ನವದೆಹಲಿ: ಭಾರತದ ಪ್ರಥಮ ಸೌರ ಉಪಗ್ರಹ ಆದಿತ್ಯ ಎಲ್&1 ಬಾಹ್ಯಾಕಾಶ ನೌಕೆಯಲ್ಲಿರುವ ಸಾಧನಗಳಲ್ಲಿ ಒಂದಾಗಿರುವ ಆದಿತ್ಯ ಸೋಲಾರ್ ವಿಂಡ್ ಪಾರ್ಟಿಕಲ್ ಎಕ್ಸ್ಪೆರಿಮೆಂಟ್ (ಎಎಸ್ಪಿಇಎಕ್ಸ್ ಆಸ್ಪೆಕ್ಸ್) ಅನ್ನು ಸಕ್ರಿಯಗೊಳಿಸಲಾಗಿದೆ.
ಅದು ತನ್ನ ಕಾರ್ಯಾಚರಣೆ ಆರಂಭಿಸಿದ್ದು ಸೌರ ಮಾರುತದ ಅಯಾನ್ಗಳು, ಅದರಲ್ಲೂ ಮುಖ್ಯವಾಗಿ ಪ್ರೋಟಾನ್ ಮತ್ತು ಆಲ್ಫಾ ಕಣಗಳನ್ನು ಸ್ವಿಸ್ ಯಶಸ್ವಿಯಾಗಿ ಅಳತೆ ಮಾಡಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ.
ಆಸ್ಪೆಕ್ಸ್ನಲ್ಲಿ ಸೋಲಾರ್ ವಿಂಡ್ ಅಯಾನ್ ಸ್ಪೆಕ್ಟ್ರೋಮೀಟರ್ (ಎಸ್ಡಬ್ಲ್ಯುಐಎಸ್&ಸ್ವಿಸ್) ಮತ್ತು ಸುಪ್ರಾ ಥರ್ಮಲ್ ಆ್ಯಂಡ್ ಎನರ್ಜಿಟಿಕ್ ಪಾರ್ಟಿಕಲ್ ಸ್ಪೆಕ್ಟ್ರೋಮೀಟರ್ (ಎಸ್ಟಿಇಪಿಎಸ್&ಸ್ಟೆಪ್ಸ್) ಎಂಬ ಎರಡು ಉಪಕರಣಗಳಿವೆ ಎಂದು ಇಸ್ರೋ ಎಕ್ಸ್ ಪೋಸ್ಟ್ನಲ್ಲಿ ಹೇಳಿದೆ. ಸೆ. 10ರಂದು ಸ್ಟೆಪ್ಸ್ ಸಕ್ರಿಯಗೊಳಿಸಲಾಗಿದ್ದು ನ. 2ರಂದು ಸ್ವಿಸ್ ಉಪಕರಣ ಕಾರ್ಯಾರಂಭ ಮಾಡಿದೆ ಎಂದು ಇಸ್ರೋ ಹೇಳಿದೆ.