ನೋಯ್ಡಾ: ಸಾಧನೆಗೆ ಬಡತನ ಅಡ್ಡಿ ಬರುವುದಿಲ್ಲ ಎಂಬುದಕ್ಕೆ ಈ ವಿದ್ಯಾರ್ಥಿಯೇ ಜೀವಂತ ನಿದರ್ಶನವಾಗಿದ್ದಾನೆ. ಇತ್ತೀಚಿಗೆ ಪ್ರಕಟಗೊಂಡ ನೀಟ್-ಯುಜಿ ಪರೀಕ್ಷೆಯಲ್ಲಿ ಈ ವಿದ್ಯಾರ್ಥಿಯೂ 720ಕ್ಕೆ 664 ಅಂಕ ಗಳಿಸುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದು, ಈತನ ಸಾಧನೆಯನ್ನು ಜನರು ಕೊಂಡಾಡುತ್ತಿದ್ದಾರೆ.
ಉತ್ತರಪ್ರದೇಶದ ನೋಯ್ಡಾ ನಿವಾಸಿ ಸನ್ನಿ ಕುಮಾರ್ ನೀಟ್ ಪರೀಕ್ಷೆಯಲ್ಲಿ ಉತ್ತಮ ಅಂಕ ಪಡೆದ ತೇರ್ಗಡೆಯಾಗಿದ್ದು, ಈತ ಜೀವನೋಪಾಯಕ್ಕಾಗಿ ಸಮೋಸಾ ಅಂಗಡಿಯನ್ನು ನಡೆಸುತ್ತಿದ್ದಾನೆ. ಕಾಲೇಜು ಮುಗಿದ ನಂತರ ಪ್ರತಿನಿತ್ಯ 4-5 ಗಂಟೆಗಳ ಕಾಲ ಅಂಗಡಿಯಲ್ಲಿ ಕೆಲಸ ಮಾಡುವ ಈತ ತನ್ನ ಕಷ್ಟದ ಸಮಯದಲ್ಲೂ ವೈದ್ಯನಾಗಬೇಕೆಂಬ ಹಂಬಲದೊಂದಿಗೆ ಓದಿ ನೀಟ್ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾನೆ.
ಇದನ್ನೂ ಓದಿ: ರೋಹಿತ್ ಶರ್ಮಾ 37, ಆರ್ ಅಶ್ವಿನ್ 37, ವಿರಾಟ್ ಕೊಹ್ಲಿ 35… ಟೀಮ್ ಇಂಡಿಯಾ ಕುರಿತು ಮಾಜಿ ಕೋಚ್ ಹೇಳಿಕೆ ವೈರಲ್
ಈ ಕುರಿತು ಮಾತನಾಡಿರುವ ಸನ್ನಿ, ನಾನು ಮೆಡಿಕಲ್ ಸ್ಟೋರ್ಗೆ ಹೋದಾಗ ಔಷಧಗಳನ್ನು ನೋಡಿ ನನಗೆ ಕುತೂಹಲ ಹೆಚ್ಚಾಗುತ್ತಿತ್ತು. ಇಷ್ಟು ಚಿಕ್ಕ ವಸ್ತು ಅದೇಗೆ ಅಷ್ಟು ದೊಡ್ಡ ಕಾಯಿಲೆಯನ್ನು ಸರಿಪಡಿಸುತ್ತದೆ ಎಂದು ಒಮ್ಮೆ ಯೋಚಿಸಿದೆ. ಆ ಬಳಿಕ ನನಗೆ ವೈದ್ಯನಾಗಬೇಕೆಂಬ ಆಸೆ ಹುಟ್ಟಿತ್ತು. ಇದಕ್ಕಾಗಿ 11ನೇ ತರಗತಿಯಿಂದಲೂ ಫಿಸಿಕ್ಸ್ವಾಲಾ ಆನ್ಲೈನ್ ತರಗತಿಯಲ್ಲಿ ದಿನನಿತ್ಯ ಅಟೆಂಡ್ ಮಾಡುತ್ತಿದ್ದೆ. ಅದರಿಂದ ಕಲಿತ ವಿಷಯಗಳಿಂದ ಸ್ಫೂರ್ತಿ ಪಡೆದು ಪರೀಕ್ಷೆ ಬರೆದೆ ಎಂದು ಹೇಳಿದ್ದಾರೆ
ಫಿಸಿಕ್ಸ್ವಾಲಾ ಮುಖ್ಯಸ್ಥ ಅಲಖ್ ಪಾಂಡೆ ಈ ಸ್ಫೂರ್ತಿದಾಯಕ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ವಿದ್ಯಾರ್ಥಿಯನ್ನು ಜನರು ಹಾಡಿ ಹೊಗಳುತ್ತಿದ್ದಾರೆ. ಕಠಿಣ ಪರಿಶ್ರಮ ಒಂದಿದ್ದರೆ ಸಾಕು ಪ್ರೆತಿಫಲ ಸಿಗುತ್ತದೆ ಎಂಬುದಕ್ಕೆ ಈ ಹುಡುಗನೇ ಸಾಕ್ಷಿ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.