ಬೆಂಗಳೂರು: ಪರ್ಸ್ನಲ್ಲಿ ದುಡ್ಡು, ಕೈಯ್ಯಲ್ಲೊಂದ ಕಾಸ್ಟ್ಲಿ ಮೊಬೈಲ್ ಮತ್ತು ಐಷಾರಾಮಿ ಬೈಕ್. ಇಷ್ಟಿದ್ದರೆ ಸಾಕು ಮೋಜು, ಮಸ್ತಿ ಮಾಡಲು. ಬಹುತೇಕರು ಒಂದ್ಸಲ ಬೈಕ್ನಲ್ಲಿ ಲಾಂಗ್ ರೈಡ್ ಹೋಗ್ಬೇಕು, ಫ್ರೆಂಡ್ಸ್ ಜತೆ ಜಾಲಿ ರೈಡ್ ಹೋಗ್ಬೇಕು ಅಂತಾ ಕನಸು ಕಟ್ಕೊಂಡಿರ್ತಾರೆ. ಆದರೆ ಇಲ್ಲಿಬ್ಬರು ಯುವಕರು ಬೈಕ್ಗಳನ್ನು ಕದ್ದು ಜಾಲಿ ರೈಡ್ ಹೋಗಿಬಂದಿದ್ದಾರೆ.
ಸದ್ಯ ಕೊತ್ತನೂರು ಪೊಲೀಸರು ಜಾಲೀ ರೈಡ್ ಮಾಡಲೆಂದು ಐಷಾರಾಮಿ ಬೈಕ್ಗಳನ್ನು ಕಳ್ಳತನ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಪ್ರಶಾಂತ್ ಮತ್ತು ಮೊಹಮ್ಮದ್ ರೋಷನ್ ಬಂಧಿತ ಆರೋಪಿಗಳು. ಇವರಿಬ್ಬರಿಗೆ ಬೈಕ್ನಲ್ಲಿ ಜಾಲೀ ರೈಡ್ ಹೋಗುವ ಹುಚ್ಚು. ಇದಕ್ಕಾಗಿ ರಾತ್ರಿ ವೇಳೆ ದುಬಾರಿ ಬೆಲೆಯ ಬೈಕ್ಗಳ ಕಳ್ಳತನ ಮಾಡುತ್ತಿದ್ದರು. ಅದರಲ್ಲೂ ರಾಮಮೂರ್ತಿನಗರ, ಕೆ ಆರ್ ಪುರಂ ಭಾಗದಲ್ಲಿ ಹೆಚ್ಚಾಗಿ ತಮ್ಮ ಕೈಚಳಕ ತೋರಿಸುತ್ತಿದ್ದರು. ನಂತರ ಜಾಲೀ ರೈಡ್ ಹೋಗಿ ಮೋಜು, ಮಸ್ತಿಯಲ್ಲಿ ತೊಡಗುತ್ತಿದ್ದರು.
ರಾಯಲ್ ಎನ್ಫೀಲ್ಡ್, ಡ್ಯೂಕ್, ಅಪ್ಪಾಚ್ಚಿ, ಹಿಮಾಲಯನ್, ಡಾಮಿನಾರ್ ಮುಂತಾದ ಬೈಕ್ಗಳನ್ನೇ ಟಾರ್ಗೆಟ್ ಮಾಡಿ ಕಳ್ಳತನ ಮಾಡುತ್ತಿದ್ದರು. ಒಂದು ಬಾರಿ ಜಾಲೀ ರೇಡ್ ಹೋಗಿ ಬಂದ ಬಳಿಕ ಬೈಕ್ಗಳನ್ನು ಕಡಿಮೆ ಬೆಲೆಗೆ ಮಾರಾಟ ಮಾಡಿ ಹಣ ಸಂಪಾದನೆ ಮಾಡಿಕೊಳ್ಳುತ್ತಿದ್ದರು. ಸದ್ಯ ಪೊಲೀಸರು ಆರೋಪಿಗಳಿಂದ 14 ಲಕ್ಷ ರೂ. ಮೌಲ್ಯದ 11 ಬೈಕ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.