MS Dhoni Viral Video: ಟೀಮ್ ಇಂಡಿಯಾದ ಮಾಜಿ ನಾಯಕ ಎಂ.ಎಸ್. ಧೋನಿ ಅಂದ್ರೆ ಕ್ರಿಕೆಟ್ ಫ್ಯಾನ್ಸ್‌ಗೆ ಎಲ್ಲಿಲ್ಲದ ಪ್ರೀತಿ. ಮೈದಾನದಲ್ಲಿ ಎಂಥಾ ಒತ್ತಡದ ಸಂದರ್ಭ ಇದ್ರೂ ಕೂಲ್ ಆಗಿರೋ ಅವರ ಗುಣದಿಂದಲೇ ‘ಕ್ಯಾಪ್ಟನ್ ಕೂಲ್’ ಅಂತ ಕರೆಸಿಕೊಳ್ತಾರೆ. ಇದೀಗ ಇಂಡಿಗೋ ವಿಮಾನದಲ್ಲಿ ಏರ್ ಹೋಸ್ಟೆಸ್ ಜತೆ ಧೋನಿ ಮಾತಾಡಿರೋ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಕೆಲಸದ ಒತ್ತಡದ ಬಗ್ಗೆ ಆಕೆ ಹೇಳಿಕೊಂಡಾಗ ಧೋನಿ ಕೊಟ್ಟ ಸಲಹೆ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.
ಇಂಡಿಗೋ ವಿಮಾನದಲ್ಲಿ ಕರ್ತವ್ಯದಲ್ಲಿದ್ದ ಏರ್ ಹೋಸ್ಟೆಸ್ ಐಶ್ವರ್ಯಾ ಸಿಂಗ್‌ಗೆ ಧೋನಿಯನ್ನು ಭೇಟಿಯಾಗುವ ಅವಕಾಶ ಸಿಕ್ಕಿದೆ. ಈ ಖುಷಿಯನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಆಕೆ, ಧೋನಿ ಜತೆಗಿನ ಮಾತುಕತೆಯ ವಿಡಿಯೋವನ್ನೂ ಪೋಸ್ಟ್ ಮಾಡಿದ್ದಾರೆ. ಅವರನ್ನು “ದಿ ಮಿಥ್ ಅಂಡ್ ದಿ ಲೆಜೆಂಡ್” ಎಂದು ಬಣ್ಣಿಸಿದ್ದಾರೆ.
ಐಶ್ವರ್ಯಾ ಕೆಲಸದ ಒತ್ತಡದ ಬಗ್ಗೆ ಧೋನಿ ಜತೆ ಮಾತನಾಡಿದ್ದಾರೆ. ಆಕೆಯ ಮಾತುಗಳನ್ನು ಗಮನವಿಟ್ಟು ಕೇಳಿದ ಧೋನಿ, ಕಷ್ಟದ ಸಂದರ್ಭಗಳನ್ನು ನಿಭಾಯಿಸುವ ಬಗ್ಗೆ ಸಲಹೆ ನೀಡಿದ್ದಾರೆ ಎನ್ನಲಾಗಿದೆ. ಈ ಮಾತುಕತೆ ಆಕೆಗೆ ಮರೆಯಲಾಗದ ಅನುಭವವಾಗಿದೆ.
ಮೈದಾನದಲ್ಲಿ ಕೂಲ್ ಆಗಿರುವ ಧೋನಿ, ಈ ಮಾತುಕತೆಯಲ್ಲೂ ತಮ್ಮ ಸರಳ ಸ್ವಭಾವದಿಂದ ಗಮನ ಸೆಳೆದಿದ್ದಾರೆ. ಕೆಲಸದ ಒತ್ತಡದ ಬಗ್ಗೆ ಐಶ್ವರ್ಯಾ ಮಾತನಾಡುವಾಗ ಸಲಹೆ ನೀಡಿದ ಧೋನಿ, ಮಾತಿನ ಮಧ್ಯೆ ಹಾರಾಟಕ್ಕೆ ಸಂಬಂಧಿಸಿದಂತೆ ಜೋಕ್ ಕೂಡ ಮಾಡಿದ್ದಾರೆ. ಇದರಿಂದ ಐಶ್ವರ್ಯಾ ನಕ್ಕಿದ್ದಾರೆ. ಧೋನಿ ತಮ್ಮ ಮಾತುಗಳನ್ನು ಗಮನವಿಟ್ಟು ಕೇಳಿದ್ದು ಈ ಭೇಟಿಯನ್ನು ಮತ್ತಷ್ಟು ವಿಶೇಷವಾಗಿಸಿದೆ.
ಧೋನಿಯನ್ನು ಭೇಟಿಯಾದ ಖುಷಿಯನ್ನ ಐಶ್ವರ್ಯಾ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ತಮ್ಮ ಕನಸು ನನಸಾದ ಕ್ಷಣ ಅಂತ ಹೇಳಿಕೊಂಡಿರುವ ಅವರು, ಧೋನಿ ನಿಜಕ್ಕೂ ಒಳ್ಳೆಯ ವ್ಯಕ್ತಿ ಅಂತ ಹೊಗಳಿದ್ದಾರೆ. ಮೈದಾನದಲ್ಲಿ ತಮ್ಮ ಆಟದಿಂದ ಅಭಿಮಾನಿಗಳ ಮನಗೆದ್ದಿರುವ ಧೋನಿಯ ಸರಳತೆ ಮತ್ತು ತಾಳ್ಮೆಯನ್ನೂ ಹಲವರು ಮೆಚ್ಚಿಕೊಂಡಿದ್ದಾರೆ.
ಈ ವಿಡಿಯೋಗೆ ಇನ್‌ಸ್ಟಾಗ್ರಾಮ್‌ನಲ್ಲಿ 18 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳು ಬಂದಿವೆ. ಇದನ್ನ ನೋಡಿದ ಅಭಿಮಾನಿಗಳು ಕಾಮೆಂಟ್‌ಗಳ ಮೂಲಕ ಖುಷಿ ಹಂಚಿಕೊಂಡಿದ್ದಾರೆ. “ನೀನು ಅದೃಷ್ಟವಂತೆ” ಅಂತ ಒಬ್ಬರು ಹೇಳಿದ್ರೆ, ಮತ್ತೊಬ್ಬರು ಧೋನಿಯನ್ನ ಭೇಟಿಯಾಗಿ ಮಾತನಾಡುವ ಆಸೆ ವ್ಯಕ್ತಪಡಿಸಿದ್ದಾರೆ.
ಧೋನಿಯ ಜತೆಗಿನ ಈ ಪುಟ್ಟ ಮಾತುಕತೆ ಐಶ್ವರ್ಯಾಗೆ ಮರೆಯಲಾಗದ ನೆನಪಾಗಿದೆ. ಅವರ ಸರಳತೆ ಮತ್ತು ಆತ್ಮೀಯ ಮಾತುಗಳು ಅಭಿಮಾನಿಗಳ ಮನಗೆದ್ದಿವೆ.