ಪ್ರಯಾಗ್ರಾಜ್: ರಿಪೇರಿಗೆಂದು ಗ್ಯಾರೇಜ್ನಲ್ಲಿ ನಿಲ್ಲಿಸಲಾಗಿದ್ದ ಕಾರಿನ ಬಾನೆಟ್ನಿಂದ ಬೃಹತ್ ಹೆಬ್ಬಾವೊಂದು ಹೊರಬಂದಿದ್ದು ಸ್ಥಳೀಯರನ್ನು ಒಂದು ನಿಮಿಷ ಭಾರೀ ಆತಂಕಕ್ಕೆ ದೂಡಿದೆ. ಈ ಭಯಾನಕ ಘಟನೆ ಉತ್ತರಪ್ರದೇಶದ ಪ್ರಯಾಗ್ರಾಜ್ನಲ್ಲಿ ವರದಿಯಾಗಿದ್ದು, ದೃಶ್ಯ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿದೆ. ಗ್ಯಾರೇಜ್ನೊಳಗೆ ನಿಲ್ಲಿಸಿದ್ದ ಕಾರಿನಲ್ಲಿರುವ ಸಮಸ್ಯೆ ಏನು ಎಂದು ತಿಳಿಯಲು ಅದರ ಬಾನೆಟ್ ತೆರೆದ ಮೆಕ್ಯಾನಿಕ್ಗೆ ಕಾಣಿಸಿದ್ದು 7 ಅಡಿ ಉದ್ದದ ಹೆಬ್ಬಾವು.
ಇದನ್ನೂ ಓದಿ: ಸರ್ಕಾರಿ ನೌಕರರ ಸಂಘದ ಚುನಾವಣೆ ಅಧಿಸೂಚನೆ ಪ್ರಕಟ
ಪ್ರಯಾಗ್ರಾಜ್ನ ಸಿವಿಲ್ ಲೈನ್ಸ್ನಲ್ಲಿರುವ ಹೋಟೆಲ್ ಅಜಯ್ ಇಂಟರ್ನ್ಯಾಶನಲ್ ಹೊರಗಿರುವ ಗ್ಯಾರೇಜ್ನಲ್ಲಿ ಈ ಘಟನೆ ಸಂಭವಿಸಿದೆ. ಮಹೀಂದ್ರಾ ಸ್ಕಾರ್ಪಿಯೋ ಎಸ್ಯುವಿ ಕಾರಿನ ಬಾನೆಟ್ ತೆರೆದಾಗ 7 ಅಡಿ ಉದ್ದದ ಹೆಬ್ಬಾವು ಕಾಣಿಸಿಕೊಂಡಿದ್ದು, ಗಾಬರಿಗೊಂಡ ಮೆಕ್ಯಾನಿಕ್ ತಕ್ಷಣವೇ ಅರಣ್ಯ ಸಿಬ್ಬಂದಿಗೆ ಕರೆ ಮಾಡಿದ್ದಾರೆ. ಬಾನೆಟ್ನ ಒಳಗೆ ಬ್ಯಾಟರಿ ಮೇಲೆ ಆರಾಮದಾಯಕವಾಗಿ ಮಲಗಿದ್ದ ಹೆಬ್ಬಾವನ್ನು ಸ್ಥಳಕ್ಕೆ ಆಗಮಿಸಿದ ಅರಣ್ಯ ಇಲಾಖೆ ರಕ್ಷಿಸಿ, ಸುರಕ್ಷಿತ ಸ್ಥಳಕ್ಕೆ ಬಿಟ್ಟಿದೆ.
ರಕ್ಷಣಾ ಕಾರ್ಯಾಚರಣೆಯನ್ನು ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗಿದೆ. ಕಾರಿನ ಬ್ಯಾನೆಟ್ ತೆಗೆದು ಹೆಬ್ಬಾವನ್ನು ಕಂಡ ಮೆಕ್ಯಾನಿಕ್ ಭಾರೀ ಆತಂಕಕ್ಕೆ ಒಳಗಾಗಿದ್ದು, ಅರಣ್ಯ ಅಧಿಕಾರಿಗಳ ರಕ್ಷಣೆ ಬಳಿಕ ನಿಟ್ಟುಸಿರು ಬಿಟ್ಟಿದ್ದಾರೆ,(ಏಜೆನ್ಸೀಸ್).