Jeans : ಜೀನ್ಸ್ ಇತ್ತೀಚಿನ ದಿನಗಳಲ್ಲಿ ಅತ್ಯಂತ ಸಾಮಾನ್ಯವಾದ ಉಡುಗೆಯಾಗಿದೆ. ಪ್ರತಿಯೊಬ್ಬರ ಬಳಿಯೂ ಕನಿಷ್ಠ ಹತ್ತು ಬಗೆಯ ಜೀನ್ಸ್ ಇದ್ದೇ ಇರುತ್ತದೆ. ಜೀನ್ಸ್ ಹಾಕಿದ್ರೆ ಅದರ ಲುಕ್ಕೇ ಬೇರೆ ಎಂದು ಹೇಳುತ್ತಾರೆ. ಅಲ್ಲದೆ, ಕೊಳೆಯು ಸಹ ಅಷ್ಟಾಗಿ ಕಾಣುವುದಿಲ್ಲ ಮತ್ತು ಬೆಲೆ ಕೂಡ ಕಡಿಮೆ ಹಾಗೂ ಬಾಳಿಕೆ ಕೂಡ ಬರುತ್ತದೆ. ಹೀಗಾಗಿ ಬಹುತೇಕರು ಜೀನ್ಸ್ ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ, ಅನೇಕರಿಗೆ ಜೀನ್ಸ್ ಅನ್ನು ಹೇಗೆ ನಿರ್ವಹಿಸಬೇಕು ಎಂಬುದು ತಿಳಿದಿಲ್ಲ. ಸಾಮಾನ್ಯ ಬಟ್ಟೆಯಂತೆಯೇ ಜೀನ್ಸ್ ಅನ್ನು ತೊಳೆದು ಐರನ್ ಮಾಡಲಾಗುತ್ತದೆ.
ಜೀನ್ಸ್ ಅನ್ನು ಐರನ್ ಮಾಡಬಹುದೇ ಅಥವಾ ಇಲ್ಲವೇ? ಎಂಬ ಅನುಮಾನ ಅನೇಕರಲ್ಲಿದೆ. ಅದಕ್ಕೆ ಉತ್ತರ ಇಲ್ಲಿದೆ. ಜೀನ್ಸ್ ಅನ್ನು ಐರನ್ ಮಾಡಬಹುದು. ಸುಕ್ಕುಗಳನ್ನು ಹೋಗಲಾಡಿಸಿ, ಹೆಚ್ಚು ನಯಗೊಳಿಸಿದ ನೋಟವನ್ನು ನೀಡಲು ಜೀನ್ಸ್ ಅನ್ನು ಐರನ್ ಮಾಡಬಹುದು. ಆದರೆ, ಐರನ್ ಮಾಡುವಾಗ ಕೆಲವು ಸಲಹೆಗಳನ್ನು ಅನುಸರಿಸಬೇಕು. ಅವುಗಳೆಂದರೆ, ಇಸ್ತ್ರಿ ಮಾಡುವ ಮುನ್ನ ಕೇರ್ ಲೇಬಲ್ ಅನ್ನು ಪರಿಶೀಲಿಸಿ ಅಥವಾ ಬಟ್ಟೆಯ ಸಣ್ಣ ಪ್ರದೇಶವನ್ನು ಪರೀಕ್ಷಿಸಿ ಅದು ಶಾಖಕ್ಕೆ ಹೇಗೆ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ನೋಡಿಕೊಳ್ಳಬೇಕು. ಐರನ್ ಮಾಡುವ ಮುನ್ನ ಸರಿಯಾದ ಶಾಖಕ್ಕೆ ಹೊಂದಿಸಿಕೊಳ್ಳಬೇಕು.
