ಉತ್ತರಪ್ರದೇಶ: ಅದ್ದೂರಿ ಮದುವೆ(Wedding )ಸಂಭ್ರಮದ ನಡುವೆ ವ್ಯಕ್ತಿಯೊಬ್ಬ ಕೊಡಲಿ ಹಿಡಿದು ಬಂದು ರದ್ದಾಂತ ಮಾಡುವುದರ ಜೊತೆಗೆ ಬೆಂಕಿ ಹಂಚಿಕೊಂಡು ಆತ್ಮಹತ್ಯೆ ಪ್ರಯತ್ನ ಮಾಡಿರುವ ಘಟನೆ ಉತ್ತರ ಪ್ರದೇಶದ ಫರಿದಾಬಾದ್ ಇತ್ತೀಚಿಗೆ ನಡೆದಿದೆ.
ಹೌದು, ತನ್ನ ಗೆಳತಿಯ ಮದುವೆ ಆಗಮಿಸಿದ ವ್ಯಕ್ತಿಯೊಬ್ಬ(ವಿವಾಹಿತ ಪ್ರೇಮಿ) ಕೊಡಲಿ ಹಿಡಿದು ಸಾಕಷ್ಟು ಗದ್ದಲ ಎಬ್ಬಿಸಿದ್ದಾನೆ. ಇದನ್ನು ಕಂಡ ಎಲ್ಲರೂ ಆತನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ತಾನು ಬ್ಯಾಗ್ನಲ್ಲಿ ತಂದಿದ್ದ ಪೆಟ್ರೋಲ್ ಬಾಟಲ್ ತೆಗೆದು ಪೊಲೀಸರ ಮುಂದೆಯೇ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಪ್ರಯತ್ನ ಮಾಡಿದ್ದಾನೆ. ಕೂಡಲೇ ಬೆಂಕಿ ನಂದಿಸಿ, ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಆರೋಪಿ ಧರ್ಮವೀರ್ ಎಂಬ ವ್ಯಕ್ತಿಗೆ ಈಗಾಗಲೇ ಮದುವೆಯಾಗಿದ್ದು, ಮೂರು ಮಕ್ಕಳ ತಂದೆಯಾಗಿದ್ದಾನೆ. ಧರ್ಮವೀರ್ ಮಥುರಾದಲ್ಲಿ ಕೆಫೆವೊಂದನ್ನು ಕಳೆದ ನಾಲ್ಕು ವರ್ಷಗಳಿಂದ ನಡೆಸುತ್ತಿದ್ದಾರೆ. ಅಲ್ಲಿ ಈ ಯುವತಿ(ಮದುವೆಯಾಗುತ್ತಿರುವ) ಪರಿಚಯ ಆಗಿದೆ, ಅಂದಿನಿಂದ ಇಬ್ಬರ ನಡುವೆ ದೈಹಿಕ ಸಂಪರ್ಕ ನಡೆದಿದೆ. ಆಕೆಯನ್ನು ಮದುವೆಯಾಗುವುದಾಗಿ ಭರವಸೆ ಕೂಡ ನೀಡಿದ್ದನು.
ಆದರೆ, ಆರೋಪಿ ಧರ್ಮವೀರ್ ಈ ಹಿಂದೆ ಮದುವೆ ಆಗಿರುವ ವಿಚಾರ ಆಕೆಗೆ ಗೊತ್ತಿರಲಿಲ್ಲ. ಗೊತ್ತಾದ ಬಳಿಕ ಈತನಿಂದ ದೂರ ಸರಿದಿದ್ದಾಳೆ. ಇದೀಗ ಆಕೆಗೆ ನಿಶ್ಚಿತಾರ್ಥ ಆಗಿದೆ. ಮದುವೆ ಬಗ್ಗೆ ತಿಳಿದ ಮಂಟಪಕ್ಕೆ ಬಂದು '' ಆಕೆ ನನ್ನವಳು, ಮದುವೆ ನಡೆಯಲು ಬಿಡುವುದಿಲ್ಲ, ಈ ಹುಡುಗಿ ಬೇರೆಯವರನ್ನು ಮದುವೆ ಆಗೋದು ಇಷ್ಟವಿಲ್ಲ'' ಎಂದು ಕೊಡಲಿ ಹಿಡಿದು ರದ್ದಾಂತ ಮಾಡಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ಬೆಂಕಿ ಹಚ್ಚಿಕೊಂಡ ಆರೋಪಿಗೆ ದೇಹವು ಸುಮಾರು ಶೇ.50ರಷ್ಟು ಸುಟ್ಟಿದೆ. ಸದ್ಯಕ್ಕೆ ಆಸ್ಪತ್ರೆಯ ಐಸಿಯುನಲ್ಲಿ ದಾಖಲಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.(ಏಜೆನ್ಸೀಸ್)