Bike: ವೇಗವಾಗಿ ಬಂದ ಮೋಟಾರ್ ಬೈಕ್ ಮತ್ತು ಎಸ್ಯುವಿ ಕಾರು ಮುಖಾಮುಖಿ ಡಿಕ್ಕಿ ಹೊಡೆದ ಘಟನೆ ಡ್ಯಾಶ್ಬೋರ್ಡ್ ಕ್ಯಾಮೆರಾ ದೃಶ್ಯಗಳಲ್ಲಿ ಸೆರೆಯಾಗಿದೆ.
ತಮಿಳುನಾಡಿನ ಸೇಲಂ ಜಿಲ್ಲೆಯಲ್ಲಿ ಎಡಪ್ಪಾಡಿ-ಮಗುಡಂಚವಾಡಿ ಮಾರ್ಗದ ಸೇತುವೆಯ ಮೇಲೆ ಎಸ್ಯುವಿ ಪ್ರಯಾಣಿಸುತ್ತಿದ್ದಾಗ ಈ ಘಟನೆ ಜು. 6 ರಂದು ನಡೆದಿದೆ ಎಂದು ವರದಿಯಾಗಿದೆ.
ಗೋತಂಪಾಳಯಂನ 24 ವರ್ಷದ ಶಿವಶಕ್ತಿ ತನ್ನ ದ್ವಿಚಕ್ರ ವಾಹನವನ್ನು ಅತಿ ವೇಗದಲ್ಲಿ ಚಲಾಯಿಸುತ್ತಿದ್ದಾಗ ಎದುರು ಲೇನ್ ಪ್ರವೇಶಿಸಿ, ಎದುರಿನಿಂದ ಬರುತ್ತಿದ್ದ ಎಸ್ಯುವಿಗೆ ಡಿಕ್ಕಿ ಹೊಡೆದಿದ್ದಾನೆ.
ಡ್ಯಾಶ್ಬೋರ್ಡ್ ದೃಶ್ಯಾವಳಿಯಲ್ಲಿ ಶಿವಶಕ್ತಿ ಸೇತುವೆಯ ಮೇಲಿನ ತಿರುವು ದಾಟಲು ವಿಫಲವಾಗಿ, ನಿಯಂತ್ರಣ ತಪ್ಪಿ ತಪ್ಪು ಲೇನ್ಗೆ ತಿರುಗಿ, ನೇರವಾಗಿ ವಾಹನದ ಹಾದಿಗೆ ಬಿದ್ದಿರುವುದನ್ನು ತೋರಿಸಲಾಗಿದೆ. ಡಿಕ್ಕಿಯ ರಭಸಕ್ಕೆ ಅವರು ಎಸ್ಯುವಿಯ ಬಾನೆಟ್ ಮೇಲೆ ಎಸೆದು ಕೆಲವೇ ಕ್ಷಣಗಳ ನಂತರ ಹೊರಗೆ ಎಸೆಯಲ್ಪಟ್ಟದ್ದು ವಿಡಿಯೋದಲ್ಲಿ ನೋಡಬಹುದು.(ಏಜೆನ್ಸೀಸ್).