ಇನ್ನು ಜೀನ್ಸ್ ಅನ್ನು ನಿಯಮಿತವಾಗಿ ತೊಳೆಯುವುದರಿಂದ ಅವುಗಳ ಹೊಳಪು ಕಡಿಮೆಯಾಗುತ್ತದೆ. ಇದಲ್ಲದೆ, ಅದು ತನ್ನ ಬಾಳಿಕೆ ಶಕ್ತಿಯನ್ನು ಕಳೆದುಕೊಳ್ಳುತ್ತದೆ ಮತ್ತು ಶೀಘ್ರದಲ್ಲೇ ಹರಿದು ಹೋಗುತ್ತದೆ. ಕನಿಷ್ಠ 5 ಅಥವಾ 6 ಬಾರಿ ತೊಟ್ಟ ಬಳಿಕವೇ ಜೀನ್ಸ್ ಅನ್ನು ತೊಳೆಯಬೇಕು. ಜೀನ್ಸ್ ಕೊಳಕು ಅನಿಸಿದರೆ, ಫ್ಯಾಬ್ರಿಕ್ ಸ್ಪ್ರೇ ಬಳಸಿ. ಆದರೆ, ಜೀನ್ಸ್ ಅನ್ನು ಯಾವುದೇ ಕಾರಣಕ್ಕೂ ನಿಯಮಿತವಾಗಿ ತೊಳೆಯಬೇಡಿ.
ಕೆಲವರಿಗೆ ಬಿಸಿನೀರಿನಲ್ಲಿ ಬಟ್ಟೆ ಒಗೆಯುವ ಅಭ್ಯಾಸವೂ ಇರುತ್ತದೆ. ಆದಾಗ್ಯೂ, ಜೀನ್ಸ್ ವಿಚಾರದಲ್ಲಿ ಈ ತಪ್ಪನ್ನು ಮಾಡಬೇಡಿ. ಜೀನ್ಸ್ ಅನ್ನು ಯಾವಾಗಲೂ ತಂಪಾದ ಅಥವಾ ಸಾಮಾನ್ಯ ನೀರಿನಲ್ಲಿ ಮಾತ್ರ ತೊಳೆಯಿರಿ. ಹೀಗಾಗಿ ಅದರ ಸ್ಥಿತಿಸ್ಥಾಪಕತ್ವ ಒಂದೇ ಆಗಿರುತ್ತದೆ. ಆದರೆ, ಬಿಸಿ ನೀರಿನಲ್ಲಿ ತೊಳೆಯಬೇಡಿ ಅಥವಾ ನೇರ ಸೂರ್ಯನ ಬೆಳಕಿನಲ್ಲಿ ಒಣಗಿಸಬೇಡಿ. ಇದರಿಂದ ಜೀನ್ಸ್ ಬಣ್ಣವು ಮಾಸುತ್ತದೆ.
ಜೀನ್ಸ್ ಧರಿಸುವುದು ಮಾತ್ರವಲ್ಲ, ಅವುಗಳನ್ನು ಹೇಗೆ ನಿರ್ವಹಿಸಬೇಕು ಎಂದು ತಿಳಿಯಬೇಕು. ಹೀಗಾಗಿ ಈ ಮೇಲಿನ ಸಲಹೆಗಳನ್ನು ಅನುಸರಿಸಿ. ಹಾಗೆಯೇ ಜೀನ್ಸ್ ಕೊಳ್ಳುವಾಗ ದುಬಾರಿ ಬೆಲೆಯ ಜೀನ್ಸ್ ಖರೀದಿಸಬೇಕು. 400 ರಿಂದ 500 ರೂ. ಬೆಲೆಯ ಜೀನ್ಸ್ ಕೊಂಡರೆ ಬೇಗ ಹಾಳಾಗುತ್ತದೆ. ಅಲ್ಲದೆ, ಲುಕ್ ನೀಡುವುದಿಲ್ಲ. ಒಮ್ಮೆ ಹೆಚ್ಚಿನ ಬೆಲೆಯ ಜೀನ್ಸ್ ಖರೀದಿಸಿದರೆ ಹೆಚ್ಚು ಕಾಲ ಸುಲಭವಾಗಿ ಬಳಸಬಹುದು. (ಏಜೆನ್ಸೀಸ್)