ಕೃತಕ ಬುದ್ಧಿಮತ್ತೆ ಸೃಷ್ಟಿಸುತ್ತಿರುವ ಅದ್ಭುತಗಳು ಇಷ್ಟೇ ಅಲ್ಲ. ಐದು ತಿಂಗಳಿನಿಂದ ಅಸ್ಪಷ್ಟವಾಗಿದ್ದ ರೋಗವನ್ನು AI ಸುಲಭವಾಗಿ ಗುರುತಿಸಿದೆ. ವೈದ್ಯರು ಸಹ ಗುರುತಿಸಲು ಸಾಧ್ಯವಾಗದ ರೋಗವನ್ನು AI ಗುರುತಿಸಿದ ಘಟನೆ ಇತ್ತೀಚಿಗೆ ಹರಿಯಾಣದ ಗುರುಗ್ರಾಮ್ನಲ್ಲಿ ಬೆಳಕಿಗೆ ಬಂದಿದೆ.
ಹೌದು, ಗುರುಗ್ರಾಮ್ನ ಒಂಬತ್ತು ವರ್ಷದ ಮನೋಜ್ ಹಲವಾರು ತಿಂಗಳುಗಳಿಂದ ಅಪಸ್ಮಾರ(ಅಪಸ್ಮಾರವು ಒಂದು ನರವೈಜ್ಞಾನಿಕ ಅಸ್ವಸ್ಥತೆ) ದಿಂದ ಬಳಲುತ್ತಿದ್ದನು. ಕಳೆದ 5 ತಿಂಗಳಿಂದ ಈ ರೋಗದಿಂದ ಮಗು ಬಳಲುತ್ತಿತ್ತು. ಇಲ್ಲಿವರೆಗೂ ವೈದ್ಯರು ರೋಗ ಎನೆಂಬುದು ಗುರುತಿಸಲು ಸಾಧ್ಯವಾಗಲಿಲ್ಲ. ಕೊನೆಗೂ ಪರ್ಪ್ಲೆಕ್ಸಿಟಿ AI ಮತ್ತು ಗ್ಲಾಸ್ ಹೆಲ್ತ್ನಂತಹ ತಂತ್ರಜ್ಞಾನ ಸಾಧನಗಳು ಬಳಸಿ ರೋಗ ಪತ್ತೆ ಹಚ್ಚಿದ್ದಾರೆ. ಇದೀಗ, ಮನೋಜ್ ಸಂಪೂರ್ಣವಾಗಿ ಗುಣಮುಖನಾಗಿದ್ದಾನೆ, ಮಾತ್ರವಲ್ಲದೆ ಶಾಲೆಗೆ ಮರಳುತ್ತಿದ್ದಾನೆ ಎಂದು ವರದಿಯಾಗಿದೆ.
ಗುರುಗ್ರಾಮ್ಲ್ಲಿ 4ನೇ ತರಗತಿ ಓದುತ್ತಿರುವ ಮನೋಜ್, ಪ್ರತಿದಿನ ಮಸುಕಾದ ದೃಷ್ಟಿ ಮತ್ತು ವಿಚಿತ್ರ ಮುಖಭಾವಗಳಂತಹ ಸಮಸ್ಯೆಗಳಿಂದ ಬಳಲುತ್ತಿದ್ದ. ಪ್ರತಿಷ್ಠಿತ ಆಸ್ಪತ್ರೆಗಳಿಗೆ ಕರೆದೊಯ್ಯದರು ಹಾಗೂ ವಿವಿಧ ಪರೀಕ್ಷೆಗಳಿಗೆ ಒಳಪಡಿಸಲಾಗಿದ್ದರೂ, ನಿಜವಾದ ಸಮಸ್ಯೆ ಏನೆಂದು ಯಾರಿಗೂ ಪತ್ತೆ ಹಚ್ಚಲು ಸಾಧ್ಯವಾಗಲಿಲ್ಲ.
ಗುರುಗ್ರಾಮ್ನ ಆರ್ಟೆಮಿಸ್ ಆಸ್ಪತ್ರೆಯ ವೈದ್ಯರು ರೋಗನಿರ್ಣಯ ಪ್ರಕ್ರಿಯೆಯಲ್ಲಿ ಕೃತಕ ಬುದ್ಧಿಮತ್ತೆಯನ್ನು ಬಳಸಲು ಪ್ರಾರಂಭಿಸಿದಾಗ ಈ ಪ್ರಕರಣವು ಒಂದು ಪ್ರಮುಖ ಹೆಜ್ಜೆಯನ್ನು ಮುಂದಿಟ್ಟಿತು.
ವೈದ್ಯರು ಮನೋಜ್ ಅವರ ಆರೋಗ್ಯ ಇತಿಹಾಸ, ಪರೀಕ್ಷಾ ಫಲಿತಾಂಶಗಳು ಮತ್ತು ರೋಗಲಕ್ಷಣಗಳನ್ನು ಗ್ಲಾಸ್ ಹೆಲ್ತ್ ಮತ್ತು ಪರ್ಪ್ಲೆಕ್ಸಿಟಿ AI ಎಂಬ AI ರೋಗನಿರ್ಣಯ ಸಾಧನಗಳಿಗೆ ನೀಡಿದರು. ಈ ಉಪಕರಣಗಳು ಪ್ರಪಂಚದಾದ್ಯಂತದ ವೈದ್ಯಕೀಯ ಡೇಟಾವನ್ನು ತ್ವರಿತವಾಗಿ ವಿಶ್ಲೇಷಿಸಿದವು ಮತ್ತು ಮನೋಜ್ಗೆ ಬೇಸಿಲಾರ್ ಆರ್ಟರಿ ಮೈಗ್ರೇನ್ ಎಂಬ ಅಪರೂಪದ ಸ್ಥಿತಿ ಇದೆ ಎಂದು ತೋರಿಸಿದೆ.
ವೈದ್ಯರು ಕ್ಲಿನಿಕಲ್ ಪರೀಕ್ಷೆಗಳ ಮೂಲಕ AI ನೀಡಿದ ರೋಗನಿರ್ಣಯವನ್ನು ದೃಢಪಡಿಸಿದರು. ನಿರ್ದಿಷ್ಟ ಮೈಗ್ರೇನ್ ಚಿಕಿತ್ಸೆಯನ್ನು ನೀಡಿದ ನಂತರ, ಮನೋಜ್ ಒಂದು ವಾರದೊಳಗೆ ಸಂಪೂರ್ಣವಾಗಿ ಚೇತರಿಸಿಕೊಂಡರು. ಅವರು ಈಗ ಶಾಲೆಗೆ ಮರಳಿದ್ದಾರೆ ಮತ್ತು ಸಾಮಾನ್ಯ ಜೀವನವನ್ನು ನಡೆಸುತ್ತಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ.(ಏಜೆನ್ಸೀಸ್)