ಉತ್ತರ ಪ್ರದೇಶ: ಟೋಫಿ ಧರಿಸಿ ಶಾಲೆಗೆ ಬಂದಿದ್ದ ಕಾರಣದಿಂದ 6ನೇ ತರಗತಿ ವಿದ್ಯಾರ್ಥಿಗೆ ಥಳಿಸಿದ್ದಾರೆ ಎಂಬ ಆರೋಪದ ಮೇಲೆ ಇಲ್ಲಿನ ಬಲ್ಲಿಯಾಲ ಕಾನ್ವೆಂಟ್ ಶಾಲೆಯ ಶಿಕ್ಷಕನ ಮೇಲೆ ಎಫ್ಐಆರ್(FIR) ದಾಖಲಾಗಿದೆ.
ಇದೇ ಡಿ.20ರಂದು ಈ ಘಟನೆ ನಡೆದಿದ್ದು, ಡಿ.26ರಂದು ಜೈಪ್ರಕಾಶ್ ನಗರದ ಅನಿಲ್ ಕುಮಾರ್ ಗುಪ್ತ ನೀಡಿದ ದೂರಿನ ಮೇಲೆ ಶಾಲೆಯ ಶಿಕ್ಷಕ ಜಿತೇಂದ್ರರೈ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಮಗು ಶಾಲೆಗೆ ಟೋಫಿ ಧರಿಸಿದ್ದಾಕ್ಕಾಗಿ ಕುಪಿತಗೊಂಡ ಶಿಕ್ಷಕ ವಿದ್ಯಾರ್ಥಿಯನ್ನು ಮನಬಂದಂತೆ ನಿಂದಿಸಿದ್ದಾನೆ. ಅಲ್ಲದೆ, ಗೋಡೆಗೆ ತಳ್ಳಿ ಥಳಿಸಿದ್ದಾನೆ. ತಲೆಗೆ ಹೊಡೆದಿದ್ದಾನೆ. ಮರುದಿನ ಈ ಘಟನೆಯ ಬಗ್ಗೆ ಮಗುವಿನ ತಂದೆ ಅನಿಲ್ ಕುಮಾರ್ ಶಾಲೆಯ ಪ್ರಾಂಶುಪಾಲರಿಗೆ ದೂರು ನೀಡಿದ್ದಾನೆ. ದೂರು ಹಿನ್ನೆಲೆ ಮತ್ತೆ ಹೊಡೆದಿದ್ದಾನೆ ಎಂದು ತಂದೆ ಆರೋಪಿ ದೂರು ಕೊಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕುರಿತು ಹೆಚ್ಚಿನಿ ತನಿಖೆ ಮಾಡಲಾಗುವುದು ಎಂದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಮತ್ತೊಂದು ಪ್ರಕರಣ ದಾಖಲು
ಇದೇ ರೀತಿಯ ಘಟನೆಯ ಪುಣೆಯಲ್ಲಿ ನಡೆದಿದ್ದು, ಖಾಸಗಿ ಶಾಲೆಯೊಂದರ ಶಿಕ್ಷಕನು ತನ್ನ ಶರ್ಟ್ ಅನ್ನು 6 ನೇ ತರಗತಿಯ ವಿದ್ಯಾರ್ಥಿ ಹಾಕಿಕೊಳ್ಳಲಿಲ್ಲ ಎಂಬ ಕಾರಣಕ್ಕೆ ಮಗುವನ್ನು ಥಳಿಸಿ ಗಾಯಗೊಳಿಸಿದ ಆರೋಪದ ಮೇಲೆ ಪ್ರಕರಣ ದಾಖಲಾಗಿದೆ.
ಆರೋಪಿಯನ್ನು ಸಂದೇಶ್ ಭೋಸಲೆ (26) ಎಂದು ಗುರುತಿಸಲಾಗಿದ್ದು, ಸೆಪ್ಟೆಂಬರ್ 27 ರಂದು ಕಂಪ್ಯೂಟರ್ ತರಗತಿಯ ವೇಳೆ ಈ ಕೃತ್ಯ ಎಸಗಿದ್ದಾನೆ ಎಂದು ವರದಿಯಾಗಿದೆ,(ಏಜೆನ್ಸೀಸ್).