ಬೆಂಗಳೂರು: ನಗರದಲ್ಲಿ ಪುಂಡರ ಹಾವಳಿ ಹೆಚ್ಚಾಗಿದೆ. ರಾತ್ರಿಯಾಗುತ್ತಿದ್ದಂತೆಯೇ ರಸ್ತೆಗಿಳಿದು ಅಪಾಯಕಾರಿ ವ್ಹೀಲಿಂಗ್ ಮಾಡುವ ಮೂಲಕ ಪುಂಡರ ಗ್ಯಾಂಗ್ ಇತರೆ ಸವಾರರ ಸುರಕ್ಷಿತ ಪ್ರಯಾಣಕ್ಕೆ ಅಡ್ಡಿಯಾಗುತ್ತಿದ್ದಾರೆ.
ಸಿಟಿ ಮಾರುಕಟ್ಟೆಯ ಫ್ಲೈ ಓವರ್ ಮೇಲೆಯೇ ಡೆಡ್ಲಿ ವ್ಹೀಲಿಂಗ್ ನಡೆಯುತ್ತಿದೆ. ಹಲವು ವಾಹನಗಳ ಮಧ್ಯೆಯೇ ಗಂಟೆಗಟ್ಟಲೇ ವ್ಹೀಲಿಂಗ್ ಮಾಡುವ ಮೂಲಕ ಪುಂಡಾಟ ಮೆರೆಯುತ್ತಿದ್ದಾರೆ. ಖತರ್ನಾಕ್ ಗ್ಯಾಂಗ್, ವ್ಹೀಲಿಂಗ್ ಮಾಡುವ ವೇಳೆ ಅಕ್ಕಪಕ್ಕದ ವಾಹನ ಸವಾರರು ಭಯದಲ್ಲೇ ಸಾಗುವಂತಾಗಿದೆ.
ವ್ಹೀಲಿಂಗ್ ವೇಳೆ ಬೇರೆ ವಾಹನಗಳಿಗೆ ಸ್ವಲ್ಪ ಟಚ್ ಆದ್ರೂ ಡೆಡ್ಲಿ ಆ್ಯಕ್ಸಿಡೆಂಟ್ ಆಗುವುದು ಖಚಿತ. ಹೀಗಾಗಿ ಪುಂಡರ ಪುಂಡಾಟಕ್ಕೆ ಜೀವ ಕೈಲಿಟ್ಟುಕೊಂಡು ಸವಾರರು ಓಡಾಡುತ್ತಿದ್ದಾರೆ. ರಾತ್ರಿಯಾಗುತ್ತಿದ್ದಂತೆಯೇ ಫ್ಲೈ ಓವರ್ಗೆ ಎಂಟ್ರಿ ಕೊಡಲಿರುವ ಪುಂಡರ ಗ್ಯಾಂಗ್ ವಿರುದ್ಧ ಸದ್ಯ ಕ್ರಮ ಕೈಗೊಳ್ಳಬೇಕಿದೆ. (ದಿಗ್ವಿಜಯ ನ್ಯೂಸ್)