ಪಂಜಾಬ್: ಇತ್ತೀಚೆಗಷ್ಟೇ ಭಾರತದ ಕ್ಷಿಪಣಿಯೊಂದು ಪಾಕಿಸ್ತಾನದ ಸ್ಥಳದಲ್ಲಿ ಹೋಗಿ ಬಿದ್ದಿತ್ತು. ಬಳಿಕ ಅದು ಅಚಾತುರ್ಯದಿಂದಾಗಿ ನಡೆದಿದ್ದು ಎಂದು ಸೇನೆಯೇ ಸ್ಪಷ್ಟನೆ ನೀಡಿತ್ತು.
ಪಾಕಿಸ್ತಾನದೊಳಗೆ ಭಾರತದ ಕುರುಹು ಇರುವ ಅಥವಾ ಭಾರತದೊಳಗೆ ಪಾಕಿಸ್ತಾನದ ಗುರುತು ಇರುವ ಅನುಮಾನಾಸ್ಪದವಾದ ಯಾವುದೇ ವಸ್ತು ಕಂಡುಬಂದರೂ ಆಯಾ ದೇಶಗಳ ಭದ್ರತಾ ವ್ಯವಸ್ಥೆ ಚುರುಕುಗೊಳ್ಳುತ್ತದೆ.
ಅದೇ ರೀತಿ ಈಗ ದೇಶದಲ್ಲಿ 'ಐ ಲವ್ ಪಾಕಿಸ್ತಾನ್' ಎಂಬ ಬರಹ ಇರುವ ಬಲೂನ್ ಒಂದು ಬಂದು ಬಿದ್ದಿದ್ದು, ಭದ್ರತಾ ವ್ಯವಸ್ಥೆ ಚುರುಕುಗೊಳ್ಳುವಂತೆ ಮಾಡಿದೆ. ಪಂಜಾಬ್ನ ಜಲಂಧರ್ನ ಅದಂಪುರ್ ಬಳಿಯ ಖುರ್ದ್ಪುರ್ ಗ್ರಾಮದ ಬಯಲು ಪ್ರದೇಶದಲ್ಲಿ ಇಂಥದ್ದೊಂದು ಬಲೂನ್ ಬಂದು ಬಿದ್ದಿದೆ.
ಇದು ಯಾರೋ ಕಿಡಿಗೇಡಿಗಳ ಕೃತ್ಯ ಎಂದು ಮೇಲ್ನೋಟಕ್ಕೆ ಅನಿಸುತ್ತಿದೆ. ಅದಾಗ್ಯೂ ನಾವು ಭದ್ರತೆ ದೃಷ್ಟಿಯಿಂದ ಈ ಬಲೂನ್ನ ಮೂಲ ಪತ್ತೆ ಮಾಡಲು ಮುಂದಾಗಿದ್ದೇವೆ ಎಂದು ಅಲ್ಲಿನ ಪೊಲೀಸರು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.