ಮುಂಬೈ: ಖ್ಯಾತ ಬಾಲಿವುಡ್ ನಟನ ಪತ್ನಿ ತನಗೆ 58 ಲಕ್ಷ ರೂ. ವಂಚನೆ ಆಗಿದೆ ಎಂದು ಮುಂಬೈನ ಸಾಂತಾಕ್ರೂಜ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿದ್ದಾರೆ.
ಇದನ್ನೂ ಓದಿ: ಎಸ್ಸೆಸ್ಸೆಲ್ಸಿ ಪೂರಕ ಪರೀಕ್ಷೆ, ನಿಷೇಧಾಜ್ಞೆ ಜಾರಿ
ಬಾಲಿವುಡ್ನ ಹಿರಿಯ ನಟ ಜಾಕಿ ಶ್ರಾಫ್ ಪತ್ನಿ ಆಯೇಶಾ ಶ್ರಾಫ್ ಆರೋಪಿ ಅಲನ್ ಫೆರ್ನಾಂಡಿಸ್ ವಿರುದ್ಧ ಐಪಿಸಿ ಸೆಕ್ಷನ್ 420, 408, 465, 467 ಮತ್ತು 468 ಅಡಿಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಈಗಾಗಲೇ ಈ ಕುರಿತು ನಡೆಸುತ್ತಿದ್ದಾರೆ.
ಏನಿದು ಘಟನೆ?
ನಟ ಟೈಗರ್ ಶ್ರಾಫ್ ಹಾಗೂ ಆಯೇಶಾ ಶ್ರಾಫ್ ಒಡೆತನದ MMA ಮ್ಯಾಟ್ರಿಕ್ಸ್ ಜಿಮ್ನ ನಿರ್ದೇಶಕರಾಗಿ 2018ರ ನವೆಂಬರ್ 20ರಂದು ಅಲನ್ನ್ನು ಕಂಪನಿಯ ನಿರ್ದೇಶಕರಾಗಿ ನೇಮಿಸಲಾಗಿತ್ತು. ಇಬ್ಬರು ನಟರಾಗಿದ್ದರಿಂದ ಕಂಪನಿಯ ಎಲ್ಲ ಚಟುವಟಿಕೆಗಳನ್ನು ಅಲನ್ ನೋಡಿಕೊಳ್ಳುತ್ತಿದ್ದರು.
ಕಂಪನಿಯ ಬ್ಯಾಂಕ್ ಖಾತೆಯಲ್ಲಿ ಡಿಸೆಂಬರ್ 2018ರಿಂದ ಜನವರಿ 2023ರವರೆಗೆ ಒಟ್ಟು 58,53,591 ರೂಪಾಯಿಗಳನ್ನು ಸಂಗ್ರಹಿಸಲಾಗಿತ್ತು. ಅಲ್ಲದೆ, ಆರೋಪಿಯು ಕಂಪನಿಯ ಮೂಲಕ ಭಾರತ ಮತ್ತು ಭಾರತದ ಹೊರಗೆ ಒಟ್ಟು 11 ಪಂದ್ಯಾವಳಿಗಳನ್ನು ಆಯೋಜಿಸಲು ಸಾಕಷ್ಟು ಹಣವನ್ನು ತೆಗೆದುಕೊಂಡು ವಂಚಿಸಿದ್ದಾರೆ ಎಂದು ಆಯೇಶಾ ಆರೋಪಿಸಿದ್ದಾಳೆ.(ಏಜೆನ್ಸೀಸ್)