ಮುಂಬೈ: ಹಿಂದಿ ಬಿಗ್ ಬಾಸ್ ಒಟಿಟಿ 3 ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ಟಿವಿ ನಂತರ, ಸಲ್ಮಾನ್ ಖಾನ್ ಒಟಿಟಿ ನಲ್ಲಿ ತಮ್ಮದೇ ಶೈಲಿಯಲ್ಲಿ ಈ ಕಾರ್ಯಕ್ರಮವನ್ನು ನಿರೂಪಿಸಿದ್ದಾರೆ. ಅಂದಹಾಗೆ ಬಿಗ್ ಬಾಸ್ ಒಟಿಟಿಯ ಸೀಸನ್ 3 ಗೆ ಸೋಷಿಯಲ್ ಮೀಡಿಯಾದಲ್ಲಿ ರಾತ್ರೋರಾತ್ರಿ ಸ್ಟಾರ್ ಆಗಿದ್ದ ಜಾಸ್ಮಿನ್ ಕೌರ್ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗಿದೆ.
ಜಾಸ್ಮಿನ್ ಕೌರ್ ಅವರ ವೈರಲ್ ರೀಲ್ 'ಸೋ ಬ್ಯೂಟಿಫುಲ್, ಸೊ ಎಲಿಗಂಟ್, ಜಸ್ಟ್ ಲುಕಿಂಗ್ ಲೈಕ್ ವಾವ್ ' ನಿಂದ ಖ್ಯಾತಿ ಪಡೆದರು. ಬಟ್ಟೆಯ ಗುಣಮಟ್ಟವನ್ನು ವಿವರಿಸುವ ಜಾಸ್ಮಿನ್ ಅವರ ಈ ವಿಧಾನವು ದೇಶಾದ್ಯಂತ ಪ್ರಸಿದ್ಧವಾಗಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಜಾಸ್ಮಿನ್ ಕೌರ್ ಈಗ ಸಲ್ಮಾನ್ ಖಾನ್ ಅವರ ಶೋನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಸದ್ಯ, ಬಿಗ್ ಬಾಸ್ ಒಟಿಟಿ ತಯಾರಕರು ಈ ಬಗ್ಗೆ ಯಾವುದೇ ದೃಢೀಕರಣವನ್ನು ನೀಡಿಲ್ಲ.
ಜಾಸ್ಮಿನ್ ಕೌರ್ ಅವರ ವೈರಲ್ ರೀಲ್ ಸಾಮಾನ್ಯ ಜನರಲ್ಲಿ ಮಾತ್ರವಲ್ಲದೆ ಸೆಲೆಬ್ರಿಟಿಗಳಲ್ಲಿಯೂ ಹೆಚ್ಚು ಮೆಚ್ಚುಗೆ ಪಡೆದಿದೆ. ದೀಪಿಕಾ ಪಡುಕೋಣೆ ಸೇರಿದಂತೆ ಅನೇಕ ಬಿ-ಟೌನ್ ಮತ್ತು ದಕ್ಷಿಣದ ತಾರೆಯರು ಜಾಸ್ಮಿನ್ ಕೌರ್ ಅವರ ಈ ವೈರಲ್ ರೀಲ್ನಲ್ಲಿ ತಮ್ಮ ರೀಲ್ಗಳನ್ನು ಮಾಡುವ ಮೂಲಕ ಸಾಕಷ್ಟು ಲೈಕ್ಗಳನ್ನು ಗಳಿಸಿದ್ದರು.
ಜಾಸ್ಮಿನ್ ಕೌರ್ ದೆಹಲಿಯ ನಿವಾಸಿಯಾಗಿದ್ದು, ಪ್ರಸಿದ್ಧ ಬಟ್ಟೆ ವಿತರಕರಾಗಿದ್ದಾರೆ. ಅವರು Instagram ನಲ್ಲಿ 1.3 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ.