ನವದೆಹಲಿ: ಪೂರ್ವ ಲಡಾಖ್ನಲ್ಲಿ ಭಾರತ-ಚೀನಾ ಸೈನಿಕರ ನಡುವಿನ ಸಂಘರ್ಷದ ಹೊಗೆ ಏಳುತ್ತಲೇ ಇದೆ. ಮಿಲಿಟರಿ ಮತ್ತು ರಾಜತಾಂತ್ರಿಕ ಮಟ್ಟದ ಮಾತುಕತೆಗಳು ನಡೆದರೂ ಒಂದು ದೃಢ ನಿರ್ಧಾರಕ್ಕೆ ಬರಲಾಗುತ್ತಿಲ್ಲ.
ಹೀಗಿರುವಾಗ ವಾಸ್ತವ ಗಡಿ ನಿಯಂತ್ರಣಾ ರೇಖೆಯುದ್ದಕ್ಕೂ ನಿಂತಿರುವ ಫೀಲ್ಡ್ ಕಮಾಂಡರ್ಗಳಿಗೆ, ಯಾವುದೇ ಕಾರಣಕ್ಕೂ ಚೀನಾ ಸೈನಿಕರು ಭಾರತದ ಭೂಪ್ರದೇಶಕ್ಕೆ ಪ್ರವೇಶಿಸಲು ಅವಕಾಶ ಕೊಡಬಾರದು ಎಂದು ಸೂಚನೆ ನೀಡಿದ್ದಾಗಿ ಸೇನಾ ಮೂಲಗಳು ತಿಳಿಸಿವೆ.
ಅಷ್ಟೇ ಅಲ್ಲ, ಭಾರತದ ಭೂಪ್ರದೇಶದ ರಕ್ಷಣೆ ಮಾಡುವಾಗ ಸೈನಿಕರು ಶಿಸ್ತು ಪಾಲನೆ ಮಾಡಲೇಬೇಕು ಎಂದೂ ಹೇಳಲಾಗಿದೆ.
ಸದ್ಯ ಚೀನಾ ಪೀಪಲ್ಸ್ ಲಿಬರೇಶನ್ ಆರ್ಮಿ ಎಲ್ಎಸಿ ಬಳಿ 50,000 ಸೈನಿಕರನ್ನು, ಭಾರೀ ಯುದ್ಧ ಟ್ಯಾಂಕ್ಗಳನ್ನು, ಫಿರಂಗಿಗಳನ್ನು ನಿಯೋಜಿಸಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ. ಅದಕ್ಕೆ ತಕ್ಕಂತೆ ಭಾರತದ ಸೈನಿಕರ ಬಲವನ್ನೂ ಹೆಚ್ಚಿಸಲಾಗಿದೆ. (ಏಜೆನ್ಸೀಸ್)