬಳಸಲು ಕಲಿಯಲು ಹೇಳಿ, ಅವನಿಗೆ ಮತ್ತೆ ಓದಲು ಹೇಳಿ, ಅವನು ನಿರುದ್ಯೋಗಿ ಏಕೆ ಎಂದು ನಿಮಗೆ ತಿಳಿಯುತ್ತದೆ ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್)