ಬೆಂಗಳೂರು: ಬಿಗ್ ಬಾಸ್ ಸೀಸನ್ 10 ಇದೀಗ ಆರನೇ ವಾರಕ್ಕೆ ಕಾಲಿಟ್ಟಿದ್ದು, ಸ್ಪರ್ಧಿಗಳ ಮಧ್ಯೆ ಪೈಪೋಟಿಗಳು ಮತ್ತಷ್ಟು ಬಿಗಿಯಾಗುತ್ತಿದೆ. ಒಂದೆಡೆ ಮನೆಯಲ್ಲಿ ಉಳಿಯಲು ಇಷ್ಟವಿಲ್ಲ ಎಂದ ವರ್ತೂರು ಸಂತೋಷ್, ತಾಯಿಯ ಅಪ್ಪುಗೆ, ಸಾಂತ್ವನದ ಮಾತುಗಳ ಕೇಳಿದ ನಂತರ ಆಟ ಮುಂದುವರಿಸಲು ನಿರ್ಧರಿಸಿದರು. ಮತ್ತೊಂದೆಡೆ ದೀಪಾವಳಿ ಹಬ್ಬದಂದು ತಮ್ಮ ಕುಟುಂಬದವರನ್ನು ನೆನಪಿಸಿಕೊಂಡು ಭಾವುಕರಾದ ಸದಸ್ಯರಿಗೆ ಇದೀಗ ಬಿಗ್ಬಾಸ್ ವಿಶೇಷ ಅವಕಾಶವೊಂದನ್ನು ಕಲ್ಪಿಸಿಕೊಟ್ಟಿದ್ದಾರೆ.
ಇದನ್ನೂ ಓದಿ: ಎಲ್ಲರೂ ಒಗ್ಗಟ್ಟಾಗಿ ರಾಜ್ಯದ 28 ಲೋಕಸಭಾ ಕ್ಷೇತ್ರದಲ್ಲೂ ಗೆಲ್ಲಬೇಕು: ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ ವಿಜಯೇಂದ್ರ
ಹಬ್ಬದ ಉಡುಗೊರೆಯಾಗಿ ಮನೆಯ ಮೂವರು ಸದಸ್ಯರಿಗೆ ಮಾತ್ರ ತಮ್ಮ ಕುಟುಂದಿಂದ ಬಂದ ಗಿಫ್ಟ್ ಪಡೆಯಲು ಅವಕಾಶ ಕೊಡಲಾಗಿದೆ. ಈ ಪೈಕಿ ಮನೆಯ ಅಷ್ಟು ಸದಸ್ಯರಲ್ಲಿ ಯಾರು ಮೂವರಿಗಾಗಿ ತ್ಯಾಗ ಮಾಡಲಿದ್ದಾರೆ ಎಂಬುದು ಈಗ ದೊಡ್ಡ ಚರ್ಚೆಯಾಗಿ ಪರಿವರ್ತಿಸಿದೆ. "ಹಬ್ಬಕ್ಕೆ ನನಗೆ ರೆಡಿಮೇಡ್ ಸ್ವೀಟ್ಸ್ ಬಂತು, ನನ್ನ ತಾಯಿ ಮಾಡಿದ ಕೈ ಅಡುಗೆ ತಲುಪಿಲ್ಲ. ನನಗೆ ಅಮ್ಮ ಹೇಗಿದ್ದಾರೆ ಎಂದು ತಿಳಿದುಕೊಳ್ಳುವ ಆಸೆ" ಎಂದು ತನಿಷಾ ಕಣ್ಣೀರಿಟ್ಟರು.
ಅವಕಾಶದ ಬಗ್ಗೆ ಮಾತನಾಡಿದ ನಮ್ರತಾ, "ನಾನು ಪ್ರತಾಪ್ಗೆ ಕೊಡಲು ಬಯಸುತ್ತೇನೆ. ಕಾರಣ, ಅವರು ತಮ್ಮ ಮನೆಯವರೊಂದಿಗೆ ಮೂರು ವರ್ಷದಿಂದ ಮಾತನಾಡಿಲ್ಲ. ಹೀಗಾಗಿ ಇದು ಪ್ರತಾಪ್ಗೆ ಸಿಗಲಿ" ಎಂದು ಹೇಳಿದರು.
ಇದನ್ನೂ ಓದಿ: ಸೆಮಿಫಿನಾಲೆಯಲ್ಲಿ ವಿರಾಟ್ ಕೊಹ್ಲಿ-ರೋಹಿತ್ ಶರ್ಮಾ ಅನಪೇಕ್ಷಿತ ದಾಖಲೆ; ಕುಖ್ಯಾತಿ ಅಳಿಸಲು ಸ್ಟಾರ್ಗಳಿಗೆ ಬಿಗ್ ಚಾನ್ಸ್
ಮನೆಯವರ ಸುದ್ದಿ ಕೇಳುತ್ತಿದ್ದಂತೆ ಭಾವುಕರಾದ ಪ್ರತಾಪ್, "ನನಗೂ ನನ್ನ ತಂದೆ-ತಾಯಿಯನ್ನು ನೋಡಬೇಕು, ನನಗೆ ಗೊತ್ತಾಗಬೇಕು ಅವರು ನನ್ನೊಂದಿಗೆ ಮಾತನಾಡುತ್ತಿದ್ದಾರಾ, ಇಲ್ವಾ? ಅಂತ" ಎಂದು ಬಿಕ್ಕಿ ಬಿಕ್ಕಿ ಅತ್ತರು. ಕೂಡಲೇ ಮನೆಯ ಇತರ ಸದಸ್ಯರು ಸಮಾಧಾನ ಹೇಳಿ, ಧೈರ್ಯ ತುಂಬಿದ್ದಾರೆ.
ದಿನದ 24 ಗಂಟೆಗಳ ಲೈವ್ ಸ್ಟ್ರೀಮಿಂಗ್ ಜಿಯೋ ಸಿನಿಮಾದಲ್ಲಿ ಪ್ರಸಾರವಾಗುತ್ತಿದೆ.