ದೆಹಲಿ: ಬೆಳ್ಳಿತೆರೆಯ ಮೇಲೆ ಏನೆನೋ ವಿಚಿತ್ರಗಳು, ಅದ್ಭುತಗಳು ನಡೆಯುತ್ತವೆ. ಅವೆಲ್ಲವೂ ಕಾಲ್ಪನಿಕ ಅಥವಾ ಗ್ರಾಫಿಕ್ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ ಇಂತಹ ವಿಚಿತ್ರವೊಂದು ನಿಜವಾಗಿ ಬಿಟ್ಟರೇ? ಹೌದು, ಸಿನಿಮಾದ ನಟನೊಬ್ಬ ತನ್ನ 82ನೇ ವಯಸ್ಸಿನಲ್ಲಿ ತಂದೆಯಾಗುತ್ತಿದ್ದಾರೆ.
ಹಾಲಿವುಡ್ನ ದಿಗ್ಗಜ ನಟ ಹಾಗೂ ಆಸ್ಕರ್ ಪ್ರಶಸ್ತಿ ವಿಜೇತ ಅಲ್ ಪಸಿನೋ ತಮ್ಮ 82ನೆ ವಯಸ್ಸಿನಲ್ಲಿ ತಂದೆಯಾಗಲಿದ್ದಾರೆ. 29 ವರ್ಷದ ಸಿನಿಮಾ ನಿರ್ಮಾಪಕಿ ನೂರ್ ಅಲ್ಫಲ್ಲಾಹ್ ಹಾಗೂ ಪಸಿನೋ ಮಗುವಿನ ನಿರೀಕ್ಷೆಯಲ್ಲಿದ್ದಾರೆಂದು ವಿದೇಶಿ ಪತ್ರಿಕೆಯೊಂದು ಈ ಕುರಿತು ವರದಿ ಮಾಡಿದೆ.
ಅಲ್ ಪಸಿನೋ ಈಗಾಗಲೇ ಮೂರು ಮಕ್ಕಳ ತಂದೆಯಾಗಿದ್ದರೂ, ನೂರ್ ಜತೆಗೆ ಕಳೆದ ಒಂದು ವರ್ಷದಿಂದ ಡೇಟಿಂಗ್ ಮಾಡುತ್ತಿದ್ದಾರೆ. ಕಳೆದ ತಿಂಗಳು, ಅಲ್ ಪಸಿನೊ ಅವರ ಸಹ ನಟ ರಾಬರ್ಟ್ ಡಿ ನಿರೋ ತಮ್ಮ 79ನೇ ವಯಸ್ಸಿನಲ್ಲಿ ಗೆಳತಿ ಟಿಫಾನಿ ಚೆನ್ರೊಂದಿಗೆ 7ನೇ ಮಗುವನ್ನು ಸ್ವಾಗತಿಸಿದ್ದರು.(ಏಜೆನ್ಸೀಸ್